Haastige Risa voltooi Comrades in top-40
Vir 2019 sal haar visier sonder twyfel op 'n silwermedalje ingestel wees.
Andrew Poolman - Vir die tweede opeenvolgende jaar was Risa Dreyer die eerste Namibiër oor die eindstreep by laas naweek se Comrades ultra-marathon van Pietermaritzburg na Durban.
Die 29-jarige Windhoek Harriers-atleet het die wêreldbekende afstand van 90.18 kilometer in sewe ure 48 minute 56 sekondes afgelê. Sy was in 'n indrukwekkende 37ste posisie in die algehele vroueresies en 24ste in die vroue ope ouderdomsklas (jonger as 40 jaar). Altesame 3 371 vrouehardlopers het die eindstreep gehaal.
Dreyer was net 18 minute stadiger as die spertyd van sewe-en-'n-half ure vir hardlopers wat die spogbyeenkoms se gesogte silwermedalje wil inpalm.
Met haar jeugdige ouderdom en vordering tot dusver is dit nie vergesog nie dat sy dié prestasie volgende jaar kan behaal. Die Comrades se goue medaljes word aan die eerste tien mans- en toptien vrouehardlopers oorhandig.
“Ek het nie regtig geoefen vir 'n silwer nie en het dalk te stadig begin om op koers te bly. Ek het wel in 'n stadium besef dat dit binne my bereik kon wees. Maar volgende jaar kom ek beslis vir die silwer,” voorspel sy opgewonde.
Nog 'n baie spesiale aspek vir Dreyer was dat haar pa, Maans (57), die uitmergelende wedloop vir die tweede keer voltooi het.
Sy was vanjaar in die Twee Oseane ultra-marathon in die Kaap 33ste in die vroueresies (4 ure 40 minute), maar laas Sondag was die hoogtepunt van die jaar.
“Dit was die lekkerste nóg van my vier Comrades-wedlope. Alles het goed verloop en ek het tot op die laaste baie sterk gevoel.
“Ek het vir my pa by die eindstreep gewag en toe het 'n paar trane van blydskap gevloei,” vertel sy.
Dreyer het in 2015 haar Comrades-debuut gemaak (9-en-'n-half ure vir die af-wedloop) voordat sy haar eindtyd die volgende jaar tot 8:48 verbeter het. Dit het ook haar eerste Bill Rowan-medalje verseker, wat aan alle voltooiers vinniger as nege ure toegeken word.
Verlede jaar het sy by die eindstreep in Pietermaritzburg nie net haar tyd opnuut tot 8:28 verbeter nie, maar sy het boonop vir Riaan Burger die jawoord gegee. Die twee is in Maart vanjaar getroud.
Nog 'n Windhoek Harriers-man, Hennie Fourie, het 'n puik debuutvertoning by die Comrades gelewer deur 'n Bill Rowan-medalje met sy tyd van 8:45:52 in te palm. Dreyer, André Ross (Swakop Striders) en Fourie was vanjaar se drie Namibiese ontvangers van Bill Rowan-medaljes.
Hannes Smit van Windhoek Harriers het sy tiende Comrades-marathon voltooi.
Die volgende Namibiërs, of inwoners van Namibië, het laas Sondag se Comrades voltooi:
1 Risa Dreyer (Windhoek Harriers), vroue ope, 7:48:56
2 André Ross (Swakop Striders), mans 40 en ouer, 8:15:41
3 Hennie Fourie (Windhoek Harriers), mans ope 8:45:52
Faghan Pocsi (Swakop Striders), mans ope 9:14:40
Erastus Pinehas (Windhoek City Runners), mans ope 9:41:21
Stephen James, mans ope 9:44:49
Kirsty Brits (Swakop Striders), vroue ope 9:51:29
Eliza Steyl (Walvisbaai), vroue ope 9:56:08
Gideon Joubert (Windhoek Harriers) mans 40 en ouer 9:58:43
Keletso Nyathi (Windhoek Harriers), mans ope 10:22:36
Maans Dreyer (Windhoek Harriers), mans 50 en ouer 10:31:24
Joe Absai (Welwitchia 77), mans ope 10:41:32
Melissa van der Westhuizen (Sanlam atletiekklub), vroue ope 10:45:55
Indileni Nyeemwatya, vroue ope 10:53:28
Achim Herma (Windhoek Harriers), mans 60 en ouer 10:54:57
Pieter Esterhuizen (Windhoek Harriers) mans 40 en ouer 10:57:32
Paulina Shipahu (Windhoek City Runners), vroue ope 10:57:41
Werner Bachmann (Walvis Bay Road Runners), mans 40 en ouer 11:08:03
Pieter Greeff (Walvis Bay Road Runners), mans ope 11:08:03
Wicus Burger (Swakop Striders), mans 40 en ouer 11:10:59
Anja Kreiner (Swakop Striders), vroue 40 en ouer 11:15:35
Raimund Kintscher (Swakop Striders), mans 50 en ouer 11:26:50
Jessica Mostert (Walvis Bay Road Runners), vroue ope 11:39:12
Izabe Muller (Walvis Bay Road Runners), vroue 40 en ouer 11:39:12
Romario Sardinha (ATC Running Club), mans ope 11:43:17
Janet Roscoe (VSA, Windhoek Harriers), vroue 40 en ouer, 11:40:50
Celeste Mertens, vroue ope 11:44:46
Hannes Smit (Windhoek Harriers), mans 40 en ouer 11:55:28
Louise Kotze (Elisenheim Trotters), vroue ope 11:58:59
Die 29-jarige Windhoek Harriers-atleet het die wêreldbekende afstand van 90.18 kilometer in sewe ure 48 minute 56 sekondes afgelê. Sy was in 'n indrukwekkende 37ste posisie in die algehele vroueresies en 24ste in die vroue ope ouderdomsklas (jonger as 40 jaar). Altesame 3 371 vrouehardlopers het die eindstreep gehaal.
Dreyer was net 18 minute stadiger as die spertyd van sewe-en-'n-half ure vir hardlopers wat die spogbyeenkoms se gesogte silwermedalje wil inpalm.
Met haar jeugdige ouderdom en vordering tot dusver is dit nie vergesog nie dat sy dié prestasie volgende jaar kan behaal. Die Comrades se goue medaljes word aan die eerste tien mans- en toptien vrouehardlopers oorhandig.
“Ek het nie regtig geoefen vir 'n silwer nie en het dalk te stadig begin om op koers te bly. Ek het wel in 'n stadium besef dat dit binne my bereik kon wees. Maar volgende jaar kom ek beslis vir die silwer,” voorspel sy opgewonde.
Nog 'n baie spesiale aspek vir Dreyer was dat haar pa, Maans (57), die uitmergelende wedloop vir die tweede keer voltooi het.
Sy was vanjaar in die Twee Oseane ultra-marathon in die Kaap 33ste in die vroueresies (4 ure 40 minute), maar laas Sondag was die hoogtepunt van die jaar.
“Dit was die lekkerste nóg van my vier Comrades-wedlope. Alles het goed verloop en ek het tot op die laaste baie sterk gevoel.
“Ek het vir my pa by die eindstreep gewag en toe het 'n paar trane van blydskap gevloei,” vertel sy.
Dreyer het in 2015 haar Comrades-debuut gemaak (9-en-'n-half ure vir die af-wedloop) voordat sy haar eindtyd die volgende jaar tot 8:48 verbeter het. Dit het ook haar eerste Bill Rowan-medalje verseker, wat aan alle voltooiers vinniger as nege ure toegeken word.
Verlede jaar het sy by die eindstreep in Pietermaritzburg nie net haar tyd opnuut tot 8:28 verbeter nie, maar sy het boonop vir Riaan Burger die jawoord gegee. Die twee is in Maart vanjaar getroud.
Nog 'n Windhoek Harriers-man, Hennie Fourie, het 'n puik debuutvertoning by die Comrades gelewer deur 'n Bill Rowan-medalje met sy tyd van 8:45:52 in te palm. Dreyer, André Ross (Swakop Striders) en Fourie was vanjaar se drie Namibiese ontvangers van Bill Rowan-medaljes.
Hannes Smit van Windhoek Harriers het sy tiende Comrades-marathon voltooi.
Die volgende Namibiërs, of inwoners van Namibië, het laas Sondag se Comrades voltooi:
1 Risa Dreyer (Windhoek Harriers), vroue ope, 7:48:56
2 André Ross (Swakop Striders), mans 40 en ouer, 8:15:41
3 Hennie Fourie (Windhoek Harriers), mans ope 8:45:52
Faghan Pocsi (Swakop Striders), mans ope 9:14:40
Erastus Pinehas (Windhoek City Runners), mans ope 9:41:21
Stephen James, mans ope 9:44:49
Kirsty Brits (Swakop Striders), vroue ope 9:51:29
Eliza Steyl (Walvisbaai), vroue ope 9:56:08
Gideon Joubert (Windhoek Harriers) mans 40 en ouer 9:58:43
Keletso Nyathi (Windhoek Harriers), mans ope 10:22:36
Maans Dreyer (Windhoek Harriers), mans 50 en ouer 10:31:24
Joe Absai (Welwitchia 77), mans ope 10:41:32
Melissa van der Westhuizen (Sanlam atletiekklub), vroue ope 10:45:55
Indileni Nyeemwatya, vroue ope 10:53:28
Achim Herma (Windhoek Harriers), mans 60 en ouer 10:54:57
Pieter Esterhuizen (Windhoek Harriers) mans 40 en ouer 10:57:32
Paulina Shipahu (Windhoek City Runners), vroue ope 10:57:41
Werner Bachmann (Walvis Bay Road Runners), mans 40 en ouer 11:08:03
Pieter Greeff (Walvis Bay Road Runners), mans ope 11:08:03
Wicus Burger (Swakop Striders), mans 40 en ouer 11:10:59
Anja Kreiner (Swakop Striders), vroue 40 en ouer 11:15:35
Raimund Kintscher (Swakop Striders), mans 50 en ouer 11:26:50
Jessica Mostert (Walvis Bay Road Runners), vroue ope 11:39:12
Izabe Muller (Walvis Bay Road Runners), vroue 40 en ouer 11:39:12
Romario Sardinha (ATC Running Club), mans ope 11:43:17
Janet Roscoe (VSA, Windhoek Harriers), vroue 40 en ouer, 11:40:50
Celeste Mertens, vroue ope 11:44:46
Hannes Smit (Windhoek Harriers), mans 40 en ouer 11:55:28
Louise Kotze (Elisenheim Trotters), vroue ope 11:58:59
Kommentaar
Republikein
Geen kommentaar is op hierdie artikel gelaat nie