Hartstigting ondersteun gesonde harte

Veilige en bemagtigde gemeenskap

04 September 2019 | Gesondheid
Die Namibië Hartstigting (NHF) in Windhoek is Vrydag amptelik bekend gestel om bewustheid oor hartsiektes en verwante risiko’s te skep.

Die geleentheid is deur die minister van gesondheid en maatskaplike dienste, dr. Kalumbi Shangala, kardioloë, dieetkundiges, nie-regeringsorganisasies, vanjaar se Mej. Namibië, Nadja Breytenbach, sowel as lede van die publiek bygewoon.

Die NHF is in Maart vanjaar in die lewe geroep om met die hulp van vrywilligers oraloor die land ‘n inklusiewe, veilige en bemagtigde gemeenskap te skep vir individue wat aan hartsiektes ly en beroertes gehad het.

Hartsiektes dra tot 30% van sterftes in die land by. Hoewel medici en verwante beroepslui, staats- en private hospitale, mediese fondse en die versekeringsbedryf ‘n wesenlike bydrae lewer om Namibiërs oor voorkomende en vroeë opsporingsmaatreëls oor hartsiektes in te lig, kan meer gedoen word.

Volgens die NHF is dit ‘n moeilike en soms alleenpad vir lyers wanneer hulle met die nagevolge van ‘n hartaanval of beroerte moet saamleef en wat gevoelens van hartseer, woede, angs, skuld, verwarring en stres kan insluit.

Die pad na herstel sluit daarom meer as gereelde oefening en gesonde eetgewoontes in; dit behels ook geestelike ondersteuning wat hartlyers in staat stel om weer holisties gesond te raak.

“Enigiemand kan met ‘n gesonde emosionele en fisiese leefstyl van ‘n hartaanval herstel,” sê die stigter van die NHF, mnr. Gerhard de Koe.

De Koe het sy persoonlike ervaring met hartchirurgie tydens die bekendstelling gedeel en gesê dit het hom met baie emosionele en fisieke behoeftes gelaat. Dit het hom genoop om op te staan en die stem te wees vir baie ander Namibiërs wat dieselfde ervaring gehad het.

“Met die ondersteuning en verskillende bydraes van rolspelers kan ons ‘n verskil maak,” het De Koe gesê.

Thinus Prinsloo, die Capricorn Group se uitvoerende hoof, het tydens dieselfde geleentheid gesê die groep is trots om deel van die beweging te wees wat ‘n positiewe invloed op die lewe van die betrokke pasiënte en hul families sal hê. Vir meer inligting kan De Koe by [email protected] of 081 306 0515 gekontak word. Inligting is ook op die NHF se webtuiste www.namheart.com beskikbaar.

Soortgelyk

 

Kenner van familieondernemings kom lewer praatjie

3 ure gelede | Kuns en vermaak

Een van Suid-Afrika se voorste kenners van familieondernemings lewer Vrydagoggend op uitnodiging van die kultuurorganisasie, Netwerk, ‘n ontbytpraatjie by Am Weinberg Hotel in Windhoek.Prof. Elmarie...

Nog water vir Hardap en ses ander

3 ure gelede | Omgewing

Elvira Hattingh - Ses nasionale damme ontvang steeds water, met ‘n sewende een wat gister om 16:00 óók nog water gekry het.Volgens NamWater se jongste...

Oudpres. Hosni Moebarak van Egipte sterf

5 ure gelede | Internasionaal

Die voormalige Egiptiese president Hosni Moebarak is dood, het die staatstelevisie berig.Hy was 91.Moebarak is in 2011 ontsetel ná 'n bewind van sowat 30 jaar....

Nege vas oor renosterhorings

5 ure gelede | Misdaad

Nege verdagtes is verlede week in verband met renosterstropery of -horingsmokkelary in hegtenis geneem. Volgens die wildmisdaadverslag van 17 tot 23 Februarie is beslag op...

Gesoek: Namibiërs wat in China woon, studeer

7 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

8 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

18 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

18 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

18 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...