Haufiku-bom in duisternis gehul

Denver Kisting – Pres. Hage Geingob het gisteroggend by Staatshuis aangevoer dr. Bernard Haufiku was Maandag deel van die besluit om hom van sy pligte te onthef.Dr. Alfredo Hengari, presidensiële woordvoerder, het laat Woensdag aangekondig Haufiku is met onmiddellike effek nie meer die minister van gesondheid en maatskaplike dienste nie.Luidens dié skokonthulling gaan Haufiku voortaan in Auasblick diens doen as Geingob se spesiale raadgewer gemoeid met gesondheid en maatskaplike dienste.’n Storm woed sedertdien in veral die sosiale media oor dié wending, wat allerweë as ’n demosie beskou word.Klokslag om 09:00 gisteroggend het die media gade geslaan hoe regter Dave Smuts vir dr. Kalumbi Shangula, ’n gerekende mediese dokter en politikus, as die nuwe minister in die Nasionale Vergadering (NV) inhuldig.Dié verrigtinge het onder die wakende oog van die speaker, prof. Peter Katjavivi, en die visepresident, mnr. Nangolo Mbumba, geskied.Shangula se gesin, die media en ’n handjie vol kabinetsministers was ook teenwoordig.Kort hierna het die stoet Staatshuis toe beweeg waar die proses om 10:00 in Geingob en eerste minister Saara Kuugongelwa-Amadhila se teenwoordigheid herhaal is.Tydens dié geleentheid het Geingob uitgevaar teen ministers wat uit die huis uit praat.Hy het benadruk dié gedrag is teenstrydig met hul eed om nie oor vertroulike kabinetsake in die openbaar te praat nie.Ministers vergeet dat hulle nie daar is om hul ego’s te dien nie, het die staatshoof gesê.Haufiku het onlangs in ’n onderhoud met Republikein se susterkoerant Namibian Sun uitgevaar teen sy baas se beweerde inmengery in die gesondheidsministerie se sake.Hy was na wat verneem word op die rooi tapyt daaroor.Geingob het gister gesê die ministerie van gesondheid worstel met talle kwelpunte en dat Shangula ’n gewigtige taak sal hê. “Dit is ’n moeilike pos,” het Geingob gesê.Hy het ’n beroep op Shangula gedoen om onder meer die gebrek aan eenheid, wat die ministerie teister, aan te spreek.Geingob het ook vir mnr. Ben Nangombe, die permanente sekretaris, gevra om met Shangula saam te werk om die uitdagings in die ministerie die hoof te probeer bied.Om 11:00 gisteroggend het Mbumba met Haufiku by sy kantoor, wat by die ou Staatshuis geleë is, vergader.Haufiku was oënskynlik verras deur die media se teenwoordigheid by dié bondige vergadering.Hy het geweier om vrae oor die jongste verwikkelinge te antwoord.Op ’n vraag oor wat hy te sê het oor Geingob se weergawe dat daar Maandagmiddag met hom vergader en ooreengekom is dat hy die ministeriële pos sal ontruim, het hy by Mbumba gepleit om toegelaat te word om te swyg.Geingob het gister lof gehad vir veral Haufiku se praktiese benadering.

Haufiku-bom in duisternis gehul

Kommentaar

Republikein 2025-06-19

Meld asseblief aan om kommentaar te lewer

Haufiku-bom in duisternis gehul

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie