Groot boufirma gelikwideer

Jana Breytenbach - Een van Suid-Afrika se grootste boumaatskappye, NMC (Edms) Bpk wat handel gedryf het as Niel Miller Construction, is Woensdag finaal in die hooggeregshof in Kaapstad gelikwideer.NMC het onder meer die bouwerk aan die nuwe KPMG-gebou in die hawegebied gedoen. Dit is nie afgehandel nie. NMC en drie van sy maatskappye het net voor die bouersvakansie op 15 Desember 2017 (by wyse van direkteursbesluit) stil-stil aansoek gedoen om sakeredding.Die sakereddingpraktisyns Stephen Smyth en Fenwick Neil Miller, (van PwC en Mazars) het die maatskappye in kennis gestel dat daar “geen redelike vooruitsig is om die onderneming te red nie”. Die hof het Woensdag die aansoek om likwidasie toegestaan.In ’n kennisgewing wat op 30 Januarie aan al die werknemers en krediteure uitgestuur is, het die sakereddingpraktisyns bevestig hulle sal ’n aansoek voor die hof bring om NMC en die ander drie maatskappye te likwideer.Luidens NMC se aansoek om sakeredding in Desember 2017, het Andrè Vlok, direkteur en finansiële hoof van NMC, in ’n beëdigde verklaring gesê daar is verskeie ander entiteite onder NMC geregistreer. NMC besit ’n 100% aandeel in NMC Civils (Edms) Bpk, NMC (North) (Edms) Bpk en BH Plant Hire Propriety Bpk. Hierdie maatskappye is ook in Desember 2017 onder sakeredding geplaas.Verder hou NMC ’n 43% aandeel in Mokwena Surfacing (Edms). Bpk.Luidens die stukke het NMC se kontantvloeiprobleme begin toe hulle laat betaal is vir ’n groot kontrak in die Oos-Vrystaat vir die departement van water en sanitasie. As gevolg daarvan het verskeie ander projekte gestol en omset het in die gedrang gekom. Daarbenewens het verskeie projekte deur die mat geval.’n Lig aan die einde van die tonnel was die Nywerheidsontwikkelingskorporasie (NOK) wat in NMC wou belê. Luidens die stukke sou dié moontlike belegging R250 miljoen beloop.Die NOK het egter tydens ’n vergadering op 11 Desember met NMC besluit om nie met die belegging voort te gaan nie.Luidens hofstukke kon NMC nie sy sowat 2 400 werknemers se lone en salarisse vir Januarie betaal nie.Tans beloop NMC se oortrokke Absa-rekening R55 miljoen, terwyl hulle ’n limiet van R70 miljoen het. In die likwidasie-aansoek voer die sakereddingpraktisyns aan NMC skuld sy krediteure R250 miljoen.“NMC blyk op papier solvent te wees, maar die sakepraktisyns glo dit moet weer bekyk word,” lui die hofstukke.Tans het NMC vaste bates van R19 miljoen, maar sluit dit skuld en geld vir projekte in wat nie ingesamel kan word nie. Die waarde hiervan is ’n negatiewe R226 miljoen.Absa het NMC se rekening op 26 Januarie gevries en daarom kon werknemers en krediteure nie in Januarie betaal word nie.Adv. Gavin Woodland, vir die sakereddingpraktisyns, het die hof gevra om die maatskappy finaal te likwideer en ’n likwidateur aan te stel sodat die proses kan begin.Waarnemende regter Diane Davis het die aansoek, wat nie teengestaan is nie, bekragtig. – Netwerk24

Groot boufirma gelikwideer

Kommentaar

Republikein 2025-11-05

Meld asseblief aan om kommentaar te lewer

Groot boufirma gelikwideer

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.