Hardapdam-oord dalk binnekort oop
NWR sê daar was geen vertraging met herstelwerk nie, maar dat dit nie altyd beheer oor sy verskaffers kon uitvoer nie.
Vier jaar nadat die Hardapdam-oord buite Mariental gesluit is, is daar aanduidings dat die hekke dalk teen einde Maart weer sal oopswaai.
Die oord is in Junie 2011 gesluit ter voorbereiding van opgradering en opknappingswerk wat veronderstel was om binne 18 maande voltooi te wees.
Namibia Wildlife Resort (NWR) het vroeër gesê ’n ondersoek na die toestand van die meganiese en elektriese infrastruktuur sowel as die waterstelsels van die kampe is in September 2011 voltooi, en is daar vasgestel dat “redelike opknappings” nodig was.
NWR het toe gesê die sluiting was ’n sakebesluit, veral nadat die oord groot verliese gely het as gevolg van besoekergetalle wat skerp gedaal het.
Die Namibiese Federasie vir Varswaterhengelaars het dit egter bevraagteken, en gesê die oord was gewoonlik gedurende die organisasie se jaarlikse byeenkomste vol bespreek. Die federasie was ook van mening ’n klein inkomste is beter as geen inkomste nie.
Hoe dit ook al sy, NWR het verlede week gesê daar was nooit enige vertraging met die opknapping en opgradering nie, en dat hierdie werk in fases “gebaseer op die grootte van die oord” oor die jare gedoen is.
NWR se bemarking- en kommunikasiebestuurder, mnr. Mufaro Nesongano, het gesê NWR kon nie altyd beheer oor sy diensverskaffers uitvoer nie, en ook nie oor die logistieke aspekte rakende die aflewerings van materiaal nie.
“Ons blameer niemand vir die vertraging nie omdat ons sulke situasies verwag het en daarom ons inkomste hersien het. Ons sien egter uit na die opening van die oord en dat ons kliënte dit weer kan besoek,” het Nesongano gesê.
Herstelwerk is aan die winkel, kantoorgeboue, restaurant en swembad gedoen en ’n nuwe konferensiesentrum is opgerig. Nesongano sê daar word ook groot herstelwerk aan die rondawels gedoen.
Hy kon egter nie sê hoeveel die herstelwerk aan die oord kos nie, aangesien die werk nog aan die gang is.
Nesongana het voorts gesê die kontrakteurs het aan NWR die versekering gegee dat die werk teen die einde van Maart voltooi sal wees.
“Ons verwag die oord sal open kort nadat die kontrakteurs die projek aan ons oorhandig het,” het Nesongana gesê.
Die oord is in Junie 2011 gesluit ter voorbereiding van opgradering en opknappingswerk wat veronderstel was om binne 18 maande voltooi te wees.
Namibia Wildlife Resort (NWR) het vroeër gesê ’n ondersoek na die toestand van die meganiese en elektriese infrastruktuur sowel as die waterstelsels van die kampe is in September 2011 voltooi, en is daar vasgestel dat “redelike opknappings” nodig was.
NWR het toe gesê die sluiting was ’n sakebesluit, veral nadat die oord groot verliese gely het as gevolg van besoekergetalle wat skerp gedaal het.
Die Namibiese Federasie vir Varswaterhengelaars het dit egter bevraagteken, en gesê die oord was gewoonlik gedurende die organisasie se jaarlikse byeenkomste vol bespreek. Die federasie was ook van mening ’n klein inkomste is beter as geen inkomste nie.
Hoe dit ook al sy, NWR het verlede week gesê daar was nooit enige vertraging met die opknapping en opgradering nie, en dat hierdie werk in fases “gebaseer op die grootte van die oord” oor die jare gedoen is.
NWR se bemarking- en kommunikasiebestuurder, mnr. Mufaro Nesongano, het gesê NWR kon nie altyd beheer oor sy diensverskaffers uitvoer nie, en ook nie oor die logistieke aspekte rakende die aflewerings van materiaal nie.
“Ons blameer niemand vir die vertraging nie omdat ons sulke situasies verwag het en daarom ons inkomste hersien het. Ons sien egter uit na die opening van die oord en dat ons kliënte dit weer kan besoek,” het Nesongano gesê.
Herstelwerk is aan die winkel, kantoorgeboue, restaurant en swembad gedoen en ’n nuwe konferensiesentrum is opgerig. Nesongano sê daar word ook groot herstelwerk aan die rondawels gedoen.
Hy kon egter nie sê hoeveel die herstelwerk aan die oord kos nie, aangesien die werk nog aan die gang is.
Nesongana het voorts gesê die kontrakteurs het aan NWR die versekering gegee dat die werk teen die einde van Maart voltooi sal wees.
“Ons verwag die oord sal open kort nadat die kontrakteurs die projek aan ons oorhandig het,” het Nesongana gesê.
Kommentaar
Republikein
Geen kommentaar is op hierdie artikel gelaat nie