Hardap: Herstelwerk aan besproeiingskanaal begin

Elvira Hattingh - NamWater het vanoggend met herstelwerk aan die Hardapskema se besproeiingskanaal begin sodat watertoevoer na besproeiingsboere herstel kan word. Mnr. Dawie de Klerk, ’n besproeiingsboer op die Hardapskema en ondervoorsitter van die Akkerbouprodusentevereniging (APV), sê hy is tans op die perseel en spanne werkers is besig met voorbereidingswerk om die kanaal te herstel. “Dit is moeilik om ’n tydsraamwerk te gee van wanneer die werk voltooi sal wees, maar ek is vol moed dat werk aan die kanaal nou sal begin,” sê hy. De Klerk sê die situasie is besig om vir besproeiingsboere kritiek te raak omdat hul gewasse dringend water benodig en dit reeds skade begin ly het. Hy meen hulle het slegs sowat ’n week oor voor die skade onomkeerbaar sal wees. Die Hardapdam bevat tans 42,9% water. Dit volg ná die kanaal strukturele skade gely het toe die Dabibrivier sy walle op 19 Februarie oorstroom het, die water die leë besproeiingskanaal sywaarts bereik het en 40 m se panele laat ineenstort het. Watertoevoer van die Hardapdam na besproeiingsboere is op 27 Januarie noodgedwonge gestaak omdat die dam net 6,5% water oorgehad het – wat vir Mariental self gehou moes word. Danksy goeie reëns sedert 17 Februarie het dié dam weer water ontvang. FOTO'S DAWIE DE KLERK

Hardap: Herstelwerk aan besproeiingskanaal begin

Kommentaar

Republikein 2025-05-14

Meld asseblief aan om kommentaar te lewer

Hardap: Herstelwerk aan besproeiingskanaal begin

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie