Hengelspanne oorheers in buurland
Plaaslike hengelaars het verlede week geskiedenis in Suid-Afrika gemaak.
Tanja Bause en Tielman van Lill – Namibië het tydens die onlangse 2021 Gus Kolner-hengeltoernooi in Jeffreysbaai teen Suid-Afrika geskiedenis gemaak.
Plaaslike strandhengelaars het 'n rekord van vyf uit die ses afdelings gewen. Hulle het die afdelings vir senior B, meesters, vroue, binneland/veterane en ontwikkeling gewen.
Dit was ook die eerste keer dat die vroue- en meesterspan 'n goue medalje in Suid-Afrika verower het.
Volgens Marina Kruger wat vir die vrouespan gehengel het, is dit die eerste keer dat Namibië soveel afdelings wen.
“Dit was 'n baie goeie toernooi met verskeie eerstes vir ons land. Wat die goud vir ons nog beter maak, is dat ons met net ses vroue gehengel het. Gewoonlik is daar sewe in 'n span, maar een van ons spanlede moes op kort kennisgewing uit die toernooi onttrek,” het sy gesê.
In die toernooi se algehele topvyf individuele posisies het Namibiërs soos volg skoonskip gemaak:
1 Pieter van Aarde (B-span, 120 punte)
2 Sven Welzig (ontwikkelingspan, 104.6)
3 Sean van den Heuvel (veterane, 81.1)
4 Simen Andersen (meesters, 78.8)
5 Johan Kotze (B-span, 78.5)
Die Namibiërs het in totaal 15 eetbare visse en 575 oneetbare visse gevang, wat tesame 3 416.6 kilogram geweeg het. Al die vangste is ongedeerd in die see vrygelaat nadat dit gemeet was.
Simen Andersen van die meesterspan het die prys vir die grootste eetbare vis met W. Rapson van Suid-Afrika gedeel, wat beide 'n kabeljou van 17.4 kg na hul hoek gelok het.
Elke span bestaan uit sewe hengelaars, een bestuurder en een assistentbestuurder. Aan elke Namibiese span is ook 'n Suid-Afrikaanse gids toegeken vir die driedaagse toernooi wat van 5 tot 7 Oktober aangebied is.
Die eerste en laaste dag was by die Kabeljauws-gebied en die tweede dag in die Van der Riet-gebied.
“Die weersomstandighede tydens die drie oefendae voor die toernooi was baie moeilik. Dit was reënerig en koud. Dit was so erg ons kon net een dag oefen. Tydens die kompetisie het ons heerlike sonskynweer gehad alhoewel dit baie koud was.”
Die volgende internasionale toernooi van die Namibiese Strandhengelvereniging is die gala-kompetisie wat van 7 tot 9 Desember by Hentiesbaai voorlê. Die besoekende Proteas sal opnuut moet bontstaan om die Namibiërs te klop. - [email protected]
Plaaslike strandhengelaars het 'n rekord van vyf uit die ses afdelings gewen. Hulle het die afdelings vir senior B, meesters, vroue, binneland/veterane en ontwikkeling gewen.
Dit was ook die eerste keer dat die vroue- en meesterspan 'n goue medalje in Suid-Afrika verower het.
Volgens Marina Kruger wat vir die vrouespan gehengel het, is dit die eerste keer dat Namibië soveel afdelings wen.
“Dit was 'n baie goeie toernooi met verskeie eerstes vir ons land. Wat die goud vir ons nog beter maak, is dat ons met net ses vroue gehengel het. Gewoonlik is daar sewe in 'n span, maar een van ons spanlede moes op kort kennisgewing uit die toernooi onttrek,” het sy gesê.
In die toernooi se algehele topvyf individuele posisies het Namibiërs soos volg skoonskip gemaak:
1 Pieter van Aarde (B-span, 120 punte)
2 Sven Welzig (ontwikkelingspan, 104.6)
3 Sean van den Heuvel (veterane, 81.1)
4 Simen Andersen (meesters, 78.8)
5 Johan Kotze (B-span, 78.5)
Die Namibiërs het in totaal 15 eetbare visse en 575 oneetbare visse gevang, wat tesame 3 416.6 kilogram geweeg het. Al die vangste is ongedeerd in die see vrygelaat nadat dit gemeet was.
Simen Andersen van die meesterspan het die prys vir die grootste eetbare vis met W. Rapson van Suid-Afrika gedeel, wat beide 'n kabeljou van 17.4 kg na hul hoek gelok het.
Elke span bestaan uit sewe hengelaars, een bestuurder en een assistentbestuurder. Aan elke Namibiese span is ook 'n Suid-Afrikaanse gids toegeken vir die driedaagse toernooi wat van 5 tot 7 Oktober aangebied is.
Die eerste en laaste dag was by die Kabeljauws-gebied en die tweede dag in die Van der Riet-gebied.
“Die weersomstandighede tydens die drie oefendae voor die toernooi was baie moeilik. Dit was reënerig en koud. Dit was so erg ons kon net een dag oefen. Tydens die kompetisie het ons heerlike sonskynweer gehad alhoewel dit baie koud was.”
Die volgende internasionale toernooi van die Namibiese Strandhengelvereniging is die gala-kompetisie wat van 7 tot 9 Desember by Hentiesbaai voorlê. Die besoekende Proteas sal opnuut moet bontstaan om die Namibiërs te klop. - [email protected]
Kommentaar
Republikein
Geen kommentaar is op hierdie artikel gelaat nie