Haihambo terug in hof
’n Man wat in 2019 in Kuisebmund sy meisie verskeie kere met ’n mes in haar nek gesteek het, se verhoor hervat.
Kristien Kruger – Die moordbeskuldige mnr. Philipus Hafeni Haihambo (55) se verhoor het hierdie week in die hoërhof in Windhoek hervat.
Die verhoor was verlede jaar onverwags deur hoërhofregter Orben Sibeya uitgestel omdat verskeie getuies tydens die Covid-19-inperkings van Walvisbaai nie na Windhoek kon reis nie.
Hy het in September 2020, aan die begin van sy verhoor, onskuldig gepleit op die klag van moord en aanranding.
Haihambo word daarvan beskuldig dat hy sy meisie, saam met wie hy in Kuisebmond gewoon het, se keel met ’n kombuismes gesteek het. Hy het na bewering die 36-jarige Hanguwo Otiilie Mwateuvi op 1 September 2019 vermoor en hy is kort daarna in hegtenis geneem.
Volgens die hofstukke het ’n bakleiery tussen hom en die oorledene ontaard, waarna hy haar met die mes in die nek gesteek het. Sy het glo gehardloop om hulp te soek en hy het haar agterna gesit.
Hy het haar glo ingehaal en haar verskeie kere met die mes gesteek. Hy het glo vermoed dat sy meisie, met wie hy een kind het, hom verneuk met haar eks-kêrel omdat hy teksboodskappe op haar selfoon gesien het wat glo daarop gedui het.
Met sy eerste verskyning voor landdros Rhivermo Williams in Walvisbaai se landdroshof is borgtog geweier.
Haihambo staan ook tereg op ’n klag van aanranding omdat hy na bewering die oorledene in Augustus 2019 gestamp en aan haar voete gesleep het.
Adv. Ian Malumani verteenwoordig die staat en die regshulp-prokureur mnr. Alvin Titus verteenwoordig Haihambo.
– [email protected]
Die verhoor was verlede jaar onverwags deur hoërhofregter Orben Sibeya uitgestel omdat verskeie getuies tydens die Covid-19-inperkings van Walvisbaai nie na Windhoek kon reis nie.
Hy het in September 2020, aan die begin van sy verhoor, onskuldig gepleit op die klag van moord en aanranding.
Haihambo word daarvan beskuldig dat hy sy meisie, saam met wie hy in Kuisebmond gewoon het, se keel met ’n kombuismes gesteek het. Hy het na bewering die 36-jarige Hanguwo Otiilie Mwateuvi op 1 September 2019 vermoor en hy is kort daarna in hegtenis geneem.
Volgens die hofstukke het ’n bakleiery tussen hom en die oorledene ontaard, waarna hy haar met die mes in die nek gesteek het. Sy het glo gehardloop om hulp te soek en hy het haar agterna gesit.
Hy het haar glo ingehaal en haar verskeie kere met die mes gesteek. Hy het glo vermoed dat sy meisie, met wie hy een kind het, hom verneuk met haar eks-kêrel omdat hy teksboodskappe op haar selfoon gesien het wat glo daarop gedui het.
Met sy eerste verskyning voor landdros Rhivermo Williams in Walvisbaai se landdroshof is borgtog geweier.
Haihambo staan ook tereg op ’n klag van aanranding omdat hy na bewering die oorledene in Augustus 2019 gestamp en aan haar voete gesleep het.
Adv. Ian Malumani verteenwoordig die staat en die regshulp-prokureur mnr. Alvin Titus verteenwoordig Haihambo.
– [email protected]
Kommentaar
Republikein
Geen kommentaar is op hierdie artikel gelaat nie