Huisbrand eis lewe

Eenjarige spring beserings vry

10 September 2018 | Ongelukke
Otis Finck op Walvisbaai - ’n Man is die naweek in die Katutura-staatshospitaal weens brandwonde dood nadat sy sinkhuis vroeër aan die brand geslaan het.

Hoofinspekteur Daniel Gurirab het die dood van mnr. Paulus Hangula (32) bevestig.

Die brand het Donderdag in Kuisebmond op Walvisbaai ontstaan.

Luidens beskikbare inligting het Hangula en sy lewensmaat, me. Ester Phillipus (30), voor die brand met hul eenjarige seuntjie by hul huis aangekom nadat hulle by ’n plek gekuier het waar tuisgemaakte bier verkoop word.

Albei volwassenes was na bewering ten tye van die tragedie erg onder die invloed van alkohol.

Daar word voorts beweer die paartjie het gaan slaap terwyl ’n kers gebrand het.

"Die sinkhuis het aan die brand geslaan en net die twee volwassenes het ernstige beserings opgedoen. Hulle is na die Walvisbaai-staatshospitaal toe geneem, waar die dokter aangedui het albei het 85% brandwonde opgedoen en is Windhoek toe oorgeplaas vir verdere mediese behandeling. Die hele huis het nie afgebrand nie en die baba is ongedeerd."

Die naasbestaandes van die oorledene is van sy dood ingelig.

Intussen het mnr. Mc Heinrich Tjivikua (38) verlede Maandag in ’n ongeluk tussen Arandis en Usakos gesterf.

Dié ongeluk het omstreeks 22:49 ongeveer 15km buite Arandis plaasgevind.

Volgens Gurirab was die oorledene die enigste insittende in die voertuig.

Tjivikua het glo beheer oor die voertuig verloor waarna dit die pad verlaat en omgeslaan het. Hy is uit die voertuig geslinger voor dit aan die brand geslaan het.

Sy naasbestaandes is ook van sy dood in kennis gestel.

Intussen sal drie verdagtes na verwagting vandag in die Karibib-landdroshof verskyn weens ’n beweerde onwettige jagtog.

Die verdagtes, wat tussen 31 en 34 jaar oud is, het glo met honde en spiese ’n plaas in die Karibib-omgewing betree en ’n gemsbok gejag.

’n Gemsbokkarkas ter waarde van N$1 500 is teruggevind, het Gurirab gesê.

In ander gevalle is verdagtes agter tralies weens beweerde handel in en besit van dwelms.

Die polisie het Donderdag in Narraville op Walvisbaai ’n 18-jarige man en ’n vrou (51) hiervoor aangekeer.

Volgens die polisie is daar beslag gelê op 17 vermoedelik Mandrax-tablette en 17 sakkies vermoedelik dagga met ’n gesamentlike waarde van N$1 190.

Dié verdagtes word na verwagting vandag voor die landdroshf op die hawedorp gedaag.

Soortgelyk

 

Mexikaanse sakeman wil Erindi koop

22nd of May 13:20 | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

8 minute gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

1 uur gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

1 uur gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

2 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

12 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

12 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

12 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

12 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...