Hoofartikel: Wie moet pa staan vir Avihe Cheryl Ujaha se dood?

Denver Kisting - Republikein-lesers moes die afgelope Vrydag hul ontbytpap verteer met die nuus dat me. Sylvia Pekakarua Kaimu moontlik vervolg sal word in verband met haar dogter, Avihe Uhaja, se onlangse grudood.Intussen het Namibië Saterdag sy bekendste negejarige meisietjie gegroet.Op die koerant se Facebook-blad het dit reeds vroegoggend gegons oor die nuus dat Kaimu moontlik vervolging in die gesig staar weens beweerde nalatigheid.’n Afrika-gesegde lui: “It takes a village to raise a child.”Die koue feite is reeds bekend – Kaimu het haar gr.3-dogtertjie in ’n familielid se sorg gelos toe sy Sondag 26 Augustus by bure gaan kuier het.Avihe is omstreeks 13:00 daardie dag laas opgemerk en teen 20:00 het die familie haar amptelik as vermis by die Katutura-polisiestasie aangegee.Lesers is die harnas in vir die polisiehoof wat sê hulle beraadslaag tans met hul regspan oor of Kaimu aangekla moet word.Teen Vrydagoggend – byna twee weke nadat Avihe se verminkte lykie anderhalfdag ná haar verdwyning in ’n rivierloop ontdek is – kon die polisie nog geen noemenswaardige vordering maak nie.Lt.genl. Sebastian Ndeitunga het houe gemik in die rigting van Jan en Sus Alleman wat nie die polisie help nie en eerder op sosialemediaplatforms onsensitiewe beeldmateriaal deel.Dit ís so dat Avihe se dood deur baie as ’n diep emosionele ervaring beleef word. En dit geld nie net vir haar geliefdes, vir wie ’n lang pad van rou waarskynlik voorlê nie.Bewerings vlieg onverpoos heen en weer dat genoeg nie gedoen is om haar lewend en ongedeerd op te spoor nie.Om die blaam rond te skuif, dien geen opbounde doel in dié stadium nie.Wat die tragedie van ons álmal vra, is om opnuut te besin oor die veiligheid van weerlose lede van die samelewing – veral kinders – en om verantwoordelikheid te aanvaar vir die plig wat ons het om na die beste van ons vermoë na hulle om te sien.Dit neem inderdaad ’n ganse gemeenskap om ’n kind groot te maak.Só sê ander:The Times of IndiaIndian Supreme Court on qay sexThe Constitution Bench of the Supreme Court of India has undone an enormous injustice to members of the lesbian, gay, bisexual and transgender (LGBT) community in its judgment delivered in Navtej Johar vs Union of India. It has undone not just Section 377 of the Indian Penal Code insofar as it decriminalised homosexual acts between consenting adults, but also its own judgment in Suresh Kumar Koushal vs Naz Foundation.

Hoofartikel: Wie moet pa staan vir Avihe Cheryl Ujaha se dood?

Kommentaar

Republikein 2025-05-01

Meld asseblief aan om kommentaar te lewer

Hoofartikel: Wie moet pa staan vir Avihe Cheryl Ujaha se dood?

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie