Hospitaalbom wond 24

'n Bomontploffing by 'n hospitaal in die Thaise hoofstad, Bangkok, het gister, op die derde herdenking van die 2014-staatsgreep, 24 mense gewond, het die regering gesê. Die hoof van die Thaise weermag het groepe wat teen die junta gekant is, die skuld vir die aanval gegee.Niemand het dadelik verantwoordelikheid vir die ontploffing by die Phramongkutklao-hospitaal in Bangkok, wat gewild is onder soldate en hul families en afgetrede militêre offisiere, aanvaar nie.Kamthorn Aucharoen, die bevelvoerder van die polisie se plofstofeenheid, sê hulle probeer vasstel wie vir die aanval verantwoordelik is. Die militêre regering het toegegee dat dit politieke partye wil verswak en 'n permanente invloed oor verkose regerings wil hê, gedeeltelik deur 'n nuwe grondwet wat verlede maand deur die koning goedgekeur is.'n Verkiesing word vir die einde van volgende jaar beplan. Die ontploffing kom weke ná 'n motorbomontploffing by 'n winkelsentrum in die provinsie Pattani, na aan Thailand se grens met Maleisië, waarin 61 mense gewond is en waarvoor die regering Moslem-insurgente die skuld gegee het.Die verre suide van Thailand is vir 'n geruime tyd die vesting van 'n separatistiese insurgensie. 'n Bom het vroeg gisteroggend in Yala ontplof en militêre beamptes beseer. - Nampa/Reuters

Hospitaalbom wond 24

Kommentaar

Republikein 2025-06-20

Meld asseblief aan om kommentaar te lewer

Hospitaalbom wond 24

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie