Hokkieliga opgeskort

Die Namibiese Hokkie-unie (NHU) het gister die opskorting van die NHU Bank Windhoek binnenshuise liga vir 2020 aangekondig.“Vanweë die wêreldwye coronavirus-pandemie het die Namibiese regering benadruk dat alle groot byeenkomste vermy moet word om die verspreiding van die aansteeklike virus onder bedwang te bring.“Verskeie venues vir die hokkieliga het ons intussen ook ingelig dat hulle vir minstens die volgende twee weke gesluit sal bly.“Alle besprekings van fasiliteite sal dus geherskeduleer moet word. ’n Hersiene wedstrydprogram sal bekend gemaak word sodra dit veilig verklaar is om weer met sportgeleenthede voort te gaan,” het die NHU se wedstrydsekretaris, mnr. Jens Unterlerchner, in ’n nuusverklaring gesê.Volgens hom is die sportsale van DTS in Olympia, asook Saints se sportsaal by die skougronde vir minstens die volgende twee weke ontoeganklik.Uit die groter oogpunt is die opskorting van die liga ’n terugslag vir Namibië se voorbereiding op die kontinentale binnenshuise kampioenskap, waar sy mans- en vrouespanne teen die Suid-Afrikaners en ander uitdagers sal meeding om die voorreg van ’n verskyning by die wêreldkampioenskap.Die Namibiese nasionale vrouespan, onder afrigterskap van Erwin Handura, het in 2018 by die binnenshuise wêreldkampioenskap in Duitsland gaan meeding, nadat hulle Suid-Afrika vroeër in die kwalifiserende toernooi uit die kussings gelig het.EENSYDIGE UITSLAELigawedstryde is die afgelope naweek nog gespeel, met twee wegholoorwinnings vir DTS se manspan wat hom net ’n enkele ligapunt agter die voorloper Saints geplaas het.DTS het Sondag ’n eensydige totaal van 17-0 teen die arme BDO Wanderers opgestapel, nadat hulle die vorige dag vir Unam met 6-1 kafgedraf het.DTS se doelskieters teen Unam was Josh van der Merwe (2), David Britz, Krynauw Weber en Percy Barthram (2), nadat die studentespan in groen aanvanklik danksy Kevin Kapuire se treffer voorgeloop het.Die volgende oggend was DTS selfs meer akkuraat in sy stelselmatige vernieling van Wanderers met 17-0.Sommer binne die eerste drie minute het Lenard Fick sy driekuns aan doele behaal om met 3-0 voor te loop. Die rustydtelling was reeds 10-0, met Fick (ses doele) wat uiteindelik deur sy spanmaat Percy Barthram (7) oortref is. Nog twee doele elk het van David Britz en Ivan Semedo gekom.• Vrydagaand het Saints egter ook nie op hom laat wag nie, toe hy 15 doele sonder antwoord teen Unam ingeryg het (rustyd 6-0).Fagan Hansen (vier doele) en Kave Tjikuniva (vier doele), Saints se aanwins wat tevore vir Unam gespeel het, was aan die voorpunt, terwyl Nico Neethling (drie doele), Isaac Fallis (2) en Dakota Hansen (2) ook die kol getref het.• Die wisselvallige NUST sal tevrede voel met ’n spannende gelykopuitslag van 4-4 teen Windhoek Old Boys, nadat die studente rustyd met 2-3 agter was.NUST se doelskieter was Marc Sungayi (2), Nelson Ekandjo en Hadley Mubuu, terwyl Anrich Loftie-Eaton en Siyabonga Martins (3) verseker het dat Old Boys met laasgenoemde se driekunsdoel ’n nederlaag afweer.VROUEAs verdedigende kampioen het Saints sy voorsprong boaan die puntelys verder uitgebrei met sy oorwinning van 8-0 Sondagoggend teen Unam.’n Uitblinker was Azaylee Philander met ’n driekuns, terwyl doele deur haar spanmaats Caitin Gillies, Danja Meyer, Celé Wessels, Jerrica Cormack en Sunelle Ludwig die eindtelling verder opgestoot het.• In Unam se ander wedstryd van die naweek die vorige dag het die vroue met 1-2 teen DTS verloor. DTS se doel is beide deur Tanya Olivier behaal, terwyl Lidia Simon met ’n laat treffer vir Unam vorendag gekom het.

Hokkieliga opgeskort

Kommentaar

Republikein 2026-07-17

Meld asseblief aan om kommentaar te lewer

Hokkieliga opgeskort

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.