Howard-Smith: Beskuldigings is ’n ‘heksejag’
Minder as twee maande ná die mondelinge skorsing van ’n IPC-streekraadslid, word sy nou van nege oortredings aangekla.
Erwin Leuschner op Swakopmund
“Ek is diep bekommerd dat die party fundamentele vryhede en regte skend,” het me. Ciske Howard-Smith vandeesweek gesê.
Howard-Smith, wat dien as voorsitter van die Erongo-streekraad vir die Independent Patriots for Change (IPC), is mondelings geskors deur die president van die party, dr. Panduleni Itula. Die aanklagte teen haar is ’n paar dae gelede aan haar bekend gemaak en sy moet haarself Saterdag by ’n dissiplinêre verhoor in Windhoek verdedig.
Howard-Smith is “baie bekommerd” dat die party haar verbied om ’n prokureur tydens die verhoor teenwoordig te hê.
“Ek word van my basiese regte ontneem. Ek sal nie sonder ’n prokureur na ’n dissiplinêre verhoor reis nie,” het sy gesê.
Dié sentiment is deur haar prokureur, mnr. Tshuka Luvindao, beaam. Luvindao het in ’n brief aan die hoofkwartier van die party opgemerk die teenwoordigheid van ’n prokureur is belangrik weens die "verwikkeldheid en kompleksiteit" van die kwessies. Sou die partyleierskap nie die teenwoordigheid van ’n prokureur toelaat nie, eis Luvindao dat die saak na die hoërhof verwys word.
Hoewel Howard-Smith haar teleurstelling in die partyleierskap uitgespreek het, is sy vasbeslote om haarself te verdedig.
In die kennisgewing van die dissiplinêre verhoor word sy van altesaam nege klagte ingelig, waarvan sy sommige as “belaglik” beskryf. “Dit lyk of ek van enigiets en alles beskuldig word,” het sy gesê.
Sy word onder meer van “onvanpaste gedrag” beskuldig en dat sy die IPC-leiers as “ruggraatloos” op ’n interne WhatsApp-groep beskryf het. Sy word ook van “onordelike gedrag” beskuldig omdat sy “die deur na die raadsaal toegeslaan het” nadat sy ’n vergadering met Itula en ander partylede verlaat het.
Howard-Smith word ook deur drie beskuldigings in die gesig gestaar dat sy geklassifiseerde interne party-inligting met ’n prokureur, ander IPC-lede sowel as die media gedeel het – wat ’n oortreding van die IPC-grondwet is. Sy het ook glo sonder toestemming op die Namibia Media Holdings (NMH)-program Evening Review verskyn.
“Ek is bekommerd die party onderdruk persvryheid. Dis ’n fundamentele reg en deursigtigheid is vir my belangrik,” het sy aangevoer.
Howard-Smith word ook van “oneerlikheid” beskuldig oor sy “voorgegee” het sy is ’n inwoner van die Swakopmund-kiesafdeling, terwyl sy eintlik in Langstrand gewoon het. Dis ook ’n oortreding van die Streekraadwet. Verder word sy daarvan beskuldig dat sy “in die geheim en sonder toestemming” die diensrekords van die Hentiesbaai IPC-raadslid, mnr. Siegfried Garoeb, bekom het.
Hoewel die verhoor vir die naweek beplan word, sal Howard-Smith nie na Windhoek reis nie.
“Ons het nie genoeg tyd gekry om voor te berei nie. Ek en my prokureur sal eers vanaf einde Januarie 2022 weer beskikbaar wees en het daarom versoek dat die verhoor uitgestel word,” het sy gesê.
Teen Dinsdag het sy nog geen antwoord van die partyleierskap ontvang nie. – [email protected]
“Ek is diep bekommerd dat die party fundamentele vryhede en regte skend,” het me. Ciske Howard-Smith vandeesweek gesê.
Howard-Smith, wat dien as voorsitter van die Erongo-streekraad vir die Independent Patriots for Change (IPC), is mondelings geskors deur die president van die party, dr. Panduleni Itula. Die aanklagte teen haar is ’n paar dae gelede aan haar bekend gemaak en sy moet haarself Saterdag by ’n dissiplinêre verhoor in Windhoek verdedig.
Howard-Smith is “baie bekommerd” dat die party haar verbied om ’n prokureur tydens die verhoor teenwoordig te hê.
“Ek word van my basiese regte ontneem. Ek sal nie sonder ’n prokureur na ’n dissiplinêre verhoor reis nie,” het sy gesê.
Dié sentiment is deur haar prokureur, mnr. Tshuka Luvindao, beaam. Luvindao het in ’n brief aan die hoofkwartier van die party opgemerk die teenwoordigheid van ’n prokureur is belangrik weens die "verwikkeldheid en kompleksiteit" van die kwessies. Sou die partyleierskap nie die teenwoordigheid van ’n prokureur toelaat nie, eis Luvindao dat die saak na die hoërhof verwys word.
Hoewel Howard-Smith haar teleurstelling in die partyleierskap uitgespreek het, is sy vasbeslote om haarself te verdedig.
In die kennisgewing van die dissiplinêre verhoor word sy van altesaam nege klagte ingelig, waarvan sy sommige as “belaglik” beskryf. “Dit lyk of ek van enigiets en alles beskuldig word,” het sy gesê.
Sy word onder meer van “onvanpaste gedrag” beskuldig en dat sy die IPC-leiers as “ruggraatloos” op ’n interne WhatsApp-groep beskryf het. Sy word ook van “onordelike gedrag” beskuldig omdat sy “die deur na die raadsaal toegeslaan het” nadat sy ’n vergadering met Itula en ander partylede verlaat het.
Howard-Smith word ook deur drie beskuldigings in die gesig gestaar dat sy geklassifiseerde interne party-inligting met ’n prokureur, ander IPC-lede sowel as die media gedeel het – wat ’n oortreding van die IPC-grondwet is. Sy het ook glo sonder toestemming op die Namibia Media Holdings (NMH)-program Evening Review verskyn.
“Ek is bekommerd die party onderdruk persvryheid. Dis ’n fundamentele reg en deursigtigheid is vir my belangrik,” het sy aangevoer.
Howard-Smith word ook van “oneerlikheid” beskuldig oor sy “voorgegee” het sy is ’n inwoner van die Swakopmund-kiesafdeling, terwyl sy eintlik in Langstrand gewoon het. Dis ook ’n oortreding van die Streekraadwet. Verder word sy daarvan beskuldig dat sy “in die geheim en sonder toestemming” die diensrekords van die Hentiesbaai IPC-raadslid, mnr. Siegfried Garoeb, bekom het.
Hoewel die verhoor vir die naweek beplan word, sal Howard-Smith nie na Windhoek reis nie.
“Ons het nie genoeg tyd gekry om voor te berei nie. Ek en my prokureur sal eers vanaf einde Januarie 2022 weer beskikbaar wees en het daarom versoek dat die verhoor uitgestel word,” het sy gesê.
Teen Dinsdag het sy nog geen antwoord van die partyleierskap ontvang nie. – [email protected]
Kommentaar
Republikein
Geen kommentaar is op hierdie artikel gelaat nie