Hartlief se werkers terug op hul pos

Hartlief-werkers het Maandagoggend om 06:00 weer aangemeld en begin werk ná ’n staking sedert 28 Desember eindelik Vrydag beëndig is.
Volgens mnr. Lister Tawana, die Namibiese Unie vir Voedsel en Verwante Werkers (Nafau) se nasionale koördineerder vir opleiding en navorsing, is die skikking wat met Hartlief se moedermaatskappy Ohlthaver en List (O&L) bereik is, ’n prestasie.
Ingevolge die skikking kry 259 werknemers binne die onderhandelingseenheid vandag ’n verhoging van N$400, terugwerkend vanaf Julie 2021 asook ander voordele wat hul maandelikse loon met N$770 sal verhoog.

Foto: Tanja Bause