Hof gooi Trump-besluit oor migrante omver
Die asielsoekers kom van El Salvador, Honduras, Guatemala en Nicaragua.
Sewe families uit Sentraal-Amerika wat tydelik in Mexiko leef, het Dinsdag in ’n immigrasiehof in San Diego, Kalifornië, vir asiel in die land gepleit.
Sowat 1 000 asielsoekers is van Amerika teruggestuur oor die grens na Tijuana in Mexiko in ’n nuwe beleid van pres. Donald Trump dat hulle gedurende die aansoektydperk om asiel nie in Amerika mag bly nie.
Dié Trump-besluit is Maandag deur die hof omvergegooi. Amerika se wet bepaal dat asielsoekers in die land mag woon terwyl hulle wag dat hul aansoek om asiel afgehandel word.
Die regter in die hof in San Diego wou van die regsverteenwoordiger vir die Amerikaanse regering weet wat gaan nou met die mense gebeur.
“Ek het nie ’n antwoord nie,” het Kathryn Stuever, die regsverteenwoordiger, gesê.
’n Amerikaanse hof het Maandag gesê die 11 klaers wat die regering hof toe gevat het oor die beleid kan in Amerika kom bly terwyl hulle op die uitkoms van hul asielaansoek wag.
Die hof het dit ook duidelik gemaak dat asielsoekers nie gedwing kan word om in Tijuana te wag terwyl die proses aan die gang is nie.
Die hofbevel word eers Vrydag van krag en die regering het klaar laat weet hy gaan appelleer. Dit kan die saak maande lank uitrek, miskien selfs tot ná die presidensiële verkiesing volgende jaar in Amerika.
Diegene wat reeds weggewys is, is nou in ’n niemandsland. Hulle woon in tente in pakhuise en ander skuilplekke en is bang hul kinders word ontvoer, terwyl hulle ook kwesbaar vir geweld en siektes is.
Die migrante kom van El Salvador, Honduras, Guatemala en Nicaragua en daar is 286 kinders onder hulle.
Van die mense het in onderhoude aan Reuters gesê hulle loop deur onder diefstal, geweld en daar is pogings om hul kinders te ontvoer.
Veronica Guadalupe Galdamez (32) het Dinsdag met haar lewensmaat en twee kinders in die hof verskyn. Hulle is bang om teruggestuur te word na Tijuana omdat “iemand een van ons kinders probeer vat het”.
Galdamez het aan Reuters vertel sy het in 2018 uit El Salvador gevlug omdat hulle deur bendes bedreig is. Binne oomblikke dat sy na Mexiko gestuur is ná haar eerste hofverskyning, het twee mans haar vierjarige seuntjie probeer steel, sê sy.
Tijuana is bekend as die wêreld se gewelddadigste stad buite ’n oorlogsgebied.
Ná Galdamez se hofverskyning Dinsdag is sy en haar gesin deur ’n asielbeampte ondervra. Dit is nie bekend wat daarna van haar geword het nie. - Netwerk24
Sowat 1 000 asielsoekers is van Amerika teruggestuur oor die grens na Tijuana in Mexiko in ’n nuwe beleid van pres. Donald Trump dat hulle gedurende die aansoektydperk om asiel nie in Amerika mag bly nie.
Dié Trump-besluit is Maandag deur die hof omvergegooi. Amerika se wet bepaal dat asielsoekers in die land mag woon terwyl hulle wag dat hul aansoek om asiel afgehandel word.
Die regter in die hof in San Diego wou van die regsverteenwoordiger vir die Amerikaanse regering weet wat gaan nou met die mense gebeur.
“Ek het nie ’n antwoord nie,” het Kathryn Stuever, die regsverteenwoordiger, gesê.
’n Amerikaanse hof het Maandag gesê die 11 klaers wat die regering hof toe gevat het oor die beleid kan in Amerika kom bly terwyl hulle op die uitkoms van hul asielaansoek wag.
Die hof het dit ook duidelik gemaak dat asielsoekers nie gedwing kan word om in Tijuana te wag terwyl die proses aan die gang is nie.
Die hofbevel word eers Vrydag van krag en die regering het klaar laat weet hy gaan appelleer. Dit kan die saak maande lank uitrek, miskien selfs tot ná die presidensiële verkiesing volgende jaar in Amerika.
Diegene wat reeds weggewys is, is nou in ’n niemandsland. Hulle woon in tente in pakhuise en ander skuilplekke en is bang hul kinders word ontvoer, terwyl hulle ook kwesbaar vir geweld en siektes is.
Die migrante kom van El Salvador, Honduras, Guatemala en Nicaragua en daar is 286 kinders onder hulle.
Van die mense het in onderhoude aan Reuters gesê hulle loop deur onder diefstal, geweld en daar is pogings om hul kinders te ontvoer.
Veronica Guadalupe Galdamez (32) het Dinsdag met haar lewensmaat en twee kinders in die hof verskyn. Hulle is bang om teruggestuur te word na Tijuana omdat “iemand een van ons kinders probeer vat het”.
Galdamez het aan Reuters vertel sy het in 2018 uit El Salvador gevlug omdat hulle deur bendes bedreig is. Binne oomblikke dat sy na Mexiko gestuur is ná haar eerste hofverskyning, het twee mans haar vierjarige seuntjie probeer steel, sê sy.
Tijuana is bekend as die wêreld se gewelddadigste stad buite ’n oorlogsgebied.
Ná Galdamez se hofverskyning Dinsdag is sy en haar gesin deur ’n asielbeampte ondervra. Dit is nie bekend wat daarna van haar geword het nie. - Netwerk24
Kommentaar
Republikein
Geen kommentaar is op hierdie artikel gelaat nie