Gruvoorval by Bahnhof
’n Erg getraumatiseerde motoris is gister vir ’n paar ure gehospitaliseer nadat hy glo oor ’n vrou gery het wat in die pad gelê het.
Denver Kisting – ’n Vrou se kop is gisteroggend buite Rehoboth afgeruk nadat dit glo onder ’n voertuig vasgekeer was.
'n Bron na aan die ondersoek het gister gesê “dis moeilik om te sê” of ’n erg verminkte vrou dood was voor die sedanvoertuig haar getref het.
Die grutoneel het gister omstreeks 05:00 op die Bahnhofpad aan die buitewyke van Rehoboth in die Hardapstreek afgespeel.
Volgens die bron was die motoris uit ’n westelike rigting ooswaarts op pad toe die ongeluk gebeur het.
Die bestuurder van die Golf GTI het glo eers die persoon op die teerpad opgemerk toe hy reeds naby haar was. “Hy het probeer uitswaai, maar het haar met die onderkant van sy voertuig getref,” het die bron gesê.
Teen gistermiddag is die erg verminkte lyk nog nie uitgeken nie.
Republikein se bron sê dit sal onmoontlik wees om die oorledene aan haar vernielde gesig uit te ken. “Die persoon is uitmekaar uit.”
Die polisie hoop die oorledene se naasbestaandes weet watter klere sy ten tye van die ongeluk gedra het in ’n poging om die volwasse vrou uit te ken, sê die bron.
Hoofinsp. Kauna Shikwambi, ’n polisiewoordvoerder, het gistermiddag by navraag die voorval bevestig.
‘IMPAK ONTHOOF VROU’
Sy sê in dié stadium ondersoek die polisie ’n saak van strafbare manslag. “Die voetganger se kop was na bewering onder die voertuig vasgekeer waarna dit afgeruk is.”
Shikwambi sê die polisieondersoek is nog in ’n vroeë stadium.
Die bron het gesê die bestuurder het die polisie gekontak en op die toneel gewag tot die owerhede opgedaag het. “Die bestuurder was doodnugter.”
Die man is nie in hegtenis geneem nie.
Omdat die polisie gehoop het die oorledene sou uitgeken word, was die oorskot nog gister op Rehoboth.
’n Nadoodse ondersoek sal na verwagting in Windhoek geskied.
Shikwambi het gesê die polisieondersoek duur voort.
Dié gruongeluk kom dae nadat lt.genl. Sebastian Ndeitunga, die nasionale polisiehoof, opnuut ’n beroep op Namibiërs gedoen het om hulle tot padveiligheid tydens die feesseisoen te verbind.
Adj.komm. Amalia Gawanas, die Namibiese polisie se verkeershoof, het gister gesê die afgelope naweek was woes op die land se paaie veral wat dronkbestuur betref.
’n 62-jarige man is in die Noorde in hegtenis geneem nadat hy glo in ’n skare mense ingejaag en drie mense beseer het.
Sy bloedalkoholvlak was ver bo die wettige perk, sê Gawanas.
Die verkeershoof sê baie busbestuurders wat openbarevervoerdienste lewer, slaan nie ag op padreëls nie. “Hulle is die mense wat nie traak om die busse te oorlaai nie. Hulle gee ook nie om watter spoed hulle ry nie. Die passasiers sit en rinkink en drink.”
Gawanas het motoriste gewaarsku dat die polisie ook vir die res van die feesseisoen die paaie fyn gaan dophou. “Ons is steeds op die pad.”
- [email protected]
'n Bron na aan die ondersoek het gister gesê “dis moeilik om te sê” of ’n erg verminkte vrou dood was voor die sedanvoertuig haar getref het.
Die grutoneel het gister omstreeks 05:00 op die Bahnhofpad aan die buitewyke van Rehoboth in die Hardapstreek afgespeel.
Volgens die bron was die motoris uit ’n westelike rigting ooswaarts op pad toe die ongeluk gebeur het.
Die bestuurder van die Golf GTI het glo eers die persoon op die teerpad opgemerk toe hy reeds naby haar was. “Hy het probeer uitswaai, maar het haar met die onderkant van sy voertuig getref,” het die bron gesê.
Teen gistermiddag is die erg verminkte lyk nog nie uitgeken nie.
Republikein se bron sê dit sal onmoontlik wees om die oorledene aan haar vernielde gesig uit te ken. “Die persoon is uitmekaar uit.”
Die polisie hoop die oorledene se naasbestaandes weet watter klere sy ten tye van die ongeluk gedra het in ’n poging om die volwasse vrou uit te ken, sê die bron.
Hoofinsp. Kauna Shikwambi, ’n polisiewoordvoerder, het gistermiddag by navraag die voorval bevestig.
‘IMPAK ONTHOOF VROU’
Sy sê in dié stadium ondersoek die polisie ’n saak van strafbare manslag. “Die voetganger se kop was na bewering onder die voertuig vasgekeer waarna dit afgeruk is.”
Shikwambi sê die polisieondersoek is nog in ’n vroeë stadium.
Die bron het gesê die bestuurder het die polisie gekontak en op die toneel gewag tot die owerhede opgedaag het. “Die bestuurder was doodnugter.”
Die man is nie in hegtenis geneem nie.
Omdat die polisie gehoop het die oorledene sou uitgeken word, was die oorskot nog gister op Rehoboth.
’n Nadoodse ondersoek sal na verwagting in Windhoek geskied.
Shikwambi het gesê die polisieondersoek duur voort.
Dié gruongeluk kom dae nadat lt.genl. Sebastian Ndeitunga, die nasionale polisiehoof, opnuut ’n beroep op Namibiërs gedoen het om hulle tot padveiligheid tydens die feesseisoen te verbind.
Adj.komm. Amalia Gawanas, die Namibiese polisie se verkeershoof, het gister gesê die afgelope naweek was woes op die land se paaie veral wat dronkbestuur betref.
’n 62-jarige man is in die Noorde in hegtenis geneem nadat hy glo in ’n skare mense ingejaag en drie mense beseer het.
Sy bloedalkoholvlak was ver bo die wettige perk, sê Gawanas.
Die verkeershoof sê baie busbestuurders wat openbarevervoerdienste lewer, slaan nie ag op padreëls nie. “Hulle is die mense wat nie traak om die busse te oorlaai nie. Hulle gee ook nie om watter spoed hulle ry nie. Die passasiers sit en rinkink en drink.”
Gawanas het motoriste gewaarsku dat die polisie ook vir die res van die feesseisoen die paaie fyn gaan dophou. “Ons is steeds op die pad.”
- [email protected]
Kommentaar
Republikein
Geen kommentaar is op hierdie artikel gelaat nie