Hoë VN-poste vir Namibiese vroue
'n Groot eer het Namibië te beurt geval met twee prominente en gerespekteerde vroue wat by die Verenigde Nasies aangestel is.
Elvira Hattingh en Estelle de Bruyn - Adv. Bience Gawanas, voorheen Namibië se ombudsman en later kommissaris van die Afrika-unie (AU), is deur die sekretaris-generaal van die Verenigde Nasies (VN), mnr. Antonio Guterres, as spesiale raadgewer oor Afrika-aangeleenthede aangestel.
Sy sal die titel van ondersekretaris-generaal hê.
Volgens 'n verklaring deur die ministerie van buitelandse sake is dit die derde hoogste amp naas dié van sekretaris-generaal en adjunksekretaris-generaal in die VN.
Gawanas sal by die VN se hoofkantoor in New York gebaseer wees.
“Adv. Gawanas is uitstekend gekwalifiseer vir hierdie posisie. Sy het haarself as AU-kommissaris onderskei, 'n posisie waarin sy twee keer oorweldigend verkies is en wat sy vir agt jaar beklee het.
“Ons het volle vertroue in adv. Gawanas se intellektuele vermoëns en professionaliteit. Adv. Gawanas was die eerste vroulike kommissaris vir maatskaplike aangeleenthede van die AU en het krediet gekry vir die betekenisvolle bydrae wat sy tot die ontwikkeling van die AU se maatskaplike beleid gelewer het.
Haar omvattende AU-ervaring sal haar goed te staan kom in haar nuwe posisie om sodoende doeltreffende samewerking tussen die AU en die VN te bewerkstellig,” lui 'n verklaring deur die ministerie van internasionale betrekkinge en samewerking.
Gawanas volg in die voetspore van vooraanstaande Afrika-diplomate soos prof. Ibrahim Gambari van Nigerië; amb. Legwaila Joseph Legwaila, voormalige ambassadeur van Botswana wat as adjunk- spesiale verteenwoordiger van die sekretaris-generaal vir Namibië tydens die implementering van resolusie 435 gedien het, en haar onmiddellike voorganger, mnr. Maged Abdelaziz van Egipte.
Gawanas is die eerste vrou wat in dié posisie aangestel word.
Sy is tans 'n spesiale raadgewer vir die ministerie van armoede-uitwissing en maatskaplike welsyn en was voorheen ook 'n spesiale raadgewer vir die ministerie van gesondheid en maatskaplike dienste.
Sy is 'n voorvegter vir vrouegesondheid
en -regte in Afrika en bekend vir haar rol in die ontwikkeling van betekenisvolle veldtogte, soos die kontinentale Veldtog vir die Bespoediging van die Vermindering van Moedersterftes in Afrika (Carmma).
Sy is vir twee termyne tot kommissaris vir maatskaplike aangeleenthede tydens die Afrika-unie se vergadering van staatshoofde en regering in 2003, asook in 2008, verkies.
Hiertydens was sy verantwoordelik vir die voorspraak, versoening en koördinering van streeks- en kontinentale beleide en programme vir maatskaplike ontwikkeling.
Haar portefeulje sluit in gesondheid, MIV/vigs en voeding, migrasie en bevolking, kuns en kultuur, die welvaart van kwesbare groepe, arbeid en migrasie, asook sport.
Tussen 1996 en 2003 was sy Namibië se ombudsman, en tussen 1995 en 1997 was sy dosent oor geslagswette by die Universiteit van Namibië (Unam). Sy was ook as prokureur in diens van die Regshulpsentrum (LAC) vanaf 1990 tot 1991.
Gawanas het op verskeie taakmagte en kommissies gedien, wat insluit die VN se program vir die bekamping van MIV/vigs (UNAids), die taakmag vir die Opgradering van Onderwys en Opleiding vir Gesondheidswerkers en die Wêreldwye Kommissie op MIV en die Wet.
Sy het ook op die Kommissie vir Inligting en Aanspreeklikheid vir Vroue- en Kindergesondheid, die Wêreldwye Stuurkomitee vir die Uitbreiding van Universele Toegang, asook die Lancet-Oslo Universiteit se kommissie vir Wêreldwye Gesondheidsbestuur gedien.
Sy was ook voorsitter van die Regshervormings- en Ontwikkelingskommissie, waar sy toesig gehou het oor die instelling van die Wet op Gelykheid vir Getroude Persone.
Gawanas het 'n LLB-honneursgraad aan die Universiteit van Warwick in die Verenigde Koninkryk behaal, asook 'n gevorderde regsgraad wat deur die land se regskool, Lincolns Inn, toegeken is.
Sy beskik ook oor 'n uitvoerende MBA van die Universiteit van Kaapstad en 'n eredoktorsgraad van die Universiteit van Wes-Kaapland.
Ashipala-Musavyi
In dieselfde verklaring deur die ministerie van internasionale betrekkinge en samewerking, word die permanente sekretaris van dié ministerie, amb. Selma Ashipala-Musavyi, gelukgewens met haar aanstelling as lid van die VN se raadgewende raad oor ontwapening.
Amb. Selma Ashipala-Musavyi was Namibië se eerste permanente verteenwoordiger by die VN se kantore in Wene, Oostenryk.
Sy was die voorbereidende sessie van die organisasie vir die omvattende verbod op toetse (CTBTO) se voorsitter en ook die voorsitter van die VN se kommissie op dwelms en misdaad.
