Honderde duisende se inkomste op die spel

'n BAIE BEKOMMERDE HENGELAAR SKRYF:'n Toeristegroep bestaande uit vier (4) persone uit Suid-Afrika wat vir twee weke hier kom hengel betaal in totaal R25 000 plus R2 000 vir permitte om vis na Suid-Afrika in te voer. Om nou nog te verwag dat daardie toeristegroep nog R3 000 ekstra aan permitte moet opdok, is verregaande.Oom Calle ,daar gaan jou N$230 000 se toerisme-inkomste.Agbare mnr. Esau, doen asseblief iets aan hierdie saak. Dit help nie ons gesels met meneer doktor Moses Maurihungiire nie.Ons is bereid om meer te betaal. Ons is nie onwillig nie, maar daar is min/geen mense op Hentiesbaai, Swakopmund en in Namibië wat 'n minister se salaris of 'n permanente sekretaris se pakket verdien.Baie inwoners is pensioenarisse en het slegs hulle pensioen om van te lewe. Moet asseblief nie hulle noodsaaklike ontspanning weg maak en daardeur die hele bedryf doodmaak nie.Daar is net te veel besigheidsfassette ter sprake: van eiendomspryse tot verhuring, toerleiers se inkomste en ja, werkgeleenthede wat gaan doodloop.Verskeie winkeltjies op Henties het al in die verlede onder die huidige ekonomiese toestande oopgemaak in November en in Aprilmaand weer gesluit, omdat Hentiesbaai afhanklik van toerisme is en daar nie 'n konstante stroom besoekersvoete is nie.En nou? Wat gaan nou verkoop in 'n spookdorp waar die ministerie deur ondeurdagte wetgewing mense van hulle inkomste ontneem?Dit is 'n feit dat toe wetgewing strande in Suid-Afrika gesluit het, die waarde van kuseiendomme met 50% verminder het en diefstal het met 200% die hoogte in geskiet as gevolg van werkloosheid. Wil u, mnr. Esau, hê dat dit met ons kusdorpe gebeur?(Hierdie slotgedeelte van die brief "Hengelaars is bereid om meer by te dra - binne perke", gepubliseer op Dinsdag 1 Augustus 2017, het ongelukkig nie in die skrywer se oorspronklike e-pos aan die koerant verskyn nie. Ons voeg dit graag by vir volledigheid. - Redakteur)

Honderde duisende se inkomste op die spel

Kommentaar

Republikein 2025-09-18

Meld asseblief aan om kommentaar te lewer

Honderde duisende se inkomste op die spel

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie