Grootfontein skud vere reg vir jaarlikse skou

“Dit is amptelik, ons hou weer skou!” sê mnr. Johann van Heerden, die president van die skouvereniging op Grootfontein.Inwoners van die dorp het reeds vanjaar se 103de skou in hul dagboeke aangeteken – 17 tot 19 September – en Van Heerden sê dit sal een wees om te onthou.Volgens hom sal die optrede van die Suid-Afrikaanse country-sangers, Die Campbells, die grootste trekpleister by die skou wees. Volgens Van Heerden is ander trekpleisters die Flaamse perdry-kampioenskappe, vele kraampies vir jonk en oud en ’n verskeidenheid vermaak vir die kleingoed.“Ons het met Cisko Williams van Suid-Afrika ooreengekom om by die skou te wees. Hy sal vir die kindervermaak sorg met ’n mallemeule, glybane en ’n verskeidenheid van speletjies. Dit is op die oomblik nog onbekend watter mallemeule beskikbaar sal wees, maar daar sal iets wees vir diegene wat wil ontspan en dié wat adrenalien-verslaafdes is,” het Van Heerden gesê.Hy voeg by dat die voorbereiding en reëlings vir die skou goed vorder.Volgens hom word die skouterrein en arena gratis deur die munisipaliteit voorsien, voorberei en natgegooi.“Ek moet dankie sê aan die munisipaliteit vir sy ondersteuning en bystand wat dit in die volgende paar maande gaan bied,” sê hy.’n Spesiale afdeling van die skou is die vlotoptog wat jaarliks aangebied word en enigiemand – ook skole, sakeondernemings of individue – kan vir die optog inskryf. Talle pryse sal op die spel wees.Vanjaar se tema vir die optog is “Nat, Natter Namibië” met die subtema “Aan die einde van ’n reënboog is daar ’n pot goud, wat is joune?”.Deur die loop van die skoutyd word ’n foto- en skolekunskompetisie gehou wat onder dieselfde temas aangebied word.Sekuriteit en veiligheid bly boaan die skoukomitee se prioriteitslys en dit gaan streng toegepas word. “Ons het gereël vir sekuriteit en die onderneming doen dit reeds die afgelope twee tot drie jaar,” het Van Heerden gesê.Kaartjies vir die skou kos N$20 per volwassene en N$10 per kind. Diegene wat ’n seisoenkaartjie aanskaf, kan dit teen N$200 elk koop, wat vir die duur van die skou toegang aan twee voertuie, twee volwassenes en drie kinders bied.Die volgende mense kan vir meer inligting gekontak word: • Vlotoptog - Suret Botma by 081 255 4552• Fotokompetisie – René Plant by 081 255 4552• Binnekraampies – Lolita Wessels by 081 294 8360• Advertensies en buitekraampies – Ilze Jansen by 081 407 5629

Grootfontein skud vere reg vir jaarlikse skou

Kommentaar

Republikein 2025-11-04

Meld asseblief aan om kommentaar te lewer

Grootfontein skud vere reg vir jaarlikse skou

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.