Hoofregter se terugblik op 2016
Shivute gee ’n oorsig van prestasies in 2016 en uitdagings vir 2017.
Jacqueline Louw – Die regbank het die president se ondersteuning nodig om geregtigheid aan almal te kan lewer.
Só het hoofregter Peter Shivute gister in sy toespraak by die opening van die 2017-regsjaar by die Hooggeregshof in Windhoek, gesê.
Dié geleentheid is deur president Hage Geingob, die minister van justisie, sy adjunk en senior amptenare, die prokureur-generaal, aanklaer-generaal en senior aanklaers, die ombudsman, regspraktisyns, en lede van die polisie en korrektiewe dienste bygewoon.
2016-OORSIG
Shivute het in sy toespraak gesê groot vordering is gemaak om al die afdelings van die regbank onder een gesagstruktuur te vereniging. Maar daar is nog belangrike hervormings wat gedoen moet word om belangrike wetgewing in ooreenstemming met veranderings in die Derde Namibiese Grondwetlike Wysigingswet en die Regbankwet van 2015 te bring.
Hy het verder genoem die nuutingestelde administratiewe stelselhowe sal help met dié taak.
VERBETERING IN DIENSLEWERING
Shivute het gesê die afhandeling van sake in al die howe is vinniger as in die verlede. Dit is bewerkstelling deur die aanstelling van navorsingsassistente om regters by te staan in die voorbereiding van uitsprake. ’n Opleidingsprogram vir landdroste is ook ingestel sodat meer landdroste as regters in die hoërhof aangestel kan word.
UITDAGINGS
Die hoofregter het geweld teen vrouens en kinders een van Namibië se grootse probleme genoem. Verkragting en moordsake waar vrouens en kinders slagoffers is, verteenwoordig sowat 70% van alle kriminele sake in die hoërhof. Gemiddelde vonnisse van 31 jaar vir moord en 19 jaar vir verkragting word opgelê om hierdie probleem op te los.
’n Tweede uitdaging is die kostes verbonde aan getuiefooie.
Hierdie kostes verteenwoordig ’n aansienlike proporsie van die regbank se operasionele kostes.
Die strafproses moet ook hersien word, omdat daar aansienlike vertragings tussen inhegtenisname, aanstelling van regsverteenwoordigers, eerste hofverskynings en die uiteindelike finalisering van sake ondervind word.
Die regbank beleef ook die uitdaging dat die publikasie van Namibiese hofverslae opgeskort kan word weens ’n tekort aan finansiering.
In sy toespraak het Shivute hierdie toedrag van sake beskryf as ’n “dreigende ramp”.
NASIONALE ONTWIKKELING
Shivute glo indien Namibië se howe doeltreffend funksioneer, dit buitelandse belegging kan aanmoedig. Hy het verder genoem die regbank neem heelwat jong regsgeleerdes van die Universiteit van Namibië in diens en dra sodoende by tot die ontwikkeling van menslike hulpbronne in die land.
BESUINIGINGSMAATREëLS
Groot kommer is deur Shivute uitgespreek oor die huidige finansiële beperkings waaronder staatsdepartemente gebuk gaan. Die bemiddelingsproses van die hoërhof mag byvoorbeeld beëindig word weens ’n gebrek aan geld. Dit sal beteken dat partye hulle tot howe sal moet wend vir duur en uitgerekte verhore.
Ten spyte van uitdagings het Shivute regslui aangemoedig om verhoudings en vennootskappe te bou in die strewe na uitnemendheid en verbeterde geregtigheid vir almal.
Só het hoofregter Peter Shivute gister in sy toespraak by die opening van die 2017-regsjaar by die Hooggeregshof in Windhoek, gesê.
Dié geleentheid is deur president Hage Geingob, die minister van justisie, sy adjunk en senior amptenare, die prokureur-generaal, aanklaer-generaal en senior aanklaers, die ombudsman, regspraktisyns, en lede van die polisie en korrektiewe dienste bygewoon.
2016-OORSIG
Shivute het in sy toespraak gesê groot vordering is gemaak om al die afdelings van die regbank onder een gesagstruktuur te vereniging. Maar daar is nog belangrike hervormings wat gedoen moet word om belangrike wetgewing in ooreenstemming met veranderings in die Derde Namibiese Grondwetlike Wysigingswet en die Regbankwet van 2015 te bring.
Hy het verder genoem die nuutingestelde administratiewe stelselhowe sal help met dié taak.
VERBETERING IN DIENSLEWERING
Shivute het gesê die afhandeling van sake in al die howe is vinniger as in die verlede. Dit is bewerkstelling deur die aanstelling van navorsingsassistente om regters by te staan in die voorbereiding van uitsprake. ’n Opleidingsprogram vir landdroste is ook ingestel sodat meer landdroste as regters in die hoërhof aangestel kan word.
UITDAGINGS
Die hoofregter het geweld teen vrouens en kinders een van Namibië se grootse probleme genoem. Verkragting en moordsake waar vrouens en kinders slagoffers is, verteenwoordig sowat 70% van alle kriminele sake in die hoërhof. Gemiddelde vonnisse van 31 jaar vir moord en 19 jaar vir verkragting word opgelê om hierdie probleem op te los.
’n Tweede uitdaging is die kostes verbonde aan getuiefooie.
Hierdie kostes verteenwoordig ’n aansienlike proporsie van die regbank se operasionele kostes.
Die strafproses moet ook hersien word, omdat daar aansienlike vertragings tussen inhegtenisname, aanstelling van regsverteenwoordigers, eerste hofverskynings en die uiteindelike finalisering van sake ondervind word.
Die regbank beleef ook die uitdaging dat die publikasie van Namibiese hofverslae opgeskort kan word weens ’n tekort aan finansiering.
In sy toespraak het Shivute hierdie toedrag van sake beskryf as ’n “dreigende ramp”.
NASIONALE ONTWIKKELING
Shivute glo indien Namibië se howe doeltreffend funksioneer, dit buitelandse belegging kan aanmoedig. Hy het verder genoem die regbank neem heelwat jong regsgeleerdes van die Universiteit van Namibië in diens en dra sodoende by tot die ontwikkeling van menslike hulpbronne in die land.
BESUINIGINGSMAATREëLS
Groot kommer is deur Shivute uitgespreek oor die huidige finansiële beperkings waaronder staatsdepartemente gebuk gaan. Die bemiddelingsproses van die hoërhof mag byvoorbeeld beëindig word weens ’n gebrek aan geld. Dit sal beteken dat partye hulle tot howe sal moet wend vir duur en uitgerekte verhore.
Ten spyte van uitdagings het Shivute regslui aangemoedig om verhoudings en vennootskappe te bou in die strewe na uitnemendheid en verbeterde geregtigheid vir almal.
Kommentaar
Republikein
Geen kommentaar is op hierdie artikel gelaat nie