Hoeveel is genoeg?

Aan die een kant sukkel die Swapo-regering met die sogenaamde “Struggle Kids” en aan die ander kant blykbaar steeds ook met sekere oudstes wat in die vryheidstryd geveg het.Sommige oorlogsveterane dreig volgens Republikein se susterskoerant, die Namibian Sun, om vanjaar se Heldedagvieringe op 26 Augustus te boikot.Dit is onduidelik presies hoeveel beswaardes daar is.Een ontevredene voer aan dat senior veterane steeds in armoede krepeer, nie die nodige erkenning ontvang nie en steeds nie die “vrugte van onafhanklikheid” kon pluk nie.Feite oor die omvang van armoede, dakloosheid en werkloosheid in Namibië bewys onteenseglik dat derduisende ander inwoners ook nog nie hierdie vrugte gesmaak het nie.In die verloop van ‘n kwarteeu het die regering verskeie kere onder druk uit veterane se geledere hulpprojekte en ondersteuningsnetwerke uitgebrei. Die toekenning aan veterane in die nasionale begroting bewys dat hulle beter as enige ander groep deur die staat versorg word.In Zimbabwe het veterane die afgelope Maandag op Heldedag ook geweier om na pres. Robert Mugabe se toespraak te gaan luister weens die arrestasie van oudstryders wat nou ook die ekonomiese ineenstorting en swak regering in hierdie buurland openlik kritiseer. Die dreigement in Namibië kom midde ‘n ekonomiese en maatskaplike werklikheid wat selfs al is dit nie ideaal nie, drasties beter as toestande in Zimbabwe is.Geen ander Namibiërs het vir groot kontantbetalings of sakelenings gekwalifiseer nie, en verdien baie kleiner toelae as die veterane.Wanneer is genoeg, genoeg?So sê ander10 Augustus 2016ANC se glans het internasionaal ook erg verdofDie wyse waarop verlede week internasionaal oor die munisipale verkiesing berig is, hou ’n les vir die ANC in.Die dae dat Suid-Afrika elders in die wêreld voorbladnuus was, is verby. Af en toe duik Suid-Afrika tog weer op die internasionale radarskerm op. Meestal gaan dit dan oor pres. Jacob Zuma se skandes, Nkandla, sy wanbestuur en die ANC se korrupsie.Dit is dié paradigma waarbinne die meeste internasionale ontledings van die plaaslike verkiesings plaasgevind het. ’n Tipiese voorbeeld was ’n artikel in die jongste uitgawe van die Duitse nuustydskrif Der Spiegel met die opskrif “Die herfs van die kleptokrate”.As sodanig moet die ANC aanvaar dat hy nie meer op spesiale gunste aanspraak kan maak nie. Die era van realpolitiek is hier.• NETWERK24

Hoeveel is genoeg?

Kommentaar

Republikein 2025-12-16

Meld asseblief aan om kommentaar te lewer

Hoeveel is genoeg?

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.