Hulde aan oom Jan

Die Namibiese Inheemse Boktelersvereniging het een van sy staatmakers verloor. Oom Jan "Meerkat" Oberholzer is op 16 Februarie in die ouderdom van 86 dood. Hy het by Mariental met die inheemse Kaapse skillerbok geboer - trouens, dié bokke is ná die Tweede Wêreldoorlog deur sy pa na Namibië gebring. Me. Sonia Rabie van die vereniging sê hy het diep spore getrap en sal gemis word. Sy het hul innige meegevoel met sy naasbestaandes betuig. Dié foto is geneem toe hy drie jaar gelede erelidmaatskap van die vereniging gekry het. Agter van links is Japie Coetzee, Sonia en Dirk van Zyl. Voor sit oom Jan en sy vrou. Foto Verskaf