Helalia: Is nog ’n medalje moontlik?

In haar vierde Olimpiese Spele is Helalia Johannes so goed soos ooit tevore toegerus om moontlik die naweek een van daardie uiters ontwykende medaljes vir Namibië te verower.Johannes (40) tree vanaand om middernag (23:59 in Namibië / seweuur Saterdagoggend in Japan) vir die vrouemarathon aan en met haar status as een van Namibië se mees geliefde sportvroue is dit seker dat haar landgenote haar vordering vasgenael sal dophou.Die hitte is maar ewe versengend in Sapporo as in Tokio (sowat 800 kilometer uitmekaar) en sal die ergste faktor wees vir die deelnemers aan die 42.2 kilometer afstand.Johannes het met haar merkwaardige bronsmedalje in 2019 by die wêreldkampioenskap in Doha – nadat sy die vorige jaar die Statebondspele in Australië se Gouekus gewen het – gewys dat sy selfs op warm dae ’n flinke pas saam met die beste langasems kan volhou.Sy kom egter onder meer te staan teen Kenia se absolute droomtrio.Brigid Kosgei is die wêreldrekordhouer (2019 Chicago-marathon, 2:14:04); Peres Jepchirchir het twee wêreldtitels in die halfmarathon en is die vinnigste vanjaar oor 42.2 km, terwyl Ruth Chepngetich is 2019 se heersende wêreldkampioen is.• Vier-en-twintig uur later (Saterdag 23:59 in Namibië) sal Rainhold Tomas sy Olimpiese debuut in die mansresies maak. Hy is gewis ’n buiteperd met veel minder druk van medalje-verwagtinge op sy skouers.• Ná komende naweek se afsluitingseremonie word die Namibiese Olimpiese span se aankoms in Windhoek Dinsdag om 12:45 verwag, het die sportministerie gister laat weet. Dié geleentheid sal volgens Covid-regulasies egter net vir genooide gaste wees, met ’n meer openbare verwelkoming wat wel later beplan en aangekondig sal word.FOTO’sRainhold Tomas en Helalia Johannes gister op die oefenbaan wat vir die marathonhardlopers uitgelê is. Foto Robert KaxuxuenaAfrigter Robert Kaxuxuena (middel) saam met Rainhold Tomas en Helalia Johannes kort ná hul aankoms in Tokio. Foto Anna-Mart Kruger

Helalia: Is nog ’n medalje moontlik?

Kommentaar

Republikein 2025-08-25

Meld asseblief aan om kommentaar te lewer

Helalia: Is nog ’n medalje moontlik?

Kommentaar

Republikein 2025-08-25

Meld asseblief aan om kommentaar te lewer

MELD AAN

Advertensie