Hope vergete dokumente is geld in die water

Sowat 70 000 ID’s lê en gaar stof op

27 July 2021 | Ministeries
Augetto Graig – Die ministerie van binnelandse sake, immigrasie, veiligheid en sekuriteit sê ’n groot getal dokumente waarvoor aansoek gedoen is, word nooit opgeëis nie.
Teen laas week Donderdag het die ministerie nog met 6 247 paspoorte, 4 793 burgerskapsertifikate en 69 967 identiteitskaarte gesit wat nie deur aansoekers afgehaal is nie.
“Ons rekords wys ook kommerwekkend baie aansoeke vir afskrifte van geboortesertifikate en identiteitsdokumente. Gedurende 2020 is aansoek vir altesaam 21 957 afskrifte van geboortesertifikate gedoen, en sedert Januarie 2020 tot op hede is ook vir 27 792 duplikaat- identiteitskaarte aansoek gedoen.
“Hierdie dokumente word teen groot koste gedruk en verkry,” sê die uitvoerende direkteur van die ministerie, mnr. Ettiene Maritz.
Maritz het terugvoering gegee op navrae ná die onlangse aankondiging van prysverhogings vir ministeriële dienste. Die koste vir paspoorte, visums en permitte styg om die koste van beter sekuriteitsmaatreëls te dek.
Uitklaring is onder meer gegee oor die verhoging tot N$1 600 vir ’n sertifikaat van identiteit, wat Namibiërs sou gebruik indien hulle die land wil verlaat en onseker is of hulle by hul terugkoms die land weer wetlik sal kan binnekom.
DOKUMENTE
“Ons sien nalatigheid in die hantering van nasionale dokumente. Mense is geneig om beter na hul identiteitskaarte as hul geboortesertifikate om te sien. Wanneer ’n geboortesertifikaat vereis word, doen hulle aansoek vir ’n afskrif omdat die oorspronklike een verlore of verlê is. Ons hoop met die prysverhoging sal almal beter na hul nasionale dokumente omsien.
“Die publiek moet ook bewus wees dat verlore nasionale dokumente tot identiteitsdiefstal kan lei, wat die werklike houer van die dokument sal benadeel,” sê Maritz.
Volgens die ministerie is presiese syfers onbekend oor hoeveel Namibiërs sonder nasionale dokumente is, maar ’n nasionale demografiese opname in 2016 het aangedui sowat 13% van die bevolking het nie geboortesertifikate nie.
“Die indruk van ’n ongedokumenteerde bevolking bestaan dus,” sê Maritz.
Dieselfde verslag het volgens hom aangedui dat 1,5% van Namibiërs geboortesertifikate van ander lande het.
“’n Deel van hierdie groep, hoewel gedokumenteer, mag staatloos wees,” sê hy.
Die uitvoerende direkteur het ook uitgebrei oor paspoortboekies vir vlugtelinge, wat tevore die plig van die Verenigde Nasies se hoë kommissaris vir vlugtelinge was, maar nou deur gasheerlande voorsien word en nie vir reise terug na lande van oorsprong gebruik kan word nie. Dié koste beloop nou N$400, waar dit voorheen N$200 was, en N$800 om te vervang (voorheen N$400).
Kinders gebore in die buiteland aan Namibiese ouers kan vir ’n burgerskapsertifikaat (op grond van herkoms) aansoek doen. Dit is nou N$500, waar dit voorheen gratis was.
STREEKKANTORE
Maritz sê die ministerie bied dienste vanaf 14 streekkantore in dorpe, nege substreekkantore vir geboorteregistrasie, doodsertifikate en identiteitsregistrasie, en tien substreekkantore net vir registrasie van geboortes en sterftes, plus 23 kantore by hospitale om die tydige registrasie van geboortes en sterftes te verseker.
“Ons het na skole uitgereik en algemene mobiele registrasies gedoen, gemik op verafgeleë gebiede en voorheen benadeelde gemeenskappe. “As dit nodig is om ’n spesifieke groep te registreer, is raadslede welkom om ons te nader met ’n lys van die mense sodat ons ’n geteikende mobiele registrasie kan voorberei,” sê hy.
“Ons mobiele programme is deur die Covid-19-pandemie gekniehalter, maar ons 56 kantore bly oop,” sê hy.
[email protected]

Soortgelyk

 

Forklifting failure

5 ure gelede |

Natasja ByleveldAre you OK thinking about unconventional ideas that could uplift society and norms to a higher standard? Do you like a challenge, or do...

Big thinker who is not afraid of taking risks

5 ure gelede | Mense

Contrasting with his considered, analytical, and steady approach to life, Rolf Mendelsohn is an undisputed adventurer. Together with the other founders of Paratus, Rolf...

'Polisiebeampte' pers dokter glo af

5 ure gelede | Howe

Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die...

Miss Aston dra die kroon

5 ure gelede | In beeld

Cobus van der Merwe van St. Blaize Brahman & Sussex Studs gister by die Gobabis Skou saam met sy “Kampioen van kampioene”, Miss Aston 134-12....

Plaaslike skatte nou aanlyn ­beskikbaar

5 ure gelede | Kuns en vermaak

Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf. Dié platform sal as die aanlyn katalogus van die...

An easy ride-hailing platform

5 ure gelede |

Wetumwene Shikage The everyday experience for many Namibians of getting a taxi to from different locations has been made more convenient. TaxiConnect provides an easy...

A knack for things that are pleasing to the...

5 ure gelede | Mense

Wetumwene Shikage Madeline Heyman, who trained as a fashion designer, has turned her many years of experience to interior design. She says...

Sacrifices worth making

5 ure gelede | Mense

Tunohole MungobaBorn in Windhoek, Leokadia Jacob is a finance administrative officer of Dolomite Camp, which is part of Namibia Wildlife Resorts (NWR).After completing her studies...

Verkiesingskommissie tel weer: Swapo wen steeds

5 ure gelede | Politiek

Augetto Graig – Die Verkiesingskommissie van Namibië (ECN) het gister die stembriewe van die streekraadsverkiesing vir die Ndonga Linena-kiesafdeling – wat op 25 November 2020...