Grootfontein maak 'n plan met vullis

Nuwe stortingsterrein vir beter gesondheid

12 September 2018 | Omgewing
Elvira Hattingh - Grootfontein sal voor die einde van vanjaar 'n nuwe vullis­stortingsterrein hê, waarná die gebruik van die tydelike stortings­terrein agter die militêre basis gestaak sal word.

Só sê mnr. Luke Salomo, Grootfontein-munisipaliteit se woordvoerder, in antwoord op inwoners se klagtes oor plastieksakke by die tydelike ­stortingsterrein wat die wêreld vol waai en 'n swak eerste indruk van die dorp skep.

Foto's van die tydelike stortings­terrein is op Facebook versprei.

Die munisipaliteit sê die ou stortingsterrein is vol en derhalwe gesluit.

“Dit kan nie langer gebruik word nie. Daarom het die dorpsraad besluit om van hierdie tydelike stortingsterrein gebruik te maak. Dit is egter net totdat die nuwe stortingsterrein in gebruik geneem kan word,” het Salomo gesê.

BEHEERMAATREËLS

Oor die kommer dat die ­vullisterrein soos 'n seer oog uitstaan en swak beheer word, het Salomo gesê die dorpsraad is van die omstandig­hede bewus en het gevolglik sekere beheermaatreëls ingestel.

“Die eerste is om die terrein gelyk te maak om te keer dat plastiek rondwaai of dat mense op die terrein loop en aas.

“Verder sal die verskuiwing van die stortingsterrein sou gou moontlik afgehandel word – die doel is om dit voor die einde van die jaar te doen. Die nuwe stortingsterrein sal toegespan word om die beweging van mense daardeur te beperk.

“Die ou stortingsterrein was ook te naby aan informele nedersettings, en om gesondheidsredes het die dorpsraad besluit om dit te sluit en 'n nuwe een buite die dorp op te rig,” het Salomo gesê.

Hy het bygevoeg vullis word daagliks in die onderskeie woongebiede, asook in die sentrale besigheidsgebied op die dorp versamel - van Maandae tot Vrydae, asook op naweke.

“Alle vullis op die dorp word deur die departement vir omgewing en gesondheid bestuur. Sodra dit opgelaai is, word dit na die stortingsterrein vervoer, wat langs die pad na ­Otjinene geleë is, so 7 km buite die sentrale dele van die dorp.”

Salomo het beweringe ontken dat inwoners van die informele nedersetting, Blikkiesdorp, “tussen” die vullis woon.

“Blikkiesdorp is 'n informele nedersetting wat behoorlik met toegang tot elektrisiteit en skoon, lopende water toegerus is. Weens finansiële ­beperkinge kon die dorpsraad egter nog nie die woonbuurt van behoorlike toiletgeriewe voorsien nie.

“Die munisipaliteit het kontrakteurs gekry wat die vullis daagliks in ­Blikkiesdorp sal oplaai. Boonop het die munisipaliteit dié deel van die dorp van houers verskaf waarin hul vullis gegooi kan word.”

ALMAL SE TAAK

Salomo het gesê 'n skoon omgewing vorm 'n belangrike deel van mense se gesondheid en welstand.

“Die voordele van 'n skoon dorp sluit in gesonde mense, 'n produktiewe ekonomie en florerende besighede, asook 'n dorp wat aantreklik vir beleggers en toeriste is. Die verantwoordelikheid lê dus by almal van ons.”

Hy het gevra Grootfontein-inwoners moet mense aanmeld wat vullis op onwettige plekke stort.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...