Hamleys: Harde werk lê voor om kinders te bekoor
Elvira Wood - Hamleys-speelgoedwinkels het dalk 'n “betowerende aantrekkingskrag” vir sy nuwe eienaar, maar dit gaan harde werk vat om dié winkels weer op dreef te kry.
Faheem Mohammed, direkteur by Osbro, het met Netwerk24 gesels oor dié maatskappy se planne vir Hamleys.
Dit kom nadat Ensolor, die vorige eienaar van die franchise, in Februarie in sakeredding geplaas is.
Hoewel Mohammed erken dat hy oorspronklik nie so opgewonde was om die franchise te koop nie, het Riad Laher, besturende direkteur van Rand Outfitters, hom andersins oortuig.
“Riad was van die oomblik wat hy gehoor het die groep is in sakeredding baie opgewonde oor die moontlikheid om dit te koop. Hy het ons onmiddellik gekontak daaroor,” vertel Mohammed.
Hy sê hoe meer hulle na die moontlikheid gekyk het, hoe beter het die plan geklink.
“Ons het net besef dat ons kan nie toelaat dat die groep ondergaan nie.
“Ons eerste rede om die groep oor te neem, was dat dit volgens ons wel winsgewend bedryf kan word. Die tweede rede is dat soveel poste op die spel is.
“Die derde is natuurlik dat dit 'n fantasiewêreld is wat nie moet ondergaan nie,” sê hy.
Mohammed gee toe hoewel hy Hamleys as 'n fantasiewêreld beskou, dit veel meer as 'n towerstaffie gaan verg om die onderneming weer in orde te kry.
“Net omdat ons die groep oorgeneem het, beteken dit nie alles gaan nou voor die wind nie. Daar is baie uitdagings wat ons moet oorkom,” sê hy.
Een van die uitdagings was om bestaande verskaffers te oortuig om steeds sake met die maatskappy te doen.
“Sommige van ons verskaffers dring daarop aan dat ons hulle vooraf kontant betaal vir bestellings. Gegewe die geskiedenis, is dit natuurlik verstaanbaar,” sê hy.
Mohammed sê te danke aan onderhandelings is al die verskaffers steeds bereid om speelgoed aan die groep te lewer.
“Ons wil nie net by bestaande verskaffers hou nie. My familie het 30 jaar ervaring van invoer. Ons wil kyk watter nuwe produkte ons kan lewer,” sê hy.
Mohammed sê hy wil ook seker maak dat Suid-Afrikaners weet hoewel Hamleys na 'n “duur” winkel lyk, die speelgoed bekostigbaar gaan wees.
Winkels
Wat die winkels self betref, sê Mohammed al die winkels wat tans in bedryf is, sal in bedryf bly.
Die enigste nuwe winkel wat vir eers oopgemaak gaan word, is die een in die Fourways-winkelsentrum in Johannesburg. Dié winkel maak op 6 Desember sy deure oop.
Mohammed sê ná Fourways gaan Hamleys dit waarskynlik eers weer in 2021 oorweeg om nóg takke oop te maak.
As hy gevra word wat die nuwe winkel gaan bied om te verseker dat mense dit besoek, glimlag hy net.
“Glo my, daar is baie verrassings. Kom kyk self.”
Volgens hom gaan dié winkel selfs meer “betowerend” wees as die een in Sandton City, Johannesburg.
Dié winkel bekoor kinders veral met sy glyplank waar hulle van die verdieping bó die winkel tot in die middel van die winkel kan gly.
Vorige eienaar
Stefan Steyn, die sakeredder wat by Hamleys aangestel is, het lank reeds gesê bewyse dui daarop dat Philip Paphitis glo die “groep rot en kaal besteel en die pad met sowat R20,3 miljoen gevat het.”
Paphitis het dié bewerings voorheen in 'n e-pos aan Netwerk24 ontken.
Mohammed sê wel hy weet dat Steyn sedertdien 'n klag van bedrog teen Paphitis by die polisiekantoor in Bedfordview ingedien het.
