Hingste galop rustig na titel in finaal

01 April 2021 | Sport
Tielman van Lill

Samsung FNB Wanderers se tweede span het Sondag sy eersteliga 40-boulbeurteindstryd teen Zebras 1 by Trustco United se veld in Olympia met agt paaltjies beklink.

Wanderers, wat die vorige dag in hul semifinaal vir CCD Tigers II met 102 lopies by dieselfde venue geklop het, het Sondag op al sy silinders geloop om Zebras tot 199 lopies vir die verlies van nege paaltjies in 40 boulbeurte te beperk.

Die aanvangskolwer Abduraghman Shaffique met 65 van 88 aflewerings (5x4, 1x6), was verreweg Zebras se beste kolwer, gevolg deur Taj Zain Ali met ’n vasberade 38* op nommer nege. Ali het 3x6 en 1x4 na die grens gestuur om sy span se grenshoue tot 16 (8x4, 8x6) op te stoot.

Vir Wanderers is Tommie van der Merwe met 3/15 in 8 en Wessel Myburg met 2/8 in 4 hul skerpste boulangels.

Ewald Steenkamp (42 van 49 balle, 3x4, 1x6, gevang Ali, geboul Shaffique) en Myburgh (89* van 99 b, 7x4, 2x6) het as aanvangskolwers vir Wanderers as die heersende titelhouers op ’n stewige galop na nog ’n titel afgesit.

Ná Steenkamp se vertrek het Colin Schoonbee kortstondig die kolfkampie vir sewe lopies besoek. Myburgh en Olivin Glen-Spyron (42* van 34 b, 6x4) het onverstoord die lopies aanhou timmer om binne 33.1 boulbeurte 200/2 en ’n sege te behaal. Wanderers moker 16 viere en rond dit met drie sesse af.

Ali met 1/26 in 4 en Muhammed Saleem (1/43 in 8) was die enigste boulers wat sukses kon behaal.

Van der Merwe word as speler van die wedstryd aangewys, met Steenkamp as die beste veldwerker.

Zebras moes die vorige naweek hul semifinaal teen Gobabis speel, maar weens ’n Covid-geval is die semifinaal gekanselleer en Zebras het na die eindstryd gevorder.

• Saterdag se semifinaal teen CCD II was vir Wanderers II ’n gemaklike formaliteit met 102 lopies.

Die Hingste het hul 40 boulbeurte op 200/7 afgesluit, te danke aan die topvier waarin Myburgh (38), Glen-Spyron (31) en veral Colin Schoonbee (55 van 57 balle, 2x4 4x6) uitgestaan het.

Die oranje span is vir net 98 lopies uitgehaal, met net Tim Smith (21), Jaden Cloete (27) en Fortune Matawu (23) wat enigsins iets kon uitrig. Die boulers het die oorhand gehad, gelei deur PD Blignaut (3/12 in 4), Andrew Forrest (2/1 in 1.3) en Tommie van der Merwe (2/17 in 4).

[email protected]

Soortgelyk

 

Nog 286 ingeënt, 88 nuwe gevalle, drie sterftes

9 ure gelede | Gesondheid

Die Covid-19-verwante sterftes skuif met drie - al drie in Windhoek - op tot 523, 88 nuwe gevalle is aangemeld en nog 286 mense is...

Blitstoetse vir reisigers word nou aanvaar

13 ure gelede | Toerisme

Negatiewe blitstoetse vir reisigers word nou by grense aanvaar, het die gesondheidsminister, dr. Kalumbi Shangula, vanmiddag aangekondig. “Negatiewe blitstoetse vir inkomende reisigers sal by grensposte...

Tot 100 mag vergader, geen maskers vir kinders onder...

13 ure gelede | Gesondheid

*Die aantal persone wat 'n openbare byeenkoms bywoon, verhoog van 50 tot 100 persone per geleentheid of dit binne- of buitemuurs is. *Organiseerders moet 'n...

Entstowwe van Covax binne drie weke verwag

14 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê volgens Covax sal Namibië in die volgende drie weke die land se beloofde entstowwe...

Unicef: Kinders se lewe het nie verbeter

19 ure gelede | Skole

Namibië is een van baie Afrikalande waar kinders se lewens ten spyte van ekonomiese groei nie verbeter het nie. Dit volgens Unicef se verteenwoordiger in...

Een persoon ontwikkel matige simptome ná Sinopharm-entstof

20 ure gelede | Gesondheid

Die adjunkminister van gesondheid, dr. Esther Muinjangue, sê net een persoon uit die meer as 800 wat met die Sinopharm-entstof teen Covid-19 ingeënt is, het...

Geen borg vir ‘tref-en-trap-lorriedrywer’

1 dag gelede | Misdaad

Francoise Steynberg – Die vragmotorbestuurder wat glo Sondagaand ’n voetganger langs die B2-hoofpad by Okahandja doodgery en weggejaag het, bly in aanhouding. Mnr. Efraim...

Weer vir Woensdag 31 Maart

1 dag gelede | Weer

WEERWAAK: Ooswindtoestande sal oor die kusgebiede voortduur. BINNELAND: Gedeeltelik bewolk en warm tot baie warm in die suidweste en die noordooste, andersins gedeeltelik bewolk en...

Komsberg, juweel in Namibië se landboukroon

1 dag gelede | Byvoegsels

Ronelle Rademeyer – “Ons wil nie die grootste plaas in Namibië wees nie, maar ons streef daarna om die beste plaas te wees en die...