Hou asseblief op na ons kap

Ettebab skryf:Verwysend na die skrywe van Agnes Hoffmann in Republikein van 9 Mei 2016.Dit is so waar. Sy is nie die enigste ontstoke en ongelukkige inwoner nie, daar is baie wat presies soos sy voel.Tuine maak ’n groot verskil aan die aantreklikheid van ’n huis – veral as dit eendag verkoop moet word. Verwaarloosde of geen tuine nie, maak dat die hele erf en huis verwaarloos en ongeliefd lyk.In die buiteland word na “curb appeal” verwys.Ons tuine het nie uit die hemel geval nie, dit het met beplannig en finansiële impak gekom.Ons wat in Windhoek woon, as gebore Namibiërs, ken die land se wisselvallige reënval en ons het ons tuine beplan sodat dit nie net uit gras, vetplante en kaktusse bestaan nie.Buitendien, “inheemse tuine” het die probleem dat dit vaal lyk en niks doen vir ’n mens se psige nie. Dit gee die indruk dat iemand wat nie lus het vir tuinmaak nie, die maklikste uitweg gekies het.NoodmaatreëlsToe kom waterprobleme weer en ons (die gewone huishoudings) maak ons beddings kleiner en plant die plante nader aan mekaar sodat ‘n kleiner oppervlak natgemaak hoef te word. Sommige van ons maak toe maar van ’n swembad net ’n “splash pool”. Ander gooi die swembad toe en maak daarvan ’n “patio”.Sommige van ons laat gaan ons koi-dammetjie en hou net ’n 10 liter “water feature” in die plek daarvan sodat die voëltjies kan water drink en bad.Ons moet groot dele van ons tuine “vernietig” en met klip vervang – en raai wat: tot klippe kos geld. Om bakstene te lê, kos geld.Dus: dit kos selfs geld om jou tuin te vernietig!Hoekom klip? Dit help met die stof en as dit die slag dalk reën ook met modder.Ons het van die plante in potte geplant om die waterverbruik nog minder te maak as wat die geval sou wees in 'n bedding.Met elke reënbui het ek buite gesit en by die geut se aflooppyp water opgevang in al wat ’n bottel en kan is (wat ek ook moes gaan koop) om my bietjie tuin te behou.Ek was wasgoed nie eens met seep nie (nie almal kan dit doen nie) sodat ek skoon water vir die tuin het.Ek dra al van 2013 af badwater uit.Was die skottelgoed in ’n skotteltjie en spoel die skottelgoed in ’n emmer af, sodat daardie water ook tuin toe kan gaan.My kommerMaar wat doen diegene in beheer van watervoorsiening in Windhoek? Hulle laat Gods water oor Gods akker loop. Hulle doen niks omtrent die watersituasie nie, terwyl hulle totaal bewus is van die aanhoudende aanwas van inwoners en die druk wat op die waterbronne geplaas word.Oor Republikein van 11 Mei 2016 se artikel “Waterkrisis baie erger”:Daar is laas in 1980 ’n dam gebou - en die lewe staan nie stil nie. Maar niks inspireer dié wat moet sorg vir watervoorsiening om toe verder iets te doen nie, ten spyte van al die feite wat hulle reguit in die gesig staar.Weer is dit Gods water oor Gods akker.Hoekom is daar nie nog damme gebou na die voltooiïng van die Omatakodam nie? Daar kon tot 2012 definitief nog ’n dam gebou word, wat water sou kon opvang. Die artikel berig dat daar sedert 2012 nie inloop was nie, dus sou so ’n dam effektief kon wees.En nou word almal, behalwe die wat moes voorsorg tref, vir die waterprobleme verantwoordelik gehou.Die gewone huishoudings van Windhoek wys die vinger van beskuldiging na Namwater en die Windhoekse munisipaliteit. Hulle het die inwoners van Windhoek in die steek gelaat.Hou op om na ons te kap. Julle het agteroor gesit en niks gedoen toe julle kon nie. Ons is nie oningeligte mense nie; ons is met gesonde verstand geseën. Ons is heeltemal bewus daarvan dat boorgate kan opdroog.Nou eers word akwiferboorgate ingebring en die “eerste boorgate kan moontlik eers vroeg volgende jaar water voorsien”. Tog hou die bouwerk nie op nie – en nou kry padbouwerke ook skuld.Waar gaan haal die tenkers die water?Dink ook aan lugbesoedeling. As alles wat groen is, nou maar moet vrek, wat dan van al die uitlaatgasse van al die karre en busse wat drasties toegeneem het.Groen plante suiwer die lug, daarsonder kom meer as net ’n waterprobleem.Wanneer die wolke verdwyn, wanneer die son die aarde verbrand.Dan word water meer werd as geld.

Hou asseblief op na ons kap

Kommentaar

Republikein 2025-07-16

Meld asseblief aan om kommentaar te lewer

Hou asseblief op na ons kap

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie