Helfte minder vir ontwikkeling van onderwys
Jo-Maré Duddy
Geld wat in die huidige begrotingsjaar in die bou en opknapping van sowat 16 skole en koshuise in die land belê sou word, is met bykans die helfte besnoei.
Boonop het die kontantknyptang waarin die regering hom bevind, tot gevolg dat die voltooiing van ongeveer 14 skool- en koshuisprojekte vertraag is.
Volgens die begroting vir 2017-'18 wat verlede maand deur die minister van finansies, Calle Schlettwein, ter tafel gelê is, beoog die regering om vanjaar bykans N$584,7 miljoen in totaal in ontwikkelingsprojekte vir onderwys te stort. Dit is sowat N$478 miljoen of 45% minder as wat in die bestedingsraamwerk vir die medium termyn (MTEF) beoog is wat verlede jaar deur Schlettwein ingedien is.
'n Vergelyking van dié twee dokumente toon beduidende veranderings aan die begrotings vir sowat 16 skole en koshuise.
In die huidige begrotingsjaar gaan nagenoeg N$185 miljoen aan dié projekte bestee word, vergeleke met bykans N$369,7 miljoen wat in die MTEF verlede jaar daarvoor opsy gesit is. Dit is 'n vermindering van bykans 50%.
Een van die skole wat die meeste geraak word, is die sekondêre skool op Omuntele. Net N$5 miljoen is vir 2017-'18 beskikbaar teenoor die N$50 miljoen wat in die 2016-'17-MTEF vanjaar bestee sou word.
Net N$500 000 is vanjaar vir die volgende skole begroot: 'n Senior sekondêre skool op Etayi, een in Acacia en een in Otjomuise. Laasgenoemde is beide in Windhoek. In verlede jaar se MTEF was die begrote bedrag vir vanjaar N$10 miljoen vir Etayi, sowat N$4,5 miljoen vir Acacia en N$5 miljoen vir Otjomuise.
'n Laerskool op Walvisbaai se begroting vir 2017-'18 is ook van N$5 miljoen tot N$500 000 gesny. Die laerskool wat in Otjomuise in die hoofstad gebou word, se begroting vir vanjaar is van N$24 miljoen tot N$8 miljoen verminder.
Volgens die 2016-'17-MTEF sou N$70 miljoen vanjaar op die vestiging en oprigting van koshuise landwyd bestee word. Dié bedrag is met bykans 36% besnoei en net N$45 miljoen is nou vir 2017-'18 beskikbaar. Vir die opknapping van gemeenskapskoshuise is N$20 miljoen nou begroot, amper 70% of N$45 miljoen minder.
In die meeste gevalle bly die totale projekkoste van die die skool- en koshuisprojekte dieselfde. Die balans wat steeds daarop besteebaar is en wat in begrotingsjare ná 2019-'20 gefinansier moet word, styg egter.
Die jongste ontwikkelingsbegroting toon 14 skool- en koshuisprojekte waarvan die voltooiingsdatums van 2018 tot 2019 gewissel het, sal nou eers in 2021 afgehandel wees.
Geld wat in die huidige begrotingsjaar in die bou en opknapping van sowat 16 skole en koshuise in die land belê sou word, is met bykans die helfte besnoei.
Boonop het die kontantknyptang waarin die regering hom bevind, tot gevolg dat die voltooiing van ongeveer 14 skool- en koshuisprojekte vertraag is.
Volgens die begroting vir 2017-'18 wat verlede maand deur die minister van finansies, Calle Schlettwein, ter tafel gelê is, beoog die regering om vanjaar bykans N$584,7 miljoen in totaal in ontwikkelingsprojekte vir onderwys te stort. Dit is sowat N$478 miljoen of 45% minder as wat in die bestedingsraamwerk vir die medium termyn (MTEF) beoog is wat verlede jaar deur Schlettwein ingedien is.
'n Vergelyking van dié twee dokumente toon beduidende veranderings aan die begrotings vir sowat 16 skole en koshuise.
In die huidige begrotingsjaar gaan nagenoeg N$185 miljoen aan dié projekte bestee word, vergeleke met bykans N$369,7 miljoen wat in die MTEF verlede jaar daarvoor opsy gesit is. Dit is 'n vermindering van bykans 50%.
Een van die skole wat die meeste geraak word, is die sekondêre skool op Omuntele. Net N$5 miljoen is vir 2017-'18 beskikbaar teenoor die N$50 miljoen wat in die 2016-'17-MTEF vanjaar bestee sou word.
Net N$500 000 is vanjaar vir die volgende skole begroot: 'n Senior sekondêre skool op Etayi, een in Acacia en een in Otjomuise. Laasgenoemde is beide in Windhoek. In verlede jaar se MTEF was die begrote bedrag vir vanjaar N$10 miljoen vir Etayi, sowat N$4,5 miljoen vir Acacia en N$5 miljoen vir Otjomuise.
'n Laerskool op Walvisbaai se begroting vir 2017-'18 is ook van N$5 miljoen tot N$500 000 gesny. Die laerskool wat in Otjomuise in die hoofstad gebou word, se begroting vir vanjaar is van N$24 miljoen tot N$8 miljoen verminder.
Volgens die 2016-'17-MTEF sou N$70 miljoen vanjaar op die vestiging en oprigting van koshuise landwyd bestee word. Dié bedrag is met bykans 36% besnoei en net N$45 miljoen is nou vir 2017-'18 beskikbaar. Vir die opknapping van gemeenskapskoshuise is N$20 miljoen nou begroot, amper 70% of N$45 miljoen minder.
In die meeste gevalle bly die totale projekkoste van die die skool- en koshuisprojekte dieselfde. Die balans wat steeds daarop besteebaar is en wat in begrotingsjare ná 2019-'20 gefinansier moet word, styg egter.
Die jongste ontwikkelingsbegroting toon 14 skool- en koshuisprojekte waarvan die voltooiingsdatums van 2018 tot 2019 gewissel het, sal nou eers in 2021 afgehandel wees.
Kommentaar
Republikein
Geen kommentaar is op hierdie artikel gelaat nie