Hoë verwagtinge bring Katelin nie van stryk

Andrew Poolman - 'n Enkele deelnemer in 'n enkele item. Dit is die somtotaal van die Namibiese aanslag by komende naweek se Afrika-kampioenskap in karate.Geldtekort is die groot rede hoekom die Namibiese Karate-unie (NAKU) op sy aanvanklike planne moes besnoei om vier karateka na Yaounde in Kameroen te stuur.Die 19-jarige Katelin Martin van Walvisbaai was uiteindelik die enigste Namibiese karateka wat gister die reis na die kampioenskap aangepak het. Sy word vergesel deur haar pa Leonard, wat self in sy jonger dae wêreldkampioenskappe in die sport gewen het en wat as haar afrigter optree.Katelin sal in die senior vroue se kata-kompetisie (stylvertoon) meeding wat Vrydag vanaf uitdunne tot finale afgehandel word. Sy is nie betrokke by die volgende dag se kumite (gevegte) nie.By die vorige Afrika-kampioenskap in 2015 was sy vyfde geplaas. Haar strewe is om met 'n goeie prestasie verdere punte op te bou om uiteindelik vir die 2020 Olimpiese Spele in Tokio te kwalifiseer. Volgende jaar se Olimpiese Jeugspele in Buenos Aires, Argentinië, is ook 'n moontlike geleentheid vir internasionale kompetisie.Katelin en Leonard Martin het gister saam met NAKU se president, mnr. Cornelius D'Alton, haar nasionale kleure by die Namibiese Sportkommissie ontvang.D'Alton het gesê NAKU aanvaar die realiteit dat die huidige finansiële klimaat sake vir die regering moeilik maak om sportkodes by te staan. Volgens hom moet sportbeheerliggame ook maar vrede maak met die feit dat hulle die Sportkommissie nie as die enigste bron van geldelike bystand kan beskou nie.Een van die Namibiese Karate-unie se bestaande borge is Conselect Engineering, wat onderneem het om vir vyf jaar die land se affiliasiegeld aan die Afrika-beheerliggaam te betaal sodat Namibiërs aan die kontinentale kompetisies kan deelneem. Vanjaar is die tweede jaar dat die borg die vereiste 500 euro (tans sowat N$7 300) per jaar betaal.Op 'n vraag van die media het Katelin gesê sy voel nie senuagtig of onder druk oor die komende uitdaging nie.“Deelnemers aan kompeterende sport voel seker nooit asof hulle ten volle voorberei is nie, maar my oefenprogram was hard. Ek glo dit help nie om voor 'n kompetisie senuagtig te wees nie; 'n mens moet net jou beste gee.”Haar pa Leonard sê uit sy eie ervaring weet hy dat dit 'n groot eer is om jou land te verteenwoordig en op 'n hoë vlak bekend te stel. Hy self het die koste vir Katelin se toer betaal, wat op meer as N$45 000 te staan gekom het.“Ons het nie groot getalle vroulike deelnemers nie, maar ons hoop dat sy die deur kan open om te wys dat groter dinge moontlik is. Katelin het die afgelope tyd hard gewerk met oggendsessies vyfuur asook namiddae, tussen haar skoolwerk by Dolphin deur.“Ons is besig met 'n driejaarprogram met Katelin. Die Olimpiese Spele is omtrent die enigste groot byeenkoms wat ek in my loopbaan in karate misgeloop het, maar hopelik kan ons die kringloop voltooi as sy kwalifiseer en ek as afrigter kan saamgaan,” het hy geskerts.

Hoë verwagtinge bring Katelin nie van stryk

Kommentaar

Republikein 2026-10-15

Meld asseblief aan om kommentaar te lewer

Hoë verwagtinge bring Katelin nie van stryk

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.