Hoe bakterieë jou beïnvloed

Die gemiddelde individu is meer bakterieë as mens.
Navorsing dui toenemend daarop dat die bakterieë wat in mense se verteringstelsel is, dalk ? groot rol in ons algemene gesondheid speel. Só is toestande soos depressie, outisme, kolonkanker, prikkelbare dermsindroom en selfs skisofrenie in onlangse studies met wanbalanse in mense se dermkanaal verbind.


Goed, sleg en aaklig
? Mens het glo tot 5 000 verskillende spesies bakterieë wat in die spysverteringstelsel voorkom.
Die “slegte” of nadelige bakterie wat die mees algemeen in mense se spysverteringstelsels voorkom, is die Helicobacter Pylori, ? bakterie wat aanleiding tot maagsere kan gee. Nog ? slegte bakterie-soort, wat wetenskaplikes Methanobrevibacter Smithii noem, is verantwoordelik vir die vervaardiging van metaangas.
Lactobacillus asook Lactobacillus Helveticus is goeie bakterieë wat waarskynlik in die bevegting van stres en angs betrokke is. Bifidobacteria is goed met die behandeling van siektetoestande van die spysvertering en Bifidobacterium Longum word ook met die vermindering van angs en depressie geassosieer.


Depressie en angs
Meer as ? derde van depressielyers het ? derm wat “lek”, of ? deurlaatbare dermwand wat toelaat dat bakterieë “ontsnap” en in hul bloedstroom beland.
? Prebiotiese middel kan angs en depressie teenwerk. Deur voordelige bakterieë in te neem, kan jy die manier verander hoe jou brein op die omgewing reageer.


Skisofrenie
Studies op muise het ? gebrek aan normale dermbakterie met veranderinge in hul breinontwikkeling verbind.
Genetika speel egter ? groot rol in skisofrenie, maar die presiese werking daarvan is baie ingewikkeld en word nog nie ten volle verstaan nie.


Outisme en prikkelbare dermsindroom
Outisme gaan dikwels met maagkwessies gepaard, wat ? derm wat “lek” of prikkelbare dermsindroom (IBS) insluit.
Terselfdertyd het navorsers ? besliste verbintenis tussen IBS en oormatige groei van bakterieë in die dunderm gevind.


Parkinson- en Chronsiekte
Die bakterieë wat in mense met Parkinson-siekte se spysverteringstelsel gevind word, is anders as dié van gesonde mense.
Abnormale hoë vlakke van ? sekere bakterie is ook moontlik teenwoordig wanneer mense Chronsiekte (? siekte van die spysverteringstelsel wat veroorsaak dat dit chronies inflammasie het) ontwikkel. Die bakterie is moontlik die oorsaak dat mense met laasgenoemde siekte ‘n abnormale immuunreaksie ontwikkel.


Vetsug, diabetes en kolonkanker
Verskeie studies koppel onstabiliteit in die spysverteringstelsel se mikrobe aan vetsug en ander vetsug-verwante gesondheidsprobleme. Mikrobes in die spysverteringstelsel wat van suiker hou, tesame met die koolhidrate wat jy eet en waarop hulle teer, kan die ontwikkeling van kolonkanker aanhelp. Hoë koolhidraatdiëte mag oor die afgelope dekades moontlik bygedra het tot die verhoogde syfer van mense wat aan kolonkanker ly.


Rumatoïede artritis, dikdermontsteking
Studies het ? verbintenis tussen rumatoïede artritis en lae vlakke van sekere voordelige bakterieë in mense se spysverteringstelsel, tesame met hoë vlakke van ongesonde Prevotella copri bakterieë, gevind.
Dikdermontsteking word moontlik ook deur wanbalanse in die spysverteringstelsel se bakterieë veroorsaak. Dis genoeg rede om goed na die bakterieë in jou spysverteringstelsel om te sien.
Bronne: ScienceDaily.com, WebMD.com, LiveScience.com, Medical News Today en The Scientist.