Hardap wil teen Wambo betoog

Catherine Sasman – Inwoners van minstens agt dorpe en nedersettings in die Hardapstreek beplan vandag (Vrydag, 21 Jul) ’n optog na die streeksraad se hoofkantoor op Mariental.Dít om weer eens te eis dat streeksraadslid Edward Wambo uit sy amp verwyder word.Hierdie aksie kom presies ’n maand ná inwoners ’n petisie aan die minister van stedelike en landelike ontwikkeling, me. Sophia Shaningwa, oorhandig het om stappe te doen teen dié Swapo-raadslid wat inwoners meen is “wetteloos” en wat “onbesonne invloede” op verskeie raadskantore uitoefen.“Ons eis gesonde, doeltreffende, oortuigende en eerlike leierskap, nie wat ons nou het en ervaar nie. Die Namibiese nasie, die regering en die Swapo-party moet ons stemme hard en duidelik hoor,” het mnr. Bartolomeus Pieters, organiseerder van die optog, gesê.Hy het gesê die ondertekenaars van die petisie wil na die streekraadskantoor op Mariental opruk om vir Wambo “presies te sê wat ons van hom dink”.“Onwettighede, wanorde en ’n gebrek aan dissipline sal en mag nie verdra word nie. Genoeg is genoeg,” het Pieters gesê.Inwoners van Kalkrand, Aranos, Hoachanas, Stampriet, Gochas, Rehoboth, Mariental en Daweb sal na verwagtig aan die optog deelneem.’n Gesamentlike gemeenskapsvergadering is op Sondag 16 Julie in Rehoboth se Blok E gehou, waar inwoners hul ontevredenheid uitgespreek het oor die Rehoboth-dorpsraad en Wambo, wat hulle as ’n “toeris” in sy kiesafdeling beskryf.Hulle het ook hul misnoë uitgespreek oor raadslid Willie Swartz, wat daarvan beskuldig word dat hy N$13 miljoen van die raad se geld in sy persoonlike bankrekening gedeponeer het. Weens dié aanklag is hy vir een dag deur die uitvoerende beampte, mnr. Chris /Uirab, geskors.Die meerderheid Swapo-raadslede het egter die volgende dag tussenbeide getree en hom in sy pos herstel.Mnr. Lennie Pienaar, opposisieraadslid van die United People’s Movement (UPM), het Dinsdag gesê volgens ’n regsmening uit Shaningwa se kantoor, is Swartz nie meer in diens van die raad nie. Hy is egter steeds op kantoor en dien tans as die waarnemende uitvoerende beampte terwyl /Uirab met verlof is.Volgens Pienaar het Swapo-raadslede tydens ’n raadsvergadering, waarvan die samestelling twyfelagtig was, vir Swartz as die “permanente waarnemende uitvoerende beampte” aangestel om waar te neem wanneer die uitvoerende beampte nie beskikbaar is nie. Inwoners van Rehoboth het by Sondag se vergadering aangevoer Swartz word “beskerm” deur die vier Swapo-raadslede en dat hy “onaantasbaar” geraak het. Hulle het gedreig om hom met geweld te verwyder indien stappe nie teen hom gedoen word nie.

Hardap wil teen Wambo betoog

Kommentaar

Republikein 2026-08-03

Meld asseblief aan om kommentaar te lewer

Hardap wil teen Wambo betoog

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.