Harry, Meghan huldig hul ma's op troue

Prins Harry én Meghan Markle huldig die rol van hul ma's op hul troudag.Doria Ragland sal haar dogter van hul geheime blyplek in Windsor na die St. George-kapel in Windsor-kasteel vergesel, terwyl Harry al sy oorlede ma, Diana, se susters en broer na die troue nooi en aan sy tante, barones Jane Fellowes, die kans gee om 'n voorlesing tydens die diens te doen.Toe lady Sarah McCorquodale (Diana se ander suster) op sy ma se begrafnis, op 6 September 1997 ook 'n voorlesing gedoen het, het dit 'n rimpeling deur die Westminster-abdy laat gaan omdat lady Sarah en Diana se stemme baie ooreenstem.Ondanks al die bespiegelings dat Meghan se ma, Doria Ragland, haar van die westelike trappies tot voor die spreekwoordelike kansel sou vergesel, is deur Kensingtonpaleis se verklaring Vrydag ongedaan gemaak.Meghan maak albei haar ouers deel van haar huweliksdag. Haar ma vergesel haar tot by die abdy, waarna haar publisiteitsku-pa, Thomas Markle sr., die paadjie sal afstap kansel toe.Die kapel, wat plek het vir 800 kerkgangers, se kerkbanke gaan só gerangskik word dat die 600 gaste die beste moontlike blik op die paartjie kan hê. Almal in die kerk sal óf prins Harry óf Meghan persoonlik ken. Onder die gaste is van haar medeakteurs in die TV-drama Suits, George Clooney en sy vrou, Amal, asook David Beckham en sy vrou, Victoria.In die verklaring wat Kensington-paleis uitgereik het, word daar gemeld Meghan en haar ma sal van 'n sekere punt op die Long Walk gesien kan word op pad kapel toe, wat heel moontlik daarop dui dat hulle die nag voor haar troue in een van die talle huise in Windsor Groot Park kan oornag.By die kapel sal Doria dieselfde ingang as die koninklike familie kan gebruik.Die trourokDie oomblik wanneer Meghan haar voet uit die motor sal sit, is wanneer die paleis al die besonderhede van haar trourok – van die ontwerper tot die spesifieke materiaal en kant – tot die blomme in haar ruiker sal bekend maak.Slegs een fotograaf gaan binne die kapel toegelaat word en net vier fotograwe sal binne die kasteel toegelaat word om foto's te neem. Meer media sal buite die kasteel in die dorp en in die Long Walk toegelaat word.Die nuwe hertog en hertogin van 'n hertogdom wat nog deur koningin Elizabeth bepaal sal word, sal ná die uurlange diens per koets deur Windsor se strate ry en dan met die Long Walk na Windsor-kasteel terugkeer.Net voordat hulle in die perdekar of koets klim, afhangend van die weer, sal die hele koninklike familie op die trappe van die kapel verskyn en die bruidspaar afsien.Die koetsrit sal ongeveer 25 minute duur. Twee koetse, die Ascot-landauperdekar waarin Catherine en prins William ná hul troue na Buckingham-paleis geneem is, en die Skotse koets ('n koets met glasvensters en 'n dak) ingeval van reën word reeds vir die groot dag gereed gemaak.Groot skerms word op plekke op die roete aangebring sodat die publiek na die diens kan kyk.'n Enorme stellasie, soortgelyk aan die een wat by Buckinghampaleis opgerig is vir TV-netwerke, verrys tans in die middel van die Long Walk.Weens die moontlikheid van terreuraanvalle is versperrings vir paneelwa- of vragmotoraanvalle reeds in Windsor aangebring.Hoewel die twintigste herdenking van Harry se ma se dood verlede jaar in Augustus gevier is, sal Diana se nalatenskap op sy troudag te sien wees.Die feit dat prins Harry sy ma se gesin, die aristokratiese Spencers, 'n deel van die kerkdiens maak, spreek boekdele. Al sy niggies en nefies aan moederskant is ook na die troue genooi. Meghan Markle se ouers sal in die week voor die troue die koningin, prins Philip, prins Charles, sy vrou, Camilla, hertogin van Cornwall, ontmoet.Thomas Markle sr. sal ook dan uiteindelik sy aanstaande skoonseun ontmoet.Markle sr. het tot dusver uit die mediastorm om sy dogter se troue gebly en nie soos sy kinders uit sy eerste huwelik, Thomas jr. en Samantha Markle, oor Meghan kommentaar gelewer nie. – Netwerk24

Harry, Meghan huldig hul ma's op troue

Kommentaar

Republikein 2026-03-23

Meld asseblief aan om kommentaar te lewer

Harry, Meghan huldig hul ma's op troue

Kommentaar

Republikein 2026-03-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.