Hokslaan van geweld bly prioriteit

Tanja BauseDie Namibiese polisie het ’n geslagsgebaseerde nasionale aksieplan van stapel gestuur. Dit aangesien geslagsgebaseerde geweld (GBV) steeds ’n prioriteit bly weens die verwoestende impak wat dit op die samelewing het.Volgens majoor-generaal Anne-Marie Nainda, die adjunk-inspekteur-generaal vir administrasie van die Namibiese polisie, is daar 5 427 geslagsgebaseerde verwante sake vir die 2019-’20-finansiële jaar aangemeld en 2 643 vir die daaropvolgende jaar. “Mans is die hoofoortreders van GBV terwyl die aantal vroue besig is om toe te neem,” het sy gesê. Volgens die woordvoerder van die polisie, adj.komm. Kauna Shikwambi, kan redes vir die afname die hoktyd, aandklokreël en die verbod op die verkoop van alkohol wees. “Nog redes is moontlik die aanmelding van sulke misdade by die polisie en in hegtenisnemings wat moontlike oortreders afskrik. Ook opleidingsveldtogte en die gemeenskap wat menseregte beter verstaan en ander maniere gevind het om kwessies sonder geweld op te los,” het sy gesê.Die ontwikkeling van die plan het in November 2020 begin en die doel is om polisiëringspogings met die oog om vinniger te reageer, ondersoeke te bespoedig en samewerkende en konsultatiewe intervensies te beklemtoon.Die polisie het op 1 April 2021 die 365 aktivisme-veldtog van stapel gestuur om bewustheid oor GBV te skep.Die tema van die veldtog is “Almal verdien om sonder geweld te lewe”.Dit is op ses basiese doelstellings gebaseer. Om die toewyding, ondersteuning en samewerking van alle belanghebbendes te verseker en deur middel van opvoedkundige programme na die publiek uit te reik; om die publiek oor GBV op te voed en bewus te maak en om raad te gee oor waar mense hulp kan kry; om huidige bedrywighede en veldtogte soos skoolbesoeke deur die #Keep-Me Safe-veldtog te versterk; om waarde toe te voeg tot dienste wat Nampol aanbied, soos kliëntediens wanneer hulle met lede van die publiek te doen kry by polisiekantore en kantore vir gemeenskapsake; om teen te alle tye daarna te streef om proaktief op misdaadverslae te reageer; en om te verbeter op hoe polisiebedrywighede uitgevoer word, van voorkoming tot ondersoek tot voltooiing.In lyn met die veldtog was dit nodig om die GBV-aksieplan vir die 2021-’22-finansiële jaar van stapel te stuur wat op bewusmaking, bedrywighede, operasies en ondersoeke gebaseer sal wees. Bewusmaking is gerig op die aantal GBV-bewustheid/opleiding wat elke maand en kwartaal gedoen moet word; operasies op die aantal operasies wat elke streek maandeliks en kwartaalliks moet doen; opleiding op die aantal lede wat per kwartaal opgelei moet word om GBV-ondersoeke te kan doen; en ondersoeke op die persentasie van sake wat afgehandel moet word. “Daarbenewens sal die kantoor van die inspekteur-generaal maandelikse en kwartaallikse verslae verwag vir die monitering en evaluering van hierdie projek. Dit sal gedoen word om te verseker dat die plan sy doelwitte bereik, en ook om die skuiwergate dadelik die hoof te bied soos dit geïdentifiseer word,” het Nainda gesê. - tanja@republikein.com.na

Hokslaan van geweld bly prioriteit

Kommentaar

Republikein 2026-05-05

Meld asseblief aan om kommentaar te lewer

Hokslaan van geweld bly prioriteit

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.