Hobas Camp trek nuwe baadjie aan

Ná maande se opknapwerk het Namibia Wildlife Resorts (NWR) se Hobas Camp van 7 April af 'n nuwe baadjie aangetrek wat meer en beter geriewe aan toeriste bied wat die Visrivier-canyon wil besoek.Hobas Camp is aan die noordelike kant van die tweede grootste canyon in die wêreld geleë - een van die grootste trekpleisters in die suide van die land vir toeriste. Hobas Camp is hoofsaaklik bekend as die beginpunt van die gewilde Visrivier-staproete. Voorheen was dit net 'n kampeerterrein waar stappers oornag het voor hulle die staproete aangedurf het.Nou spog Hobas Camp met ses kamers, 16 kampeerplekke, piekniekplekke, 'n kiosk, swembad én restaurant. Met die nuwe geriewe bied dit meer aan kliënte wat die area gereeld tydens die stapseisoen besoek.Dit is ook gerieflik vir deelnemers aan oorgrens-sportaktiwiteite wat jaarliks tussen April en September by Hobas plaasvind. Die bekende Desert Knights, 'n vyfdag-fietstoer, is baie gewild en dra by tot die toerismepotensiaal van die /Ai-/Ais-Richtersveld-oorgrenspark wat in Namibië en Suid-Afrika geleë is.NWR se voorsitter, amb. Leonard Iipumbu, het tydens die amptelike opening gesê Hobas lyk pragtig en “ek is seker niemand kan wag om die nuwe geriewe te geniet nie”. Me. Zelna Hengari, NWR se besturende direkteur, het gesê die hele NWR-span het hard gewerk om van die Hobas-projek 'n sukses te maak.“Met die herinstelling van Hobas word die regering se pogings en toewyding tot die ontwikkeling en groei van die toerismesektor bewys. Met NWR wat die akkommodasiegeriewe in nasionale parke bestuur, is ons verheug oor die nuwe toevoegings,” het sy gesê.

Hobas Camp trek nuwe baadjie aan

Kommentaar

Republikein 2026-02-03

Meld asseblief aan om kommentaar te lewer

Hobas Camp trek nuwe baadjie aan

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.