Harde werk word beloon

Octavia Tsibes - Verlede week het die Sekondêre Skool Jakob Marengo hul prysuitdeling gehou. Dié skool, wat in Katutura geleë is, het 'n ryk geskiedenis. Die skool is in 1985 gestig en was toe bekend as Khomasdal Civic Association. Me. Immaculate Mogotsi, 'n dosent aan die Universiteit van Namibië, is 'n trotse produk van Jakob Marengo. “Die skool het kinders aanvaar wat nie by ander skole aanvaar is nie. Vandag doen hulle presies dieselfde as wat hulle al die afgelope 32 jaar doen,” het Mogotsi gesê. Sy het leerlinge aangemoedig om altyd hul bes te doen, ongeag hul agtergrond.“Baie van ons by die skool is Angolese. Dit het my geleer om verdraagsaam teenoor verskillende Namibiese stamme te wees. Dit het my ook geleer om soos 'n volwassene te dink en situasies te hanteer,” het Felix Figveiredo, een van die skool se toppresteerders, gesê.Mogotsie het bygevoeg: “Almal het 24 uur in 'n dag en hoe jy dit gebruik, maak saak. As jy dit goed gebruik, sal jou uitslae net so goed lyk, maar as jy dit nie goed gebruik nie, sal jy bly waar jy is.” Sy het ook met die tiener's gepraat en hulle aangemoedig om nie moedeloos te wees nie. “Ek was ook 'n tienerma, maar dit het nie my situasie verander nie. Dit het my gemotiveer om beter in my studies te doen,” sê Mogotsi. Me. Ottilie Abrahams, die Sekondêre Skool Jakob Marengo se hoof, sê “ As ons hulle nie die kinders aanvaar nie, waarnatoe moet hulle gaan. Is onderwys nie vir almal nie?“My droom is om die skool weer te laat presteer.” Sy het verder gesê die leerlinge is 'n voorbeeld vir dié wat die eindeksamen moet skryf.

Harde werk word beloon

Kommentaar

Republikein 2025-06-19

Meld asseblief aan om kommentaar te lewer

Harde werk word beloon

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie