Hengelaars geniet Hardap-uitdaging

Die Namibiese Kunsaashengelvereniging (NALAA) het onlangs sy eerste ligakompetisie vir die jaar aangebied.Vanweë die erge droogte en lae watervlakke in die meeste damme en reservoirs, moes ’n paar vroeër beplande byeenkomste afgestel word. Eerder as in Februarie soos beplan, het die eerste byeenkoms vir 2016 dus eers twee naweke gelede geskied en is dit ook vanaf die Swakoppoortdam na die Hardapdam verskuif.Die droogte plaas tans groot druk op varswaterhengel in die algemeen en terugslae het reeds verskeie fasette van die sport getref. Onvoorsiene omstandighede het dus groot aanpassings genoodsaak om die sport aan die gang te hou.Die NALAA het sy waardering uitgespreek vir al die deelnemers wat verder as gewoonlik moes reis om by die Hardapdam mee te ding. Hengelaars het van so ver as die Zambezi-, Otjozondjupa-, Erongo- en Kavangostreke byeengekom.Die Hardapdam was vir meer as tien jaar nie as ’n amptelike kompetisievenue vir kunsaashengel gebruik nie en hengelaars was dus opgewonde oor hierdie geleentheid.Hoewel die toestande gedurende die oggend nie maklik was nie, het die meeste deelnemers daarin geslaag om voor die einde van die dag minstens een of twee verskillende spesies uit die water te haal.Die kompetisie is gewen deur C.P. Bothma, met Jaco Visser tweede en Devin Klein derde.Enigiemand wat meer oor kunsaashengel te wete wil kom, kan NALAA se president, Rene Graf, by 085 261 5825 skakel.

Hengelaars geniet Hardap-uitdaging

Kommentaar

Republikein 2025-11-05

Meld asseblief aan om kommentaar te lewer

Hengelaars geniet Hardap-uitdaging

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.