Hengelaars is bereid om meer by te dra - binne perke

'n Baie bekommerde hengelaar skryf:Hiermee wil ek 'n stuiwer in die hengelbeurs van ons geagte minister van visserye en mariene hulpbronne gooi.Ek glo van harte dat mnr. Bernard Esau 'n baie bevoegde en intelligente persoon is, maar bygestaan word deur 'n onbevoegde personeelkorps. Die korps (of moet dit "corpse" wees?) se aanbeveling is en was nie feitelik korrek nie. Inligting deurgegee na mnr. Esau was ondeurdag en foutiewelik en boonop dra sy personeel geen kennis van hengel nie en veral nie dr. Moses Maurihungiire se Keniaanse konsultant nie.Waar dr. Maurihungiire, permanente sekretaris, aan sy feite gekom het om vergelykende stellings te maak dat N$1 500 goedkoper is as in Suid-Afrika, is sy geheim. Inteendeel, doktor, ons is nou die duurste ter wêreld. Ook sy rede dat die verhogings plaasvind omdat daar geen aanpassings was vir 16 jaar nie, strook nie.Indien jy 'n baie maklike sommetjie gemaak het van tien persent se jaarlikse, saamgestelde rente oor 16 jaar sal jy vind dat ons hengelpermit nou N$85 per maand sou kos teenoor die aanvanklike N$14.Daar is nou berig wat hengelpermitte in Suid-Afrika kos, waar per aktiwiteit betaal word. 'n Jaarpermit kos R87 per hengelaar plus jou aaspermit van R87. Aas sluit in mossels, tjokka, wurms, ens.) Sou 'n hengelaar ander aktiwiteite wil doen soos kreef duik, dan betaal jy ook R87 per aktiwiteit.Vir die toeris of naweekhengelaar is daar 'n maandpermit wat hulle kan uitneem teen R50 en 'n aaspermit vir nog R50 asook ander permitte per aktiwiteit.Namibiese hengelpermitte sluit outomaties alle aktiwiteite in en dit kan verhoog binne perke.WAAR VANG DIE PS SO BAIE VIS? Uit my ondervinding as pensioenaris-bestaansvisser, wat my pensioen aanvul met behulp van hengel (ek is 'n "subsistence angler") en sodoende kos op die tafel te kry, sal ek en ander soos ek nie meer die geld hê om te gaan hengel nie.Na gesprekke met verskeie hengelaars oor die hele spektrum, is die gevoel dat dr. Moses vir ons die area moet kom wys waar hy tien (10) visse per dag vang. Elke dag, en dan 'n verdienste maak van N$1 000 per dag om sy N$1 500 permit te regverdig. Let wel: nie 'n hengelaaraanwysing nie. As visserye beter beplan, sal hulle voertuie lange hou en hulle kan hul N$400 000 per maand rekening drasties sny. Hulle sal baie minder kilometers op hulle voertuie gebruik.Leer asseblief die inspekteurs om die voertuie te gebruik asof dit hulle eie is. Bedoelende dat die strand nie daar is om te jaag nie.Hengelaars is nie ontsnapte gevangenes nie. Soutwater is nie daar om in te ry nie en moet asseblief nie oor rotse ry nie. (Net noord van Henties.)Deur padblokkades op te stel, kan hulle die hele gebied daagliks dek sonder om 'n astronomiese uitgawerekening te skep waarvoor die regering nie nou geld het nie. Julle het mos die bevoegdheid om voertuie te deursoek.AANBEVELINGMaak die regulasies soortgelyk as in Suid-Afrika. Jy betaal vir wat jy wil geniet.Byvoorbeeld: In kort beteken dit 'n jaarpermit teen N$100 met verskillende permitte soos vir aas, ook teen N$100.'n Maandpermit vir die toeris (binnelanders en besoekers uit die buiteland) kan N$50 kos, plus die aaspermit vir nog N$50.Hou padblokkades in plaas van strandinspeksies. Die koste om 'n naweek see toe te gaan, wissel vir 'n binnelandse toeris, maar kan enigiets tussen N$2 000 en N$4 000 beloop, brandstof ingesluit. Vir buitelandse besoekers beloop die koste nog meer.

Hengelaars is bereid om meer by te dra - binne perke

Kommentaar

Republikein 2026-08-12

Meld asseblief aan om kommentaar te lewer

Hengelaars is bereid om meer by te dra - binne perke

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.