Hoenderprojek bemagtig San-gemeenskap

Talle noordedorpe hul mark

26 June 2020 | Mense
Tanja Bause – Die Tov-liefdadigheidsorganisasie vir vigswesies en weerlose kinders op Tsumeb het met ’n nuwe hoenderplaas begin en in Januarie die jaar het die eerste eiers uitgebroei wat hulle verkoop het.

Die Maatskaplike Voorsorgkommissie (SSC) het in 2014 mense wat met en in randgemeenskappe werk, genooi om hul idees en planne te deel.

Volgens eerw. Edward Amadhila, die stigter van Tov, het hulle besluit om ook vir die geld aansoek te doen.

“Ons het ons brief ingestuur en verlede jaar het ons goedkeuring ontvang. Ons het onmiddellik begin om die hoenderhokke op ons Evergreen-plaas naby Tsintsabis op te rig.”

Hulle het 2 000 hoenders en 1 700 eiers word per dag uitgebroei wat hulle aan mense van die omgewing, sowel as Otavi, Grootfontein, Ondangwa en Rundu verkoop.

“’n Maatskappy wat op groot maat eiers by ons koop het, het ons in Maart ingelig dat hulle weens Covid-19 dit nie meer kan doen nie omdat hulle die eiers aan skole voorsien en die skole is gesluit. Ons het ons prys per eier van N$2 tot N$1.60 verlaag.

“Ons kan nie vir ons hoenders sê dat hulle nie mag lê nie omdat daar ’n virus is en ons nie so baie eiers benodig nie. Ons het die prys verlaag en die gemeenskap het die eiers gekoop. Noudat die skole weer oopmaak, gaan die prys weer terug na normaal. Dit beteken 30 eiers sal jou weer N$60 kos.”

Tov het opleiding in die insameling en verpakking van die eiers, asook die versorging van die hoenders aan 20 San-vroue van Tsintsabis gegee. Vyf van die vroue werk tans op die plaas en verdien N$1 500 per maand. Elke Vrydag vat hulle ook eiers saam huis toe, want volgens Amadhila kan jy nie in die tempel werk sonder om van die tempel te eet nie.

“Ek het gedink die hongersnood is groot in Tsumeb, maar dit is niks in vergelyking met Tsintsabis nie. Elkeen van die vroue sorg vir tot 17 mense met haar klein salaris.”

Volgens hom behoort die Evergreen-plaas, wat ’n gedeelte van ’n hervestigingsplaas is, al vir die afgelope 15 jaar aan die Tov.

“Ons het verskeie projekte probeer om volhoubaar te word, maar dit lyk vir my ons het nou die antwoord. Die geld wat oorbly nadat ons kos vir die hoenders gekoop het, bêre ons. Met dié geld kan ons die 65 Tov-kinders, insluitend sewe weeskinders, versorg en hul lewens verbeter. Twee van die kinders is in private skole en met dié geld kan ons dalk meer in private skole sit.”

Die Tov koop ook krediet vir hul kinders van die geld sodat hulle aanlyn skool kan bywoon.

“Ons het ook twee skootrekenaars gekoop sodat die kinders met hulle skoolwerk kan aangaan. Ons kinders kom uit arm huise en het nie rekenaars of geld vir krediet nie. Ons moet na hulle kyk anders sal hulle nie die jaar deurkom nie.”

Van die hoenders wat nie meer gereeld eiers lê nie sal aan die einde van Desember vervang word met nuwe kuikens.

“Ons kan nie almal op een slag vervang nie, want dan sit ons vir ’n hele ruk sonder ’n inkomste, dus sal ons hulle stuk-stuk vervang.”

[email protected]

Soortgelyk

 

Vandag se Covid-19-data

3 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

4 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

8 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

19 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

19 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

19 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

19 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

19 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

19 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...