Paphitis het nié op Netwerk24 se versoek om kommentaar hierop gereageer nie. – Netwerk24
Faheem Mohammed, direkteur by Osbro, het met Netwerk24 gesels oor dié maatskappy se planne vir Hamleys.
Dit kom nadat Ensolor, die vorige eienaar van die franchise, in Februarie in sakeredding geplaas is.
Hoewel Mohammed erken dat hy oorspronklik nie so opgewonde was om die franchise te koop nie, het Riad Laher, besturende direkteur van Rand Outfitters, hom andersins oortuig.
“Riad was van die oomblik wat hy gehoor het die groep is in sakeredding baie opgewonde oor die moontlikheid om dit te koop. Hy het ons onmiddellik gekontak daaroor,” vertel Mohammed.
Hy sê hoe meer hulle na die moontlikheid gekyk het, hoe beter het die plan geklink.
“Ons het net besef dat ons kan nie toelaat dat die groep ondergaan nie.
“Ons eerste rede om die groep oor te neem, was dat dit volgens ons wel winsgewend bedryf kan word. Die tweede rede is dat soveel poste op die spel is.
“Die derde is natuurlik dat dit 'n fantasiewêreld is wat nie moet ondergaan nie,” sê hy.
Mohammed gee toe hoewel hy Hamleys as 'n fantasiewêreld beskou, dit veel meer as 'n towerstaffie gaan verg om die onderneming weer in orde te kry.
“Net omdat ons die groep oorgeneem het, beteken dit nie alles gaan nou voor die wind nie. Daar is baie uitdagings wat ons moet oorkom,” sê hy.
Een van die uitdagings was om bestaande verskaffers te oortuig om steeds sake met die maatskappy te doen.
“Sommige van ons verskaffers dring daarop aan dat ons hulle vooraf kontant betaal vir bestellings. Gegewe die geskiedenis, is dit natuurlik verstaanbaar,” sê hy.
Mohammed sê te danke aan onderhandelings is al die verskaffers steeds bereid om speelgoed aan die groep te lewer.
“Ons wil nie net by bestaande verskaffers hou nie. My familie het 30 jaar ervaring van invoer. Ons wil kyk watter nuwe produkte ons kan lewer,” sê hy.
Mohammed sê hy wil ook seker maak dat Suid-Afrikaners weet hoewel Hamleys na 'n “duur” winkel lyk, die speelgoed bekostigbaar gaan wees.
Winkels
Wat die winkels self betref, sê Mohammed al die winkels wat tans in bedryf is, sal in bedryf bly.
Die enigste nuwe winkel wat vir eers oopgemaak gaan word, is die een in die Fourways-winkelsentrum in Johannesburg. Dié winkel maak op 6 Desember sy deure oop.
Mohammed sê ná Fourways gaan Hamleys dit waarskynlik eers weer in 2021 oorweeg om nóg takke oop te maak.
As hy gevra word wat die nuwe winkel gaan bied om te verseker dat mense dit besoek, glimlag hy net.
“Glo my, daar is baie verrassings. Kom kyk self.”
Volgens hom gaan dié winkel selfs meer “betowerend” wees as die een in Sandton City, Johannesburg.
Dié winkel bekoor kinders veral met sy glyplank waar hulle van die verdieping bó die winkel tot in die middel van die winkel kan gly.
Vorige eienaar
Stefan Steyn, die sakeredder wat by Hamleys aangestel is, het lank reeds gesê bewyse dui daarop dat Philip Paphitis glo die “groep rot en kaal besteel en die pad met sowat R20,3 miljoen gevat het.”
Paphitis het dié bewerings voorheen in 'n e-pos aan Netwerk24 ontken.
Mohammed sê wel hy weet dat Steyn sedertdien 'n klag van bedrog teen Paphitis by die polisiekantoor in Bedfordview ingedien het.
Paphitis het nié op Netwerk24 se versoek om kommentaar hierop gereageer nie. – Netwerk24
Kommentaar
Republikein
Geen kommentaar is op hierdie artikel gelaat nie