Sy is een van enkele vrouens wat aangestel is om op die adviesraad, belas met ontwapening, te dien.
Sy sal twee keer 'n jaar adviesraadvergaderings bywoon - óf in Genève óf in New York.
Sy bly aan as permanente sekretaris in die ministerie.
Sy sal die titel van ondersekretaris-generaal hê.
Volgens 'n verklaring deur die ministerie van buitelandse sake is dit die derde hoogste amp naas dié van sekretaris-generaal en adjunksekretaris-generaal in die VN.
Gawanas sal by die VN se hoofkantoor in New York gebaseer wees.
“Adv. Gawanas is uitstekend gekwalifiseer vir hierdie posisie. Sy het haarself as AU-kommissaris onderskei, 'n posisie waarin sy twee keer oorweldigend verkies is en wat sy vir agt jaar beklee het.
“Ons het volle vertroue in adv. Gawanas se intellektuele vermoëns en professionaliteit. Adv. Gawanas was die eerste vroulike kommissaris vir maatskaplike aangeleenthede van die AU en het krediet gekry vir die betekenisvolle bydrae wat sy tot die ontwikkeling van die AU se maatskaplike beleid gelewer het.
Haar omvattende AU-ervaring sal haar goed te staan kom in haar nuwe posisie om sodoende doeltreffende samewerking tussen die AU en die VN te bewerkstellig,” lui 'n verklaring deur die ministerie van internasionale betrekkinge en samewerking.
Gawanas volg in die voetspore van vooraanstaande Afrika-diplomate soos prof. Ibrahim Gambari van Nigerië; amb. Legwaila Joseph Legwaila, voormalige ambassadeur van Botswana wat as adjunk- spesiale verteenwoordiger van die sekretaris-generaal vir Namibië tydens die implementering van resolusie 435 gedien het, en haar onmiddellike voorganger, mnr. Maged Abdelaziz van Egipte.
Gawanas is die eerste vrou wat in dié posisie aangestel word.
Sy is tans 'n spesiale raadgewer vir die ministerie van armoede-uitwissing en maatskaplike welsyn en was voorheen ook 'n spesiale raadgewer vir die ministerie van gesondheid en maatskaplike dienste.
Sy is 'n voorvegter vir vrouegesondheid
en -regte in Afrika en bekend vir haar rol in die ontwikkeling van betekenisvolle veldtogte, soos die kontinentale Veldtog vir die Bespoediging van die Vermindering van Moedersterftes in Afrika (Carmma).
Sy is vir twee termyne tot kommissaris vir maatskaplike aangeleenthede tydens die Afrika-unie se vergadering van staatshoofde en regering in 2003, asook in 2008, verkies.
Hiertydens was sy verantwoordelik vir die voorspraak, versoening en koördinering van streeks- en kontinentale beleide en programme vir maatskaplike ontwikkeling.
Haar portefeulje sluit in gesondheid, MIV/vigs en voeding, migrasie en bevolking, kuns en kultuur, die welvaart van kwesbare groepe, arbeid en migrasie, asook sport.
Tussen 1996 en 2003 was sy Namibië se ombudsman, en tussen 1995 en 1997 was sy dosent oor geslagswette by die Universiteit van Namibië (Unam). Sy was ook as prokureur in diens van die Regshulpsentrum (LAC) vanaf 1990 tot 1991.
Gawanas het op verskeie taakmagte en kommissies gedien, wat insluit die VN se program vir die bekamping van MIV/vigs (UNAids), die taakmag vir die Opgradering van Onderwys en Opleiding vir Gesondheidswerkers en die Wêreldwye Kommissie op MIV en die Wet.
Sy het ook op die Kommissie vir Inligting en Aanspreeklikheid vir Vroue- en Kindergesondheid, die Wêreldwye Stuurkomitee vir die Uitbreiding van Universele Toegang, asook die Lancet-Oslo Universiteit se kommissie vir Wêreldwye Gesondheidsbestuur gedien.
Sy was ook voorsitter van die Regshervormings- en Ontwikkelingskommissie, waar sy toesig gehou het oor die instelling van die Wet op Gelykheid vir Getroude Persone.
Gawanas het 'n LLB-honneursgraad aan die Universiteit van Warwick in die Verenigde Koninkryk behaal, asook 'n gevorderde regsgraad wat deur die land se regskool, Lincolns Inn, toegeken is.
Sy beskik ook oor 'n uitvoerende MBA van die Universiteit van Kaapstad en 'n eredoktorsgraad van die Universiteit van Wes-Kaapland.
Ashipala-Musavyi
In dieselfde verklaring deur die ministerie van internasionale betrekkinge en samewerking, word die permanente sekretaris van dié ministerie, amb. Selma Ashipala-Musavyi, gelukgewens met haar aanstelling as lid van die VN se raadgewende raad oor ontwapening.
Amb. Selma Ashipala-Musavyi was Namibië se eerste permanente verteenwoordiger by die VN se kantore in Wene, Oostenryk.
Sy was die voorbereidende sessie van die organisasie vir die omvattende verbod op toetse (CTBTO) se voorsitter en ook die voorsitter van die VN se kommissie op dwelms en misdaad.
Sy is een van enkele vrouens wat aangestel is om op die adviesraad, belas met ontwapening, te dien.
Sy sal twee keer 'n jaar adviesraadvergaderings bywoon - óf in Genève óf in New York.
Sy bly aan as permanente sekretaris in die ministerie.
Kommentaar
Republikein
Geen kommentaar is op hierdie artikel gelaat nie