Hage moet dié bakkie oor die duin kry

Pietrossie skryf:Kort gelede het een van ons jonger, briljante joernaliste 'n onderhoud gevoer met president Geingob tydens sy verjaarsdag. Danksy hierdie geleentheid was die president weer 'n keer rustig spraaksamig, sonder sy na my mening soms kenmerkende arrogansie en bytende tong.Die meeste media-onderhoude met Swapo parlementariërs word gewoonlik met onopregte, politieke, skimpende ongeërgdheid hanteer en indringende vrae word agterdogtig bejeën. Daarteenoor is daar lang periodes van dawerende stilte van die kant van ons president.Ons mense van die Namibiese Huis wil lees om op hoogte van landsake te bly. Die media, maar veral die dagblaaie, moet meer geprys word vir goeie, feitelike beriggewing.Ongelukkig sluk die breër leserspubliek daagliks moedig, maar teensinnig aan die talle negatiewe gebeure vanoor die hele land. Afgesien van 'n grom so nou en dan van een of ander "beklekker-stertswaaier" kader binne die parlement, bly die "Chief Comrade" skynbaar onverstoord te wees? En dit is kommerwekkend.Baie kritici binne die privaat sektor kla dat Namibië in die grond in bestuur word. Tog so waar! Maar daar is blykbaar geen ervare bakkiemanne in die wetgewer (*"August"-bakkie) se kajuit wat weet hoe om die armoede-, gesondheids-, ekonomiese en onderwys-duine van ons woestynland suksesvol oor te steek nie.Heelwat beterweterige politieke brawes wil graag die stuurwiel oorvat, maar ken en druk net die toeter. Die “four by four” lê hoeka al tot by sy asse vasgeval in die sand. Kameraad Tweya ry graag 'n klomp hooivurke, in plaas van grawe saam om die sousbus te probeer uitgrawe. Ander, dis nou die hardekoejawels, wil nie bande afblaas nie. Hulle beskou dit as tradisionele papbroekigheid.En wat van die verblindende woestynson se harde, feitelike realiteit van wat oor ons land opkom? Die helder strale van verhongering, bankrotskap, korrupsie, ens. lei tot blindheid en nadelige stiksienigheid. Vandaar ons eksellensie se moontlike voorliefde vir 'n donkerbril wanneer "State House" verlaat word? Sien niks, hoor niks en sê niks. (Onthou, die *"August"-bakkie lê nog agter die duine).Verder blaas die jen-oosweer vanuit die Verre Ooste in ons nekke – lenings, stropery, arbeidsdiefstal, ens. Die mannetjies van doer het beter raat as donkerbrille teen hierdie stof en sand. Trek net jou oë op skrefies.President Hage Geingob, u het die laaisens om agter die stuurwiel in te skuif. Ons almal sal help stoot!*August = dignified/majestic/noble

Hage moet dié bakkie oor die duin kry

Kommentaar

Republikein 2025-06-17

Meld asseblief aan om kommentaar te lewer

Hage moet dié bakkie oor die duin kry

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie