Group Five se handelsoorsig is goeie nuus

Francois WilliamsDie mense by die konstruksiegroep Group Five gee mekaar straks ’n vatvyf danksy ’n positiewe handelsverslag wat wys sy verdienste vir die boekjaar tot einde Junie gaan tussen 65% en 75% beter as ’n jaar tevore wees.Group Five, wat sy resultate op 15 Augustus bekend maak, sê die wins uit sy Oos-Europese beleggings het gehelp om sy prestasie te verbeter.Die groep verwag sy ten volle verwaterde verdienste per aandeel sal tussen 65% en 75% beter as ’n jaar gelede wees.Die Oos-Europese beleggingsportefeulje se billike waarde is aansienlik opwaarts aangepas danksy kontantvloei by die onderliggende projekte wat baie beter is as wat oorspronklik verwag is.Group Five is belê in Intertoll, wat tolpaaie in Hongarye en Pole bedryf en in stand hou.Group Five se ingenieurs-en-konstruksiegroepering het egter swakker as verwag presteer, terwyl die siviele-ingenieurswese-segment in ooreenstemming met verwagtinge presteer het. In laasgenoemde afdeling is egter in die tweede helfte van die boekjaar vir slegte skuld voorsiening gemaak.’n Swaard hang nog oor Group Five se kop wat betref ’n klagte by die Mededingingskommissie dat die groep hom in ’n kontrak van 2006 van die Suid-Afrikaanse Nasionale Padagentskap vir die herstel van ’n pad tussen Senekal en Vaalpensspruit in die Vrystaat aan samespanning skuldig gemaak het. - Netwerk24

Group Five se handelsoorsig is goeie nuus

Kommentaar

Republikein 2025-12-16

Meld asseblief aan om kommentaar te lewer

Group Five se handelsoorsig is goeie nuus

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.