Hoofverdagte in bedrogsaak gee haarself oor
Otis Fink op Walvisbaai
Otis Finck op Walvisbaai - Die polisie het bevestig dat ‘n senior belastingbeampte verbonde aan die ministerie van finansies op Walvisbaai en die hoofverdagte in ‘n bedrogsaak waarby N$2 miljoen betrokke is, in hegtenis geneem is.
Speur-hoofinspekteur Moses Uwu Khaeb sê ‘n vroulike verdagte, wat daarvan verdink word dat sy by die bedrogspul betrokke was, het haarself gister aan die polisie op Walvisbaai oorgegee. “Sy is in hegtenis geneem en sal vandag saam met tien ander verdagtes wat reeds in verband met die saak aangekeer is, in die hof verskyn.”
Dit word beweer dat die beskuldigdes, van wie vier werknemers van die departement van binnelandse inkomste van die ministerie van finansies op Walvisbaai is, bedrog van N$2 220 781 tussen 1 April 2013 en November 2016 gepleeg het.
Die verdagtes het na bewering vals betaal-soos-jy-verdien-sertifikate (PAYE5) geskep en die name van ongeveer 21 medepligtiges (familie en vriende) gebruik en dit geprosesseer.
Dit het tot talle onverdiende belastingterugbetalings gelei wat deur die sekuriteit- en risiko-bestuurspan van die ministerie opgespoor is. Forensiese deskundiges het ‘n interne ondersoek uitgevoer en die saak aan die polisie oorhandig.
Die eerste 6 van die 11 verdagtes, insluitende ‘n belastingbeampte van die ministerie, ‘n skoonmaker en vier medepligtiges, is onderskeidelik op 27 en 28 Desember op Walvisbaai in hegtenis geneem.
Hulle is op klagte van bedrog en oortreding van die wet op teenkorrupsie aangekla en het hul eerste verskyning verlede week voor landdros Vicky Nicoliadis in die Walvisbaai- landdroshof gemaak.
Nicoliadis het borgtog geweier vanweë die ernstige aard van die oortreding en die groot bedrag geld wat betrokke is. Die saak teen Morne Feris (21), Henry Visagie (36), Jaqueline Imbili (44), Willemina Visagie (36), Quinton Mathews (42) en Marlon Prins (25) is tot 10 Januarie uitgestel.
Aanklaer Tuihaleni Hilikuete het borgtog teengestaan en aangevoer dat die ondersoek nog net begin het. Sy het ook gesê die beskuldiges sou met getuies en die inhegtenisneming van ander verdagtes inmeng.
Sommige van die medepligtiges het hul betrokkenheid aan die polisie bevestig. Een van hulle het aan die koerant gesê hy is deur een van die beskuldiges gekontak en het by verskeie geleenthede hulp aan die persoon verleen.
“Hy het gevra om my bankrekening te gebruik en het gesê hy het ‘n bonusuitbetaling gekry. Volgens hom wou hy nie hê die geld moes in sy eie rekening, wat in die rooi was, inbetaal word nie en hy het my ‘n fooi vir die gebruik van my bankrekening betaal.”
Speur-hoofinspekteur Moses Uwu Khaeb sê ‘n vroulike verdagte, wat daarvan verdink word dat sy by die bedrogspul betrokke was, het haarself gister aan die polisie op Walvisbaai oorgegee. “Sy is in hegtenis geneem en sal vandag saam met tien ander verdagtes wat reeds in verband met die saak aangekeer is, in die hof verskyn.”
Dit word beweer dat die beskuldigdes, van wie vier werknemers van die departement van binnelandse inkomste van die ministerie van finansies op Walvisbaai is, bedrog van N$2 220 781 tussen 1 April 2013 en November 2016 gepleeg het.
Die verdagtes het na bewering vals betaal-soos-jy-verdien-sertifikate (PAYE5) geskep en die name van ongeveer 21 medepligtiges (familie en vriende) gebruik en dit geprosesseer.
Dit het tot talle onverdiende belastingterugbetalings gelei wat deur die sekuriteit- en risiko-bestuurspan van die ministerie opgespoor is. Forensiese deskundiges het ‘n interne ondersoek uitgevoer en die saak aan die polisie oorhandig.
Die eerste 6 van die 11 verdagtes, insluitende ‘n belastingbeampte van die ministerie, ‘n skoonmaker en vier medepligtiges, is onderskeidelik op 27 en 28 Desember op Walvisbaai in hegtenis geneem.
Hulle is op klagte van bedrog en oortreding van die wet op teenkorrupsie aangekla en het hul eerste verskyning verlede week voor landdros Vicky Nicoliadis in die Walvisbaai- landdroshof gemaak.
Nicoliadis het borgtog geweier vanweë die ernstige aard van die oortreding en die groot bedrag geld wat betrokke is. Die saak teen Morne Feris (21), Henry Visagie (36), Jaqueline Imbili (44), Willemina Visagie (36), Quinton Mathews (42) en Marlon Prins (25) is tot 10 Januarie uitgestel.
Aanklaer Tuihaleni Hilikuete het borgtog teengestaan en aangevoer dat die ondersoek nog net begin het. Sy het ook gesê die beskuldiges sou met getuies en die inhegtenisneming van ander verdagtes inmeng.
Sommige van die medepligtiges het hul betrokkenheid aan die polisie bevestig. Een van hulle het aan die koerant gesê hy is deur een van die beskuldiges gekontak en het by verskeie geleenthede hulp aan die persoon verleen.
“Hy het gevra om my bankrekening te gebruik en het gesê hy het ‘n bonusuitbetaling gekry. Volgens hom wou hy nie hê die geld moes in sy eie rekening, wat in die rooi was, inbetaal word nie en hy het my ‘n fooi vir die gebruik van my bankrekening betaal.”
Kommentaar
Republikein
Geen kommentaar is op hierdie artikel gelaat nie