Hoër kragtariewe vir Noorde ‘buitensporig’

Tuyeimo Haidula op Oshakati – Die Northern Regional Electricity Distributor (Nored) word daarvan beskuldig dat hy gemeenskappe uitbuit ná hy onlangs ‘n tariefverhoging van 3,3% aangekondig het wat op 1 Februarie in werking getree het.Mnr. Simon Lukas, Nored se woordvoerder, het verlede week aangekondig die semistaatsinstelling wil sy kliënte en belanghebbers inlig dat die Elektrisiteitsbeheerraad (ECB) – as die reguleerder van kragtariewe in Namibië – die gemiddelde tariewe met 3,3% verhoog het vir die 2021-’22-boekjaar. Volgens Lukas is dit in ooreenstemming met Subafdeling 2 van Artikel 27 van die Elektrisiteitswet van 2007 wat bepaal “die ECB-raad kan van tyd tot tyd, op aansoek deur ‘n lisensiehouer, die skedule van goedgekeurde tariewe van die betrokke lisensiehouer hersien en vereis dat die lisensiehouer sodanige inligting indien wat die raad vir daardie doel mag benodig.“Nored is ten volle bewus van die huidige ekonomiese situasie en die impak van elektrisiteitskoste op ons kliënte. Die tariefverhoging word egter toegepas om die voortgesette voorsiening en verspreiding van betroubare en bekostigbare elektrisiteitstoevoer van ‘n hoë gehalte aan kliënte gedurende hierdie uitdagende tye te verseker,” het hy gesê.Lukas het gesê volledige inligting oor die nuwe goedgekeurde tariewe word tans gedruk en sal mettertyd onder al hul kliënte versprei word.Mnr. Kephas Haitembu, uitvoerende hoof van die dorp Tsandi, het gesê Namibië beleef ekonomiese uitdagings soos die res van die wêreld en het bevraagteken wat Nored se besluit om die tariewe te verhoog, kon gedryf het.Haitembu het gesê die mense het by die dorp se bestuur gekla dat die kragtariewe buitensporig is, veral midde die Covid-19-pandemie wat tot inkomsteverliese vir meeste huishoudings gelei het.Gemeenskapslede het Nored ook daarvan beskuldig dat hy tariewe verhoog om hul eie salarisse te verhoog, terwyl die massa daaronder ly.“Ons is verteenwoordigers van die gemeenskappe en hulle is ongelukkig. Ons kritiseer Nored nie, en ons haat hulle ook nie, maar dit is opbouende kritiek. Wat oortuig die publiek dat hulle die 3,3% moet betaal?” het hy gevra.Hy het benadruk talle mense het weens Covid-19 geen salarisverhogings ontvang nie, maar hul uitgawes styg steeds. Haitembu het gesê die semistaatsinstelling moet aan sy kliënte verduidelik waarvoor die verhoging van 3,3% is en hoe die besluit geneem is dat dit die voldoende bykomende persentasie is. – republikein@republikein.com.naFOTODie woordvoerder van Nored, mnr. Simon Lukas. Foto Facebook

Hoër kragtariewe vir Noorde ‘buitensporig’

Kommentaar

Republikein 2025-05-02

Meld asseblief aan om kommentaar te lewer

Hoër kragtariewe vir Noorde ‘buitensporig’

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie