Hansa Bäckerei sluit sy deure

04 March 2021 | Gemeenskap
Erwin Leuschner – “Ons het alles probeer, maar op die ou einde moes ons die besluit neem om toe te maak. Ons is regtig baie jammer,” het mnr. Gerhard Pohl gesê.

Sy broer, mnr. Paul Pohl, het bygevoeg: “Dit is ’n baie emosionele aangeleentheid omdat ons hier grootgeword het.”

Die Pohl-broers was dekades saam aan die stuur van dié familiebesigheid. Die Hansa Bäckerei op Swakopmund sluit ná 43 jaar op 30 April sy deure. Die Przybylski Bäckerei maak ook dieselfde tyd sy deure toe.

Daar is talle redes vir die besluit om die besigheid te sluit, wat “al lank voor corona daar was.”

Die bakkery sukkel al vir etlike jare met ’n vaardigheidstekort, daar is veral probleme om ’n opvolger te vind.

“Die bakkerybedryf is harde werk. Om in die nag te werk en vroeg op te staan, is deel daarvan. Elke dag begin die werk om middernag en naweke is ook baie arbeidsintensief,” het Gerhard gesê.

“Daar is amper geen jongmense wat dié handewerk wil aanleer nie, omdat dit nie meer aantreklik is nie.”

Die bestanddele se pryse, energie- en produksiekoste het die afgelope paar jaar gestyg terwyl die aanvraag na die produkte verminder het.

Die Bäckerei het nog voor die Covid-19-pandemie op grootmaat vir hotelle gebak, maar weens die pandemie het dié produksie met amper 50% geval.

“Corona was nie die rede vir ons besluit nie, maar dit het daartoe bygedra,” het Gerhard gesê.

Die prysdruk van die supermarkte was ook deurslaggewend. Baie supermarkte het hul eie bakkery.

“Bakkerye ly al jare daaronder. Dit is 'n tendens wat selfs in Europa duidelik word,” het Gerhard gesê.

Intussen het baie hotelle al begin om brötchen en croissants self te bak. Daarbenewens is daar ook die invoer van goedkoop goedere uit die buiteland. Die broers probeer al etlike jare om die familiebesigheid te red, maar die opeenhoping van probleme het nou tot hul ondergang bygedra.

Die Hansa Bäckerei is nie net bekend vir hulle verskeidenheid van gebak nie, maar ook vir die kwaliteit van hul produkte.

South West Bakeries (SWB) met drie vennote het die Hansa Bäckerei in 1967 begin. Die Apollo-bakkery op Walvisbaai wat ook intussen gesluit is, was destyds deel daarvan. SWB het in 1969 die Przybylski Bäckerei oorgeneem en in die 70’s die Putensen Bäckerei (Café Treff). In 1978 is die Hansa Bäckerei begin en die produksie van al die bakkerye is daarnatoe verskuif.

In daardie jare is produkte vanuit die Hansa Bäckerei aan Rössing Uranium-myn, Uis en Brandberg Wes-myn gelewer. In die tagtigerjare het SWB sowat 140 werknemers in diens gehad. Die Apollo-bakkery moes in 1997 weens ekonomiese redes sluit en Café Treff in 2016. Daar is tans 20 werknemers waarvan die meeste al jare lank in die bedryf werksaam is.

“Ons is persoonlik baie jammer, want met die sluiting gaan baie spesialiskennis, tradisionele resepte, die verskeidenheid brode en koeke, handvaardighede, baie werkplekke, ‘n stukkie koskultuur en ‘n tradisie van Swakopmund verlore”, het Gerhard gesê.

- [email protected]

Soortgelyk

 

Hoërskool Rehoboth gesluit tot ná Paasnaweek

40 minute gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Robberts bly in aanhouding

11 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

11 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

11 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

11 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

11 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

11 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

11 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

11 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...