Haufiku waarsku oor geldmorsery
Die minister van gesondheid en maatskaplike dienste het gesê geld word in Namibië gemors.
Estelle de Bruyn - "Baie geld word in hierdie land gemors en die mense wat daarvoor verantwoordelik is, is nie in die tronk nie."
Só het die minister van gesondheid en maatskaplike dienste, dr. Bernard Haufiku, gister lede van die Nasionale Vergadering (NV) berispe toe hy die Swapo-agterbanker, mnr. Veikko Nekundi, se vrae beantwoord het.
Hy het ontken dat enige geld deur sy ministerie gemors is toe 'n lewensvatbaarheidstudie vir die Ondangwa-distrikshospitaal gedoen is.
"Ek is die een wat die Teenkorrupsiekommissie (ACC) in die ministerie ingebring het. Ek het soveel inligting moontlik gekry sodat die kommissie die ministerie kon ondersoek. Ek het dit juis gedoen weens die kommer oor geldvermorsing korrupsie.
"Maar Nekundi stel belang in die N$4 miljoen wat die ministerie aan 'n lewensvatbaarheidstudie bestee het. Is dit net die ministerie van gesondheid wat geld mors?" het Haufiku gesê.
Nekundi wou antwoorde op vrae oor die Ondangwa-distrikshospitaal en die Noordelike Akademiese Verwysingshospitaal hê.
Haufiku het verduidelik ingevolge die 2014- ministeriële padkaart moes vier distrikshospitale in 2018 gebou word op onderskeidelik Nkurenkuru in Kavango-wes, Ondangwa in die Oshanastreek, Rosh Pinah in die //Kharasstreek en in Windhoek in die Khomasstreek.
Dit is egter weens finansiële beperkinge tydelik uitgestel.
Wat die Noordelike Akademiese Verwysingshospitaal betref, sê Haufiku, is aanvanklike planne om die Oshakati-staatshospitaal daarin te omskep, laat vaar omdat die perseel nie geskik is nie.
Die nuwe terrein sal volgens Haufiku binne 'n radius van 60 kilometer van die Ondangwa-lughawe geleë moet wees. Volgens die aanvanklike ministeriële padkaart moes bouwerk aan die projek in 2023 begin het, maar sal dit volgende jaar begin.
Die hospitaal sal die Oshana-, Omusati-, Kunene-, Ohangwena-, Oshikoto, Kavango-Wes- en moontlik ook die Kavango-Oosstreek bedien.
Haufiku is oënskynlik onder druk om te verseker die verwysingshospitaal kom op Ondangwa. Hy het selfs vertel van 'n naamlose telefoonoproep wat hy ontvang het waartydens beledigings in die verband hom toegesnou is.
Haufiku het gesê vroeër vanjaar is besluit die hospitaal moet in die Oshanastreek gebou word. By dieselfde vergadering is ooreengekom dat die Ondangwa- en Ongwediva-dorpsrade elk twee persele vir die bou van die hospitaal sou voorstel.
"Slegs die Ongwediva-dorpsraad het 'n perseel voorgestel," het Haufiku gesê.
Nkundi wou weet hoekom Ondangwa nie voorkeur vir die verwysingshospitaal geniet nie.
"Die vraag moet wees: Waarom moet Ondangwa voorkeur kry?" het Haufiku teruggekap.
Hy het aangedui 'n bedrag van sowat N$4 miljoen is vir 'n lewensvatbaarheidstudie vir die Ondangwa-distrikshospitaal bewillig. Geen lewensvatbaarheidstudie is egter al vir die Noordelike Akademiese Verwysingshospitaal gedoen nie.
Só het die minister van gesondheid en maatskaplike dienste, dr. Bernard Haufiku, gister lede van die Nasionale Vergadering (NV) berispe toe hy die Swapo-agterbanker, mnr. Veikko Nekundi, se vrae beantwoord het.
Hy het ontken dat enige geld deur sy ministerie gemors is toe 'n lewensvatbaarheidstudie vir die Ondangwa-distrikshospitaal gedoen is.
"Ek is die een wat die Teenkorrupsiekommissie (ACC) in die ministerie ingebring het. Ek het soveel inligting moontlik gekry sodat die kommissie die ministerie kon ondersoek. Ek het dit juis gedoen weens die kommer oor geldvermorsing korrupsie.
"Maar Nekundi stel belang in die N$4 miljoen wat die ministerie aan 'n lewensvatbaarheidstudie bestee het. Is dit net die ministerie van gesondheid wat geld mors?" het Haufiku gesê.
Nekundi wou antwoorde op vrae oor die Ondangwa-distrikshospitaal en die Noordelike Akademiese Verwysingshospitaal hê.
Haufiku het verduidelik ingevolge die 2014- ministeriële padkaart moes vier distrikshospitale in 2018 gebou word op onderskeidelik Nkurenkuru in Kavango-wes, Ondangwa in die Oshanastreek, Rosh Pinah in die //Kharasstreek en in Windhoek in die Khomasstreek.
Dit is egter weens finansiële beperkinge tydelik uitgestel.
Wat die Noordelike Akademiese Verwysingshospitaal betref, sê Haufiku, is aanvanklike planne om die Oshakati-staatshospitaal daarin te omskep, laat vaar omdat die perseel nie geskik is nie.
Die nuwe terrein sal volgens Haufiku binne 'n radius van 60 kilometer van die Ondangwa-lughawe geleë moet wees. Volgens die aanvanklike ministeriële padkaart moes bouwerk aan die projek in 2023 begin het, maar sal dit volgende jaar begin.
Die hospitaal sal die Oshana-, Omusati-, Kunene-, Ohangwena-, Oshikoto, Kavango-Wes- en moontlik ook die Kavango-Oosstreek bedien.
Haufiku is oënskynlik onder druk om te verseker die verwysingshospitaal kom op Ondangwa. Hy het selfs vertel van 'n naamlose telefoonoproep wat hy ontvang het waartydens beledigings in die verband hom toegesnou is.
Haufiku het gesê vroeër vanjaar is besluit die hospitaal moet in die Oshanastreek gebou word. By dieselfde vergadering is ooreengekom dat die Ondangwa- en Ongwediva-dorpsrade elk twee persele vir die bou van die hospitaal sou voorstel.
"Slegs die Ongwediva-dorpsraad het 'n perseel voorgestel," het Haufiku gesê.
Nkundi wou weet hoekom Ondangwa nie voorkeur vir die verwysingshospitaal geniet nie.
"Die vraag moet wees: Waarom moet Ondangwa voorkeur kry?" het Haufiku teruggekap.
Hy het aangedui 'n bedrag van sowat N$4 miljoen is vir 'n lewensvatbaarheidstudie vir die Ondangwa-distrikshospitaal bewillig. Geen lewensvatbaarheidstudie is egter al vir die Noordelike Akademiese Verwysingshospitaal gedoen nie.
Kommentaar
Republikein
Geen kommentaar is op hierdie artikel gelaat nie