Houtkruis gevind ná verdwyning

Menigte het al die man met die houtkruis op sy skouer in die straat sien verbystap. Mnr. Martin Esterhuizen (49) stap al vir 11 jaar deur Suid-Afrika en Namibië met sy kruis, en hy het in dié tydperk ongeveer 45 780 km gestap. Esterhuizen se kruistog is egter Donderdagoggend skielik kortgeknip toe iemand sy kruis in Windhoek gesteel het. Al wat hy wil hê, is dat iemand sy kruis vir hom moet terugbring. “Ek kan nie daarsonder nie. Die kruis is my lewe,” sê hy.Hy loop elke dag met die kruis. Hy wou Donderdagoggend Okahandja toe stap, maar toe hy verby die Windhoek-polisiekantoor stap, het hy 'n oproep van 'n pastoor ontvang wat hom gevra het om Pionierspark toe te kom. Hy het die kruis agter die polisiekantoor vasgemaak en Pionierspark toe gestap. “Toe ek terugkom, was die kruis weg. Die toue was nog daar – flenters gesny – maar die kruis was weg,” vertel hy. Die mense wat by die polisiekantoor rondgestaan het, het glo vir hom gesê hulle het die kruis nog 09:00 daar gesien, maar met sy terugkoms, was dit weg. “Hulle almal sê dit is onmoontlik dat dit so skielik kon verdwyn.”“Ek het vir die Here gesê ek sal die kruis dra tot ek nie meer kan nie. Ek moet die evangelie verkondig met die kruis. Ek is baie hartseer oor my kruis, ek sal nie vanaand gaan slaap nie.”Hy sou Sondag weer vanaf Okahandja terugkeer, maar nou kan hy nie. Hy wil net graag hê mense moet hulle oë oophou vir sy kruis en hom kontak as hulle enigiets gewaar. As enige iemand hom kan help om sy kruis terug te kry of planke wil skenk sodat hy 'n nuwe een kan maak, kan hy by 081 478 5914 gekontak word.

Houtkruis gevind ná verdwyning

Kommentaar

Republikein 2026-06-15

Meld asseblief aan om kommentaar te lewer

Houtkruis gevind ná verdwyning

Kommentaar

Republikein 2026-06-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.