Harde woorde val in NV

Estelle de Bruyn - "Idioot! Hy is 'n idioot." Dit is hoe die afgedankte adjunkminister van grondhervorming, mnr. Bernadus Swartbooi, sy voormalige senior in dié ministerie, mnr. Utoni Nujoma, in die Nasionale Vergadering (NV) toegesnou het.Nujoma was besig om 'n ministeriële verklaring voor te loos oor grondhervorming en die mislukte wetsontwerp op grond, wat teen die einde van verlede jaar se sitting teruggetrek is.Nujoma het onder meer gesê sommige mense verwys voortdurend na die koloniale geskiedeniswanneer hulle voorgee om die grondloses te verteenwoordig, bloot om emosies aan te vuur.Hy sê baie van die mense wat wil voorgee dat sekere groepe nie voordeel uit hervestiging geput het nie, is onder die hervestigingsprogram hervestig. Nujoma sê die ministerie is daar om toe te sien dat grondhervorming in die land geskied. Hy sê dit vind in die gees van nasionale versoening plaas en dit is herbevestig by die grondkonferensie 1991.Hy het Namibiërs gevra om op die feite te fokus.Met verwysing na die wetsontwerp wat op 24 November 2016 met die sluiting van die NV-sitting teruggetrek is, het hy gesê dit is gedoen sodat verdere beraadslaging kon plaasvind. Dit is egter later deur die president uitgestel tot ná die grondkonferensie later vanjaar, maar onderhandelinge gaan volgens Nujoma steeds voort.Oor kritiek dat daar nie voldoende beraadslaging met die opstel van die wetsontwerp was nie, het hy gesê daar was voldoende beraadslagings van die regering se kant af. Tussen 2006 en 2007 het interministeriële beraadslagings plaasgevind. In die daaropvolgende jaar is streeksvergaderings op Otjiwarongo, Rundu en Keetmanshoop gehou waar insette van belanghebbendes ontvang is en wat deur die wetopstellers in ag geneem is toe hulle die wetsontwerp opgestel het.Julie 2010 is 'n nasionale raadplegende konferensie gehou waar die finale voorstelle vir die wetsontwerp voorgelê en bespreek is.Nujoma sê die nasie is deurlopend op hoogte gehou van die vordering met die wetsontwerp en die Regshulpsentrum, politieke partye, tradisionele owerhede en die burgerlike samelewing is geraadpleeg.Die president van die DTA, mnr. McHenry Venaani, het op 'n ordepunt opgestaan en gesê as leier van die grootste opposisieparty kan hy daarvan getuig dat Nujoma nooit met politieke partye beraadslaag het nie en dat hy bloot besig was om sy eie aansien te probeer red. "Die president het gesê ons wag tot die grondkonferensie, kom ons wag en beraadslaag," het Venaani gesê.Terwyl Venaani besig was, het Swartbooi, by wyse van tussenwerpsels, herhaaldelik gesê "Hy is 'n idioot", waarna die speaker, prof. Peter Katjavivi, hom vermaan het om dit terug te trek.Hierop het Swatbooi geantwoord: "Ek het bedoel wat ek gesê het. Ek bly by wat ek gesê het: Hy is 'n idioot. Maar ter wille van die waardigheid van die Huis sal ek dit terugtrek." Toe Nujoma probeer het om sy ministeriële verklaring te hervat, het die president van die APP, mnr. Ignatius Shixwameni, gewaarsku dat 'n Pandora se boks oopgemaak word, "wat net gister deur die president toegemaak is." Die president van Swanu, mnr. Usutuaije Maamberua, het hierop gewaarsku dat indien Nujoma sou voortgaan, die Huis "onregeerbaar" gemaak sou word. Hierop het die speaker die NV vir tee verdaag.Met die hervatting van die sitting het die speaker aangedui ná beraadslaging in die teepouse is besluit om die onderwerp daar te laat en nie verder daaroor te praat nie. Dit is deur die lede van die huis verwelkom, waarna die Huis tot vandag verdaag het.

Harde woorde val in NV

Kommentaar

Republikein 2025-08-05

Meld asseblief aan om kommentaar te lewer

Harde woorde val in NV

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie