Hand in tradisie se boesem

13 September 2018 | Menings
Hierdie week is tradisionele leiers in Windhoek oor verskeie kwessies streng deur pres. Hage Geingob en ander leiers aangespreek.

Dit is gerade vir die leiers om elkeen die hand in eie boesem te steek. Dit geld ook amptelik “nie-erkende” tradisionele leiers.

Die staatshoof wou in breë van tradisionele leiers weet of hulle hul take eerbaar uitvoer.

Sommige beskou die rol van politieke lojaliteit en getuigskrifte, asook stamhoofde se staatsvoordele as faktore met negatiewe uitwerkings. Dit mag nie hierdie gesagte, wat in hul gemeenskappe 'n belangrike doel dien, ondermyn nie.

Stamreg en tradisionele howe moet volgens Geingob, minister Peya Mushelenga en hoofman Immanuel /Gaseb interne geskille besleg.

Geingob en andere het die verdeeldheid en leierskapstwiste in talle tradisionele owerhede veroordeel as 'n onnodige las op staatsbronne wat die owerhede se ontwikkelingsrol in die wiele ry. As Geingob vrede onder die Ondonga moet help bewaar, kos dit die land tyd, energie en geld.

Mushelenga het die teer kwessie aangeroer van trustfondse wat nie ten bate van tradisionele gemeenskappe aangewend word nie. Dit geld alle ander bates, gemeenskapbronne en werktuie vir bemagtiging.

Ons stem saam, maar nie net tradisionele leiers moet hulself afvra of hulle as hekwagters vir wysheid, integriteit, waardes en verantwoording 'n beter lewe vir almal najaag nie. Alle leiers, en alle Namibiërs moet daagliks dieselfde doen.



So sê ander

12 September 2018



Beeld, Die Burger en Volksblad sê



Die jongste berigte oor Jacob Zuma se beweerde gekonkel is nog 'n inskrywing op die groeiende lys faktore wat bydra tot onsekerheid oor politieke stabiliteit in die ANC-regering.

Sy voortdurende teenwoordigheid is ongetwyfeld 'n poging om sy aanhangers te sterk in hul pogings om politieke beheer oor die organisasie terug te wen.

In die meeste politieke partye wêreldwyd is daar gewoonlik verskillende faksies wat verskillende beleidsaksente bevorder, of dit bloot as 'n dekmantel gebruik om mee te ding om die leierskap en beheer.

Wat in hierdie geval anders is, is dat Zuma en sy volgelinge staatskapers is wat die land se skaars bronne vir selfverryking gestroop het. En nou ontsteld is omdat ondersoeke daarna momentum kry.

Hou gouer die ANC-regering en die land finaal ontslae is van hul invloed, hoe beter.

• NETWERK24

Soortgelyk

 

Vlieëniers vlieg ‘blind’

7 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

7 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

7 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

7 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

7 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

7 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

7 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Geingob maan oor voorvaderlike grondeise

7 ure gelede | Regering

Jemima Beukes - President Hage Geingob het gewaarsku die emosionele kwessie van voorvaderlike grondeise, indien dit vir politieke gewin gebruik word, kan ’n burgeroorlog ontketen....

Swakop se vuurtoring bewaar

7 ure gelede | Plaaslik

Erwin Leuschner – Swakopmund se estetika-komitee het die nuutste ontwerp vir ’n beplande ontwikkeling by die dorp se voormalige binnenshuise swembad afgekeur. Dít omdat ’n...