‘Hordes’ wil vir graad 12 registreer

Henriette Lamprecht – Die feit dat graad 12 vanjaar uitgefaseer word, het veroorsaak dat die aanvraag daarvoor by die Namibiese Kollege vir Afstandonderrig (Namcol) “nogal skrikwekkend” was en dat “hordes” vir registrasie opgedaag het.Volgens se Namcol se bemarkings- en inligtingsbeampte, mnr. Freddy Kaukungua, het die hersiene leerplan egter ’n minimale invloed op inskrywings vir graad 11. “Ons beplanning hiervoor was veel minder,” sê Kaukungua. Hy kon nie syfers verskaf van hoeveel graad 11- en 12-leerlinge tans by die kollege geregistreer is nie.“Diegene wat opgedaag het, was buite ons beraming. Selfs nadat bykomende materiaal bestel is, was die aanvraag steeds hoog. Dit oorskry al ons verwagtinge,” het hy gesê.Die ministerie van onderwys, kuns en kultuur het intussen ’n bykomende N$4 miljoen beskikbaar gestel vir die druk van ekstra handboeke. Volgens Kaukungua word dié boeke teen einde vandeesmaand verwag.“Dit is moeilik om te bepaal hoeveel hierby gaan baat, aangesien ons leerlinge tussen een en drie vakke op ’n slag neem.”Hy het verduidelik vooruitskattings word jaarliks na gelang van die vorige jaar se getalle gedoen en hiervolgens word materiaal gedruk. Volgens hom is die geld wat Namcol jaarliks van die ministerie ontvang, onvoldoende en word dit ook stuksgewys uitbetaal wat die kollege soms in ’n moeilike situasie plaas. “Die kollege het ook besighede wat spesiaal op die been gebring is om die toelaag aan te vul. Boekwinkels verkoop ons materiaal wat by die Nasionale Instituut vir Opvoedkundige Ontwikkeling (Nied) geakkrediteer is, terwyl dit ook deur skole gebruik word.”Kaukungua het beklemtoon die kollege sal “almal akkommodeer sover ons kan”.“Dit is moeilik om ’n getal hieraan te verbind, maar ons gemiddelde registrasie per jaar is 45 000. Ons verwag egter om meer vir graad 12 te registreer aangesien dit die laaste keer aangebied word.” Sou leerlinge nie vanjaar geholpe raak nie, is die uiteinde dat hulle tot aanstaande jaar sal moet wag of by ander instellings moet probeer geholpe raak. FOONLYN OORWELDIGNamcol se direkteur, dr. Heroldt Murangi, het vroeër gesê daar is ’n verwagte 30% toename in die nuwe druk van materiaal in 10 vakke. Die vakke sluit rekeningkunde, landbou, Engels en ekonomie in. Volgens Murangi dui dit op sowat 49 000 studiepakkette vir ’n bykomende 20 000 leerlinge by sentrums oraloor die land. Weens die geweldige toeloop van leerlinge wat by die kollege wil registreer, moes Namcol noodgedwonge sy telefoniese besprekingstelsel laat vaar.“Die volume oproepe wat die stelsel moes dra, was te veel omdat duisende ingebel het. Die aanvraag het die hulpbronne in plek oorskry,” het Murangi gesê.Die reuse-opkoms weens die aanvraag na die ou leerplan het ook alle beplande getalle oorskry van boeke wat vir vanjaar gedruk is. In dié verband het die kollege ’n opsie vir selfstudie ingestel waar leerlinge sagte kopieë van die nodige materiaal ontvang en minder vir inskrywings betaal. – henriette@republikein.com.na

‘Hordes’ wil vir graad 12 registreer

Kommentaar

Republikein 2025-05-02

Meld asseblief aan om kommentaar te lewer

‘Hordes’ wil vir graad 12 registreer

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie