Het die bitcoin-borrel gebars?
Bitcoin se struikeling die afgelope weke maak dit al hoe dringender dat die vraag beantwoord word: Sal dié kriptogeldeenheid onthou word as een van die mees berugte borrels in die geskiedenis, naas tulpemanie en die dotcom-gier?
Die omvang van bitcoin se styging – meer as sestigvoudig oor die afgelope drie jaar – dui daarop dat beleggers dalk bekommerd moet wees. Bitcoin was Dinsdag 48% minder werd as op sy hoogtepunt op 18 Desember.
Bitcoin se enorme styging van meer as 1 000% in 2017 is baie meer as die styging in die Nasdaq- saamgestelde indeks in die euforiese dae van die 1990’s.
Dit is ook baie meer as die Mississippi- en die South Sea-borrel van die 1700’s. Dit troef selfs Nederland se tulpemanie in die 1630’s, hoewel daardie vergelyking met ’n knippie sout geneem moet word gegewe hoe skaars die opgawes van tulpepryse was.
Bulle sê bitcoin se styging is nog lank nie verby nie en dat markontleding meer behels as die meet van prysstygings.
Hoewel die onlangs daling sommige beleggers bekommerd gemaak het, het die kriptogeldeenheid al verskeie kere vantevore teruggespring van dalings van tot 50%.
As bitcoin wel breë aanvaarding verwerf as digitale goud (’n “veilige hawe”), soos wat Cameron Winklevoss van Facebook-faam voorspel, kan dit nog baie styg.
Daar is ook meer as een manier om na ’n lopie te kyk. Op ’n geannualiseerde grondslag (min of meer die gemiddelde jaarlikse groei) oor drie jaar het bitcoin met minder gestyg as van die geskiedenis se grootste manies, veral die Mississippi- en South Sea-borrel.
Nietemin bly skeptici uitgesproke. Howard Wang van Convoy Investments in New York en Jeremy Grantham van GMO kom tot die gevolgtrekking dat bitcoin se styging onvolhoubaar is.
Grantham som sy bekommernis as volg op: “Met geen duidelike, fundamentele waarde nie en grootliks ongereguleerde markte, tesame met ’n verhaal wat bevorderlik is vir grootheidswaan, maak dit die wese van ’n borrel uit, meer as enigiets wat ons in die geskiedenisboeke kan opspoor.”
Grantham het al gemengde sukses behaal met sodanige waarskuwings – hy het die styging in tegnologie-aandele in die 1990’s korrek as ’n borrel geïdentifiseer, maar het te vroeg verkoop en van die grootste stygings misgeloop.
Net die tyd sal leer of Grantham en ander bere reg, verkeerd of bloot te vroeg is as dit by bitcoin kom. – Netwerk24Bloomberg
Twee historiese borrels
Die Mississippi-borrel: Dit verwys na die skerp styging in die aandeelprys van die maatskappy Compagnie des Indes, wat in die 18de eeu ’n monopolie in die tabak- en slawehandel in die Franse gebiede in die Mississippi-vallei van Noord-Amerika gehad het.
Die aandeelprys het van 500 tot 18 000 lire gestyg, maar die maatskappy se wins het nie daarmee tred gehou nie. Dit het in 1720 tot ’n ineenstorting van die Franse aandelebeurs gely. Die Franse regering van Louis XIV het verwoed geld gedruk om in die maatskappy te belê, wat enorme inflasie veroorsaak het, en moes eindelik belastings hef om sy skuld weens die ineenstorting te betaal.
Die South Sea-borrel: Dié borrel is welbekend omdat sir Isaac Newton een van die slagoffers daarvan was. Die South Sea Company was ’n Britse maatskappy wat in 1711 gestig is en die monopolie gekry het vir handel met Suid-Amerika.
Brittanje was egter by die oorlog oor Spaanse opeenvolging betrokke en Spanje het Suid-Amerika beheer – daar was dus geen werklike vooruitsig vir wins nie. Die aandeelprys het teen 1720 in duie gestort. – Bronne: Brittanica, Wikipedia
Die omvang van bitcoin se styging – meer as sestigvoudig oor die afgelope drie jaar – dui daarop dat beleggers dalk bekommerd moet wees. Bitcoin was Dinsdag 48% minder werd as op sy hoogtepunt op 18 Desember.
Bitcoin se enorme styging van meer as 1 000% in 2017 is baie meer as die styging in die Nasdaq- saamgestelde indeks in die euforiese dae van die 1990’s.
Dit is ook baie meer as die Mississippi- en die South Sea-borrel van die 1700’s. Dit troef selfs Nederland se tulpemanie in die 1630’s, hoewel daardie vergelyking met ’n knippie sout geneem moet word gegewe hoe skaars die opgawes van tulpepryse was.
Bulle sê bitcoin se styging is nog lank nie verby nie en dat markontleding meer behels as die meet van prysstygings.
Hoewel die onlangs daling sommige beleggers bekommerd gemaak het, het die kriptogeldeenheid al verskeie kere vantevore teruggespring van dalings van tot 50%.
As bitcoin wel breë aanvaarding verwerf as digitale goud (’n “veilige hawe”), soos wat Cameron Winklevoss van Facebook-faam voorspel, kan dit nog baie styg.
Daar is ook meer as een manier om na ’n lopie te kyk. Op ’n geannualiseerde grondslag (min of meer die gemiddelde jaarlikse groei) oor drie jaar het bitcoin met minder gestyg as van die geskiedenis se grootste manies, veral die Mississippi- en South Sea-borrel.
Nietemin bly skeptici uitgesproke. Howard Wang van Convoy Investments in New York en Jeremy Grantham van GMO kom tot die gevolgtrekking dat bitcoin se styging onvolhoubaar is.
Grantham som sy bekommernis as volg op: “Met geen duidelike, fundamentele waarde nie en grootliks ongereguleerde markte, tesame met ’n verhaal wat bevorderlik is vir grootheidswaan, maak dit die wese van ’n borrel uit, meer as enigiets wat ons in die geskiedenisboeke kan opspoor.”
Grantham het al gemengde sukses behaal met sodanige waarskuwings – hy het die styging in tegnologie-aandele in die 1990’s korrek as ’n borrel geïdentifiseer, maar het te vroeg verkoop en van die grootste stygings misgeloop.
Net die tyd sal leer of Grantham en ander bere reg, verkeerd of bloot te vroeg is as dit by bitcoin kom. – Netwerk24Bloomberg
Twee historiese borrels
Die Mississippi-borrel: Dit verwys na die skerp styging in die aandeelprys van die maatskappy Compagnie des Indes, wat in die 18de eeu ’n monopolie in die tabak- en slawehandel in die Franse gebiede in die Mississippi-vallei van Noord-Amerika gehad het.
Die aandeelprys het van 500 tot 18 000 lire gestyg, maar die maatskappy se wins het nie daarmee tred gehou nie. Dit het in 1720 tot ’n ineenstorting van die Franse aandelebeurs gely. Die Franse regering van Louis XIV het verwoed geld gedruk om in die maatskappy te belê, wat enorme inflasie veroorsaak het, en moes eindelik belastings hef om sy skuld weens die ineenstorting te betaal.
Die South Sea-borrel: Dié borrel is welbekend omdat sir Isaac Newton een van die slagoffers daarvan was. Die South Sea Company was ’n Britse maatskappy wat in 1711 gestig is en die monopolie gekry het vir handel met Suid-Amerika.
Brittanje was egter by die oorlog oor Spaanse opeenvolging betrokke en Spanje het Suid-Amerika beheer – daar was dus geen werklike vooruitsig vir wins nie. Die aandeelprys het teen 1720 in duie gestort. – Bronne: Brittanica, Wikipedia
Kommentaar
Republikein
Geen kommentaar is op hierdie artikel gelaat